近日UEFA一年一度係網上開放投票最佳陣容，筆者亦如常投左，忽然諗起呢度好似無乜人分享自己所選人腳，筆者就「粉身碎骨」試下分享下(利申我唔知係咪唔得先無人分享) ，如果我有咩揀錯記錯，都有諸位讀者可以討論下既。
首先我跟佢既順序，由龍門講起啦。門將上其實雷柏迪高(Rui Patricio) 數據上好亮眼，加上歐國盃冠軍名銜，已足以同意大利門神保方(Buffon)、歐聯冠軍門將拿華斯(K.Navas) 比肩。不過筆者所選既係馬體會既門將奧比歷(Oblak)，佢既成名時間同拿華斯係一樣係呢度係最短既，只係近兩三年成名，但佢只有23歲，大筆者不過兩個幾月，但協助球隊殺入歐聯決賽，加上球隊僅失18球屬西甲最佳，排係西甲第三繼續成為攔路虎，挑戰西超雙雄既地位，個人都得到《馬卡報》既薩莫拉獎，係咁既年紀而C朗拿度(C.Ronaldo)、MSN都唔係隊友下都好難得。雷柏迪高雖然成名稍早，但經已28歲，雖然歐國盃稱王但球會表現被聯賽曝光率所累，加上歐國盃可以講係團隊性較大，保方又未見有非常突出既表現，所以筆者傾向前者。
後防線上，筆者挑選左兩個皇馬成員，卡華積(Carvajal)同沙治奧拉莫斯(Sergio Ramos) ，當然就因為佢地係歐聯冠軍成員，但其實桑法蘭(Juanfran) 、高甸(Godin) 等發揮都好好，只係筆者呢度要利申一下，其實皇馬係筆者第二愛隊，呢度筆者揀左比較中意既個位。另一個中堅筆者揀左哥斯尼(Koscielny) ，就因為佢係阿仙奴同法國都有好表現，尤其阿仙奴並非擅守既球隊。本來筆者都諗過艾達韋列特(Alderweireld)，但熱刺最後突然失準，所以筆者揀左歐聯冠軍同英超亞軍既中堅。至於左閘，筆者揀左比較驚喜既古里路(Guerreiro)，本來效力羅連安特，因為歐國盃既出色表現助國家奪冠，加盟德甲強隊多蒙特，表現都唔錯，whoscored.com俾佢場均7.11分，隊中後防第二高，都值得入選掛？
中場，我揀三個既，因為我用4-3-3陣。我都揀左一個比較少有、演出又幾驚喜既祖阿倫(Joe Allen)，係歐國盃打得好，而家去左史篤城，都打得好，雖然有少少個人情感同冷門d，都算ok啦。另外一個就係幫李斯特城攞冠軍、幫法國隊入決賽、又幫車路士殺上榜首既簡迪(Kante) ，對筆者黎講最易係呢個啦，可以揀愛隊又夠勁。而另一人都諗左一諗，先揀比較突出既皮耶(Payet)，係韋斯咸呢隊非豪門既球隊都可以發揮得好，歐國盃表現都不俗，都可以有力入選。
最後，筆者諗得最耐就係鋒線。因為講真MSN真係好勁，美斯(Messi) 、蘇亞雷斯(Suarez) 狀態好好，雖然國家隊表現略差但球會表現太強，只係歐國盃上，G巴爾(G.Bale) 帶領冷門黑馬威爾斯殺到四強先出局，C朗就帶葡萄牙殺到入決賽，雖然兩人都無緣領軍(直接)奪冠，但球會上都有西甲亞軍同歐聯冠軍，都好有說服力(當然筆者好老實講有少少情感，我認，但又真係有成績tim嘛) ，而美斯老老實實輸波退出國家隊既風波會扣返d分。最尾一席，其實應該係蘇亞雷斯，因為你話利雲杜夫斯基(Lewandowski)等入球多但不見突出處，但同希古恩(Higuain)一樣球會好但帶唔到去國家隊。最後我就揀左狀態正佳、上季41場入33球，今季13場入15球奧巴美揚(Aubameyang) 。
其實揀人雖然想盡力揀得公正，但人有情感，往往有一定影響，揀左比較喜歡既球員or球隊既人，除非你係筆者上一篇文所講，咩隊都睇既球迷啦。不過如果個球員有能力吸引到fans係佢無態無表現都支持，算唔算實力呢又？
多謝各位不吝賜評，一like一支持，多承指教：
