去片
http://www.youtube.com/watch?v=vaKey4HTKlchttp://hk.apple.nextmedia.com//images/apple-photos/apple/20110905/small/AA05_01_a.gif
車仔今季英超唔係好撻得起，頭 3場聯賽雖然 2勝 1和，但表現及氣勢完全比唔上曼市雙雄曼聯同曼城，甚至利物浦。再咁落去，新帥波亞斯真係唔知點同油王阿巴莫治域交代，於是佢用奇招嚟催谷班球員，就係電佢哋對腳喇。
刺激腳部神經跑快啲
由有「摩連奴二世」之稱嘅波亞斯嚟領軍嘅車仔，季初表現令人失望，首戰只係打和史篤城 0:0，第 2場反勝西布朗 2:1，第 3場對諾域治喺 11個打 10個之下先贏 3:1。話晒佢哋係 3屆冠軍，陣中粒粒皆星，咁嘅表現梗係冇人收貨啦！求盡向阿巴交代嘅波亞斯就諗到條絕橋，捉班球員去電腳，刺激吓佢哋嘅腳部神經。據車仔知情人士話：「波仔真係好有諗頭囉！軍醫會將啲電極貼喺球員嘅腳度，搞到佢哋好似醫院啲病人咁；波仔同佢班教練，想透過電腳嚟分析吓，班球員對腳究竟可以承受到幾多壓力，同埋喺跑動時會對佢哋有乜影響。」
呢位仁兄仲話：「班球員初時以為係做腳部美容，但去見到咁多部電腦喺度，即時知道上咗賊船。佢哋仲有人開玩笑咁話，電嗰吓真係痛到阿媽都唔認得，對腳痛到冇晒知覺，莫講話跑快兩步，跑快兩倍都仲得呀！」
唔知車仔班球員電完對腳後，原本跑唔郁嘅老將好似林柏特同杜奧巴咁，會唔會跑得快啲呢？而射門唔中龍兼軟弱無力嘅費蘭度托利斯，會唔會腳腳七注兼變番神槍手呢？話時話，踢波前諗過做歌星嘅桑馬達，電完腳之後會唔會真係變咗金嗓子呢？
波歷克爆頻換教練原因
另外，前車仔球星波歷克就話，車仔呢幾年換教練換得咁密，全因隊中班球星太難相處，擺明係話上任領隊安察洛堤同再之前嘅史高拉利，都係俾班大哥逼走。
我求大俠亦聽講過，車仔班球星真係好大權，特別係泰利同林柏特，一唔高興就直接向阿巴打小報告，希望波亞斯唔會落得安察洛堤同史高拉利嘅下場啦！
http://www.youtube.com/watch?v=vaKey4HTKlchttp://hk.apple.nextmedia.com//images/apple-photos/apple/20110905/small/AA05_01_a.gif
車仔今季英超唔係好撻得起，頭 3場聯賽雖然 2勝 1和，但表現及氣勢完全比唔上曼市雙雄曼聯同曼城，甚至利物浦。再咁落去，新帥波亞斯真係唔知點同油王阿巴莫治域交代，於是佢用奇招嚟催谷班球員，就係電佢哋對腳喇。
刺激腳部神經跑快啲
由有「摩連奴二世」之稱嘅波亞斯嚟領軍嘅車仔，季初表現令人失望，首戰只係打和史篤城 0:0，第 2場反勝西布朗 2:1，第 3場對諾域治喺 11個打 10個之下先贏 3:1。話晒佢哋係 3屆冠軍，陣中粒粒皆星，咁嘅表現梗係冇人收貨啦！求盡向阿巴交代嘅波亞斯就諗到條絕橋，捉班球員去電腳，刺激吓佢哋嘅腳部神經。據車仔知情人士話：「波仔真係好有諗頭囉！軍醫會將啲電極貼喺球員嘅腳度，搞到佢哋好似醫院啲病人咁；波仔同佢班教練，想透過電腳嚟分析吓，班球員對腳究竟可以承受到幾多壓力，同埋喺跑動時會對佢哋有乜影響。」
呢位仁兄仲話：「班球員初時以為係做腳部美容，但去見到咁多部電腦喺度，即時知道上咗賊船。佢哋仲有人開玩笑咁話，電嗰吓真係痛到阿媽都唔認得，對腳痛到冇晒知覺，莫講話跑快兩步，跑快兩倍都仲得呀！」
唔知車仔班球員電完對腳後，原本跑唔郁嘅老將好似林柏特同杜奧巴咁，會唔會跑得快啲呢？而射門唔中龍兼軟弱無力嘅費蘭度托利斯，會唔會腳腳七注兼變番神槍手呢？話時話，踢波前諗過做歌星嘅桑馬達，電完腳之後會唔會真係變咗金嗓子呢？
波歷克爆頻換教練原因
另外，前車仔球星波歷克就話，車仔呢幾年換教練換得咁密，全因隊中班球星太難相處，擺明係話上任領隊安察洛堤同再之前嘅史高拉利，都係俾班大哥逼走。
我求大俠亦聽講過，車仔班球星真係好大權，特別係泰利同林柏特，一唔高興就直接向阿巴打小報告，希望波亞斯唔會落得安察洛堤同史高拉利嘅下場啦！
請按此登錄後留言。未成為會員? 立即註冊