筆者都好耐冇睇波，今次好好彩間餐廳有得睇，終於都見到車路士贏番一場，不過過程就有啲緊張。
呢球真係好靚
其實今場車路士一開頭踢得麻麻地，縱觀成場波，其實見到車路士嘅逼搶做得唔係咁好。好多時佢地嘅逼搶好似冇乜合作，雖然好多時都見到球員都有拼勁、積極性都好，但係好多時都逼唔甩人地個波，反而人地一推就過，門前一度風聲鶴唳。另外進攻方面，終於都見到夏薩特(Hazard)、莫拉達(Morata)同埋柏度(Pedro)嘅合作，不過進攻組織上雖然有時啲配合幾好，三角短處都算幾合拍，不過默契依然仲有進步嘅空間，到時進攻嘅組織能力同威脅就會更進一步。
而個別球員上，中場中路依然需要簡迪(Kante)，巴卡約高(Bakayoko)表現尚待進步，佢同球隊有時都係清波唔夠果斷，雖然控球重要，但有啲位真係要拿拿聲清。而法比雖然有勤力，但不論攻守都有少少拖泥帶水，有時會太心急出腳造成犯規，有時單刀又太耐唔射。
只要令一邊廂，屈福特雖然係打得幾好，有時確實把握到車路士嘅弱點，而且見到佢哋下半場都壓上去攻，明顯係睇準車路士防守唔嚴密，而且亦都確實入到一球。不過唔知筆者有冇錯，不過好睇唔過眼就係，屈福特嘅球員都好多比較粗野嘅動作，雖然有時車路士都有啲不智嘅犯規，但係確實可能踢法上嘅需要，屈福特嘅球員係比較過硬嘅踢法。
不過筆者比較唔滿意嘅係球證嘅表現，有幾球唔知算唔算叫做有爭議性嘅判罰，球證都作出對屈福特比較有利嘅判決，包括有兩次插水球證睇唔到。同埋56分鐘左右，連界外球都判錯。當然球證喺球場訊息之間要作出判決，確實係比較難，不過球證大半場都吹得ok，呢啲缺點變得好現眼。
嚟緊車路士希望可以傷兵盡快好返，同埋真係需要買人，喺部份主力想出嘅時候，好明顯球員會有心無力，尤其係中場中路嘅防守能力；而且其實上半場後段同下半場開頭有段時間明顯亂晒陣腳，加上逼搶不力嘅問題，呢個都係干地(Conte)需要面對嘅問題。不過喜見干地換人上有啲心思，亦都見效，之前其實干地換人能力唔算好，尤其見到巴舒亞伊(Batshuayi)入替莫拉達，又係點對點，雖然可能係莫拉達仲有少少傷，但以為又係保守式換人，好彩亞伊交到功課，球隊都順利贏波，但如果板凳深返少少，應付傷兵及狀態問題，就唔使咁驚險。
多謝各位不吝賜評，一like一支持，多承指教：
https://www.facebook.com/chelsea.gor.sk
呢球真係好靚
其實今場車路士一開頭踢得麻麻地，縱觀成場波，其實見到車路士嘅逼搶做得唔係咁好。好多時佢地嘅逼搶好似冇乜合作，雖然好多時都見到球員都有拼勁、積極性都好，但係好多時都逼唔甩人地個波，反而人地一推就過，門前一度風聲鶴唳。另外進攻方面，終於都見到夏薩特(Hazard)、莫拉達(Morata)同埋柏度(Pedro)嘅合作，不過進攻組織上雖然有時啲配合幾好，三角短處都算幾合拍，不過默契依然仲有進步嘅空間，到時進攻嘅組織能力同威脅就會更進一步。
而個別球員上，中場中路依然需要簡迪(Kante)，巴卡約高(Bakayoko)表現尚待進步，佢同球隊有時都係清波唔夠果斷，雖然控球重要，但有啲位真係要拿拿聲清。而法比雖然有勤力，但不論攻守都有少少拖泥帶水，有時會太心急出腳造成犯規，有時單刀又太耐唔射。
只要令一邊廂，屈福特雖然係打得幾好，有時確實把握到車路士嘅弱點，而且見到佢哋下半場都壓上去攻，明顯係睇準車路士防守唔嚴密，而且亦都確實入到一球。不過唔知筆者有冇錯，不過好睇唔過眼就係，屈福特嘅球員都好多比較粗野嘅動作，雖然有時車路士都有啲不智嘅犯規，但係確實可能踢法上嘅需要，屈福特嘅球員係比較過硬嘅踢法。
不過筆者比較唔滿意嘅係球證嘅表現，有幾球唔知算唔算叫做有爭議性嘅判罰，球證都作出對屈福特比較有利嘅判決，包括有兩次插水球證睇唔到。同埋56分鐘左右，連界外球都判錯。當然球證喺球場訊息之間要作出判決，確實係比較難，不過球證大半場都吹得ok，呢啲缺點變得好現眼。
嚟緊車路士希望可以傷兵盡快好返，同埋真係需要買人，喺部份主力想出嘅時候，好明顯球員會有心無力，尤其係中場中路嘅防守能力；而且其實上半場後段同下半場開頭有段時間明顯亂晒陣腳，加上逼搶不力嘅問題，呢個都係干地(Conte)需要面對嘅問題。不過喜見干地換人上有啲心思，亦都見效，之前其實干地換人能力唔算好，尤其見到巴舒亞伊(Batshuayi)入替莫拉達，又係點對點，雖然可能係莫拉達仲有少少傷，但以為又係保守式換人，好彩亞伊交到功課，球隊都順利贏波，但如果板凳深返少少，應付傷兵及狀態問題，就唔使咁驚險。
多謝各位不吝賜評，一like一支持，多承指教：
https://www.facebook.com/chelsea.gor.sk
請按此登錄後留言。未成為會員? 立即註冊