https://www.facebook.com/chelsea.gor.sk
首先我跟佢既順序，由龍門講起啦。門將上其實雷柏迪高(Rui Patricio) 數據上好亮眼，加上歐國盃冠軍名銜，已足以同意大利門神保方(Buffon)、歐聯冠軍門將拿華斯(K.Navas) 比肩。不過筆者所選既係馬體會既門將奧比歷(Oblak)，佢既成名時間同拿華斯係一樣係呢度係最短既，只係近兩三年成名，但佢只有23歲，大筆者不過兩個幾月，但協助球隊殺入歐聯決賽，加上球隊僅失18球屬西甲最佳，排係西甲第三繼續成為攔路虎，挑戰西超雙雄既地位，個人都得到《馬卡報》既薩莫拉獎，係咁既年紀而C朗拿度(C.Ronaldo)、MSN都唔係隊友下都好難得。雷柏迪高雖然成名稍早，但經已28歲，雖然歐國盃稱王但球會表現被聯賽曝光率所累，加上歐國盃可以講係團隊性較大，保方又未見有非常突出既表現，所以筆者傾向前者。
後防線上，筆者挑選左兩個皇馬成員，卡華積(Carvajal)同沙治奧拉莫斯(Sergio Ramos) ，當然就因為佢地係歐聯冠軍成員，但其實桑法蘭(Juanfran) 、高甸(Godin) 等發揮都好好，只係筆者呢度要利申一下，其實皇馬係筆者第二愛隊，呢度筆者揀左比較中意既個位。另一個中堅筆者揀左哥斯尼(Koscielny) ，就因為佢係阿仙奴同法國都有好表現，尤其阿仙奴並非擅守既球隊。本來筆者都諗過艾達韋列特(Alderweireld)，但熱刺最後突然失準，所以筆者揀左歐聯冠軍同英超亞軍既中堅。至於左閘，筆者揀左比較驚喜既古里路(Guerreiro)，本來效力羅連安特，因為歐國盃既出色表現助國家奪冠，加盟德甲強隊多蒙特，表現都唔錯，whoscored.com俾佢場均7.11分，隊中後防第二高，都值得入選掛？
中場，我揀三個既，因為我用4-3-3陣。我都揀左一個比較少有、演出又幾驚喜既祖阿倫(Joe Allen)，係歐國盃打得好，而家去左史篤城，都打得好，雖然有少少個人情感同冷門d，都算ok啦。另外一個就係幫李斯特城攞冠軍、幫法國隊入決賽、又幫車路士殺上榜首既簡迪(Kante) ，對筆者黎講最易係呢個啦，可以揀愛隊又夠勁。而另一人都諗左一諗，先揀比較突出既皮耶(Payet)，係韋斯咸呢隊非豪門既球隊都可以發揮得好，歐國盃表現都不俗，都可以有力入選。
最後，筆者諗得最耐就係鋒線。因為講真MSN真係好勁，美斯(Messi) 、蘇亞雷斯(Suarez) 狀態好好，雖然國家隊表現略差但球會表現太強，只係歐國盃上，G巴爾(G.Bale) 帶領冷門黑馬威爾斯殺到四強先出局，C朗就帶葡萄牙殺到入決賽，雖然兩人都無緣領軍(直接)奪冠，但球會上都有西甲亞軍同歐聯冠軍，都好有說服力(當然筆者好老實講有少少情感，我認，但又真係有成績tim嘛) ，而美斯老老實實輸波退出國家隊既風波會扣返d分。最尾一席，其實應該係蘇亞雷斯，因為你話利雲杜夫斯基(Lewandowski)等入球多但不見突出處，但同希古恩(Higuain)一樣球會好但帶唔到去國家隊。最後我就揀左狀態正佳、上季41場入33球，今季13場入15球奧巴美揚(Aubameyang) 。
其實揀人雖然想盡力揀得公正，但人有情感，往往有一定影響，揀左比較喜歡既球員or球隊既人，除非你係筆者上一篇文所講，咩隊都睇既球迷啦。不過如果個球員有能力吸引到fans係佢無態無表現都支持，算唔算實力呢又？
多謝各位不吝賜評，一like一支持，多承指教：
https://www.facebook.com/chelsea.gor.sk
請按此登錄後留言。未成為會員? 立即註冊