車路士領隊下季的問題

車路士淺論 於 26/05/2018 發表 收藏文章
原來筆者好耐無出文,工作實在太忙,但車路士近排實在係搞到一鑊泡,領隊去留未決定、球員對領隊不滿、外借球員又擔心有冇得踢、陣容要補強,但轉會權似乎唔會係領隊手上、夏薩特(Hazard)開口要求增強陣容、老闆簽證又有問題。


筆者唔係個個問題都要有足夠嘅知識同識見去理解,惟有講少少對於領隊上嘅睇法。首要解決嘅就係領隊干地(Conte)去留嘅問題,因為唔同領隊對人腳嘅要求唔同,而且今個轉會窗時間短左,以車路士轉會操作嘅速度、以及出手闊綽嘅程度,唔盡早決定買咩人,咁結果就通常係買唔到人。干地打三中堅、比較側重防守,人腳配置要求就要對應返佢戰術要求上補充。如果新任領隊打四後衛,又要補充番打閘嘅球員,因為而家邊路防守球員係打翼衛,同閘係唔同,如果新領隊或者真係改打進攻,又要買多啲岩用既。


同時,亦有傳車仔管理層草擬左一份收購名單,代下季領隊列出補充名單,所以下季領隊無論仲係咪干地,都必然要繼續面對轉會操作上既問題。筆者唔係好同意管理層未解決領隊去留嘅問題就草擬收購名單,完全顯示出管理層無理會過領隊同球隊既配合,連咩人教都未知,就自顧自草擬收購名單,要知道就算制定左搵咩風格既領隊,唔同領隊用人都有所不同,就算打防守,干地同摩連奴(Mourinho)用人準則都唔同。


另外,車仔其實造左個唔太好既頭,就係令領隊威信受損,但又用著重紀律同自身威信既領隊,而係將帥不和既情況下對領隊既支持不足,上一任既摩連奴直接逼走,今次雖然一度賣走左迪亞高哥斯達(Diego Costa),但相信其中一個考量係因為佢踢法易攞牌,鬥心可嘉但紀律上唔好。到近期韋利安(Willian)同大衛雷斯(David Luiz)等巴西幫同干地不和,韋利安更係社交媒體上係相遮住干地。雖然下季領隊未必仲係干地,未必仲有問題,而且夏神等有出聲支持干地,但明顯球員容易唔當領隊威信係一回事,如果干地繼續教,當然要解決,就算唔係都要慎重處理同球員間溝通問題。尤其下季有部份表現可人既外借球員歸隊,係上陣機會﹑輪換上處理不當,都係容易有問題。


下季無論係咪仲係干地教,都一定要盡量爭取轉會買到岩既人,雖然管理層應該都唔似會肯,但嘗試有啲談判都好。同埋相信同球員間溝通上要做多啲,亦要適時保持威望,係難,但我相信一個好既領隊要做到。筆者就個人比較傾向干地留隊,因為佢其實都唔錯,好過佢既實有,不過筆者個人覺得穩定為上,而且佢有一定既了解,不和既球員亦不算多。筆者之後會再講干地如果留隊,會要面對的問題。


多謝各位不吝賜評,一like一支持,多承指教:
https://www.facebook.com/chelsea.gor.sk
標籤: chelsea  conte  

留言


請按此登錄後留言。未成為會員? 立即註冊
    快捷鍵:←
    快捷鍵:→