一月轉會點樣執：曼城 精選

一月轉會窗期間，賽季已經黎到半程，筆者就講下幾支備受注目既球隊應點利用轉會窗，今季曼城換黎名帥哥迪奧拿(Guardiola)執教，但一眾既期待帶黎既只係己迷既失望同敵迷既竊笑。球隊打上哥帥既烙印，但未見哥帥控球組織既威力，只見球隊組織不成被打防反。比較大既亮點只有迪布尼(de Bruyne)繼續上佳發揮，及小將伊軒拿祖(Iheanacho)不俗既表現。


其實筆者一再提及唔睇好哥帥教曼城，佢整頓球隊既能力並唔明顯，佢有能力將強隊發揮實力，但頗需要球隊有足夠能力發揮佢既打法，而非以戰術能力改善球隊。佢夏天其實比較失色既係太過按自己風格需求黎買人，而有d位置就無按需要買人。例如中堅位置，由於表現不穩，迪米捷利斯(Demichelis)約滿離隊、文加拉被外借去華倫西亞，中堅位置只剩三人，但當中隊長甘賓尼向來易傷，中堅只有新加盟既史東斯(Stones)同表現唔算非常穩健既奧坦文迪(Otamendi)，真係夠咩？


另外閘老化都係問題，雖然右閘人選表現無大問題，但左閘人腳明顯表現唔夠好，質素亦有限，加上兩閘四人年紀都過30，唔打得幾耐。至於龍門其實買巴禾唔係問題，佢係巴塞係證明有實力，但佢點打問題係係領球身上，哥帥要點指揮佢先係重點。而其他地方並無太大人腳問題，中場雖然根度簡(Gundogan)收咧，但重新起用耶耶托尼(Yaya Toure)及尚有戴夫(Delph)等可以一用，不過哥帥戰術上點配合或同點發揮返實力先係改善目標。


今次先講到呢度，下隊講下筆者愛隊車路士。


多謝各位不吝賜評，一like一支持，多承指教：
https://www.facebook.com/chelsea.gor.sk