版主對車路士球員評分 杜奧巴8.5分成最佳!!

我從來都未做過呢樣野, 不過今次手痕想分享下, haa


施治- 8.0 成場波如果唔係施治, 後防一定失多過一球, 就好似擋住左拿維斯既單刀。雖然失左一球波, 但果球恩拿既射波的確無得救. 整場比賽施治就是藍軍後防的定海神針。

伊雲奴域- 7.5 伊雲奴域真係近年最佳收購之一, 如果當年格蘭唔用佢放左佢走, 後果真係不堪切想!!! 今日佢既絕殺, 加上不停既右邊跑動見曬功價!!!打得好好...

阿殊利高爾- 6.0 講真, 今場波睇得出高爾係老左了。好多時上左去助攻, 又交唔到d咩貨..但係反而後面仲多左空位俾人攻擊。今場波, 拿波里好多攻勢都係由右路進攻, 正正就係高爾唔見左, 去到加時階段更多差d會兩黃一紅出場。

大衛雷斯- 7.0 同上場比, 上場同卡希爾拍擋, 明顯負擔好重, 卡希爾亦未夠班應付卡雲尼。今場波見到雷斯收到order, mark死卡雲尼...的確做到野, mark到卡雲尼真係無機會起腳咁..做得好!

泰利- 8.0 車路士精神領袖係返場入面真係定好多, 大將之風就係呢d。清波,入波,指揮樣樣齊, 仲要係帶傷上陣, 真係無得彈。佢換出場後, 見佢真係好累...但係佢叫雷斯唔好走, 留下場果個情景...佢真係好似一個教練!!!

艾辛- 6.5 艾辛不復當年勇, 但仍然夠洗。開波初段好多次俾人斷左腳下球, 不過去到中後段, 開始入局, 好多次都護得住個波..俾到上前。

拉美利斯- 7.0 今日移左去打左路, 其實間接減低左佢既作用, 不過你真係吹佢脤, 右腳仔去左邊用返右腳出個波又真係令, 又交出一個助攻, 佢係中場靈動的跑位真係幫到好多, 都屢次給隊友創造殺機。

馬達- 6.5 今場波稍為靜左d, 同埋似係有d疲態。

史度歷治- 6.0 除左開波早段第一腳射門之外, 大部分時間都唔見左影.....佢既腳法俾拿波里班波睇殺左, 換走佢係明智選擇。

林柏特- 7.5 林柏特雖然已經唔可以場場打滿, 但係今場打返個中場中位置, 墜後少少教炮又真係好好多, 可以有多d空間都時間俾佢去諗下一步。12碼亦處理得非常乾淨, 神燈keep on fire!!!

杜奧巴- 8.5 全場最佳無疑是魔獸杜奧巴。上半場接拉美助攻頭槌吹起藍軍反攻號角, 下半場禁區內轉身冷射差點再度敲開拿波里大門, 加時既時候又助攻幫助伊雲仔完成絕殺!!! 今場杜奧巴不但在進攻中給球隊做出了貢獻,更重要的是他的求勝慾望感染了全體車路士隊員。連賽後迪帥都飛撲咀左佢一啖

後備:

保辛華 - 6.0 替換受傷的泰利上場, 打返個右閘都稱職。

馬路達- 6.0 加時賽初段換下馬達, 上場後保持返中場一定的衝擊力。

托利斯- 6.0 再一次錯失破入球荒既良機,不過果球空門係唔易射既。都見到佢既積極跑動, 只係入到場既時間, 其他球員都一心防守了。

留言


請按此登錄後留言。未成為會員? 立即註冊
    快捷鍵:←
    快捷鍵:→