淺論巴卡約高應如何自處

車路士淺論 於 04/11/2017 發表 收藏文章
近日因各自球隊的表現,巴卡約高(Bakayoko)和馬迪(Matic)開始被比較,尤其曼聯名宿兼評述加利尼維利(Gary Neville)更狠批賣馬迪既決定。始終以車路士中場既配置同作用,正好係賣左後者而買前者,令人自然猜想前者來投係為左代替後者。而近期巴卡約高傷癒後表現一般,車路士亦係歐聯大敗俾羅馬3球;反觀曼聯係英超,先擊敗熱刺,歐聯亦擊退賓菲加,馬迪表現亦不俗。


誠然巴卡約高顯然狀態未足,處理控球比較猶豫,而且傳送都頗有進步空間。而馬迪係曼聯打返出水準,中場提供到攔截力,仲有波入。不過睇返馬迪已經係二度出戰英超,對英超既熟悉程度﹑適應性都遠超巴卡約高,發揮在後者之上屬非常合理。就算當年首戰英超既馬迪自己,都曾經淪為轉會籌碼,不過係葡超發奮令車仔回購返佢。而上季既馬迪同今季係曼聯既馬迪,都唔係好似同一個人,好難話車仔賣佢係錯。


巴卡約高現時其實表現並未到不可接受,而上季係摩納哥既表現亦證明佢能力上係無問題,所欠既只係時間去操返態同適應返英超節奏,以其能力及身體質素相信並無大問題。筆者淺見認為,首先佢要做好防守先,清波爽啲,等法比加斯(Fabregas) or真禾特(Drinkwater)主責組織,而如果搭簡迪(Kante)既佢都一定進攻能力,所以其實唔使加太多責任俾巴卡先。如果先專注做好防守,分波﹑組織交由身邊隊友黎做,就好似當時既米基爾(Mikel)咁,相信至少表現會穩定落黎。到佢顯示出有返態或者適應到英超節奏,先慢慢加佢組織能力同責任,好似簡迪一樣,反而對佢對球隊既作用會更大。


新球員加盟,總要一啲時間融入,即插即用係bouns,加上傷患一定影響唔細,不妨先睇定啲,慢慢再判定一個球員or一宗收購都唔遲。


多謝各位不吝賜評,一like一支持,多承指教:
https://www.facebook.com/chelsea.gor.sk
標籤: chelsea  matic  bakayoko  

留言


請按此登錄後留言。未成為會員? 立即註冊
  • Albert Lam 於 05/11/2017 評論 NO. 1

    其實巴卡約高同馬迪係吾同類型既球員。關鍵防守吾係法比強項,加重左隊友防守壓力。就算上季馬迪拍法比都吾見得係穩。

快捷鍵:←
快捷鍵:→