球季開波過左個幾月，開始有d野睇，有問題既d問題都開始黎料。筆者都要講一講愛隊，現時最大問題都係黎自後場中路，主要係中堅位置人腳退化得快，正如筆者上次文章提及，今次就直接講應該一月如何補飛。畢竟球隊表現欠突破，干地(Conte)甚至要用上佢較like既三後衛陣式出黎。
前場：翼鋒一名
夏薩特(Hazard)作為前場，甚至車路士既頭號球星，正常進攻上應以佢為核心，但佢表現好似一般般，無法有效帶動到球隊進攻，韋利安(Willian)表現亦有回落，球隊側擊力其實有所下降，所幸摩西斯(Moses)有得留隊，表現亦唔錯，所以筆者更唔明放古亞達度(Cuadardo)做乜勁。當然可能球員已有離心，如果成隊唔勁，憑拼勁鬥心都可以一戰，有人有離心就無得打。所以，雖然球隊近期轉打3後衛，但由於夏神都有機會打影鋒位，多一個邊路好手都會合理。近期傳既菲臘比安達臣(Felipe Anderson)都唔錯，應有力加強側擊。如果可以，係翼衛就更好，可以兼顧攻守。
中場：中場中一名
其實筆者唔太中意馬迪(Matic)既表現，作為高大防中，佢俾人感覺好似好想攻上去，可能後場因為簡迪(Kante)覆蓋範圍大，佢好放心或者因為無位，所以上得前，但以佢能力又未能提供大多助力，其實呢個工作應該交俾法比加斯(Fabregas)，有人係度包辦防守，法比既強大派牌能力正正非常好用，但唔知點解又唔出。而另一個位用奧斯卡(Oscar)，佢既跑動能力確實有助中場運轉，但佢既靈氣真係日漸消失，倒不如買個中場中打box-to-box，分擔簡迪工作同進一步解放法比，同邊路合作連接中前場，或者更有效。不過轉會市場上呢類球員供應有限，要好既球員如馬杜迪(Matuidi)、維度爾(Vidal)等大都係核心球員，或者試下重追尼恩高蘭(Nainggolan)，但一月應該都難買，不如試下用查路拜(Chalobah)先。
後衛：中堅兩名、右閘一名
唔使多講都知點解。筆者都提過，中堅要個有領導力既，等球隊唔使成日靠泰利(Terry)，最近傳出簽T.施華(T.Silva)，呢位頂級中堅雖然未必係最fit狀態，但佢既經驗同領導力正合所需，咁既話出大衛雷斯(David Luiz)都無咁驚，可能仲有加乘tim。當然都仲要一個年青既，因為都有機會正式打三後衛，加上始終T.施華都有咁上下年紀，都係救火用，打多兩季都唔得既啦，買個後生等蘇馬(Zouma)、基斯甸臣(Christensen)一齊組後防線都正。迪維積(de Vilj)其實唔錯，但拉素可能唔會放哂兩個走，咁寧願棄安達臣都要簽個中堅，急好多。而邦路斯(Bonucci)如果真係傳言中咁貴，要主力球員加入交易就免了，真係急既都係簽一個中堅。而右閘因為避免要重用伊雲奴域(Ivanovic)，都係簽多個好，而達美安(Darmian)如果走都好似ok，當然買唔買到又一回事，如果係既真係用艾拿(Aina)都唔好用伊雲了。而買熱刺既賓戴維斯(Ben Davies)都唔錯，但就唔使急。
龍門無乜問題，但個人希望古圖斯(Courtois)講少d，收一收聲。
多謝各位不吝賜評，一like一支持，多承指教：
https://www.facebook.com/chelsea.gor.sk
前場：翼鋒一名
夏薩特(Hazard)作為前場，甚至車路士既頭號球星，正常進攻上應以佢為核心，但佢表現好似一般般，無法有效帶動到球隊進攻，韋利安(Willian)表現亦有回落，球隊側擊力其實有所下降，所幸摩西斯(Moses)有得留隊，表現亦唔錯，所以筆者更唔明放古亞達度(Cuadardo)做乜勁。當然可能球員已有離心，如果成隊唔勁，憑拼勁鬥心都可以一戰，有人有離心就無得打。所以，雖然球隊近期轉打3後衛，但由於夏神都有機會打影鋒位，多一個邊路好手都會合理。近期傳既菲臘比安達臣(Felipe Anderson)都唔錯，應有力加強側擊。如果可以，係翼衛就更好，可以兼顧攻守。
中場：中場中一名
其實筆者唔太中意馬迪(Matic)既表現，作為高大防中，佢俾人感覺好似好想攻上去，可能後場因為簡迪(Kante)覆蓋範圍大，佢好放心或者因為無位，所以上得前，但以佢能力又未能提供大多助力，其實呢個工作應該交俾法比加斯(Fabregas)，有人係度包辦防守，法比既強大派牌能力正正非常好用，但唔知點解又唔出。而另一個位用奧斯卡(Oscar)，佢既跑動能力確實有助中場運轉，但佢既靈氣真係日漸消失，倒不如買個中場中打box-to-box，分擔簡迪工作同進一步解放法比，同邊路合作連接中前場，或者更有效。不過轉會市場上呢類球員供應有限，要好既球員如馬杜迪(Matuidi)、維度爾(Vidal)等大都係核心球員，或者試下重追尼恩高蘭(Nainggolan)，但一月應該都難買，不如試下用查路拜(Chalobah)先。
後衛：中堅兩名、右閘一名
唔使多講都知點解。筆者都提過，中堅要個有領導力既，等球隊唔使成日靠泰利(Terry)，最近傳出簽T.施華(T.Silva)，呢位頂級中堅雖然未必係最fit狀態，但佢既經驗同領導力正合所需，咁既話出大衛雷斯(David Luiz)都無咁驚，可能仲有加乘tim。當然都仲要一個年青既，因為都有機會正式打三後衛，加上始終T.施華都有咁上下年紀，都係救火用，打多兩季都唔得既啦，買個後生等蘇馬(Zouma)、基斯甸臣(Christensen)一齊組後防線都正。迪維積(de Vilj)其實唔錯，但拉素可能唔會放哂兩個走，咁寧願棄安達臣都要簽個中堅，急好多。而邦路斯(Bonucci)如果真係傳言中咁貴，要主力球員加入交易就免了，真係急既都係簽一個中堅。而右閘因為避免要重用伊雲奴域(Ivanovic)，都係簽多個好，而達美安(Darmian)如果走都好似ok，當然買唔買到又一回事，如果係既真係用艾拿(Aina)都唔好用伊雲了。而買熱刺既賓戴維斯(Ben Davies)都唔錯，但就唔使急。
龍門無乜問題，但個人希望古圖斯(Courtois)講少d，收一收聲。
多謝各位不吝賜評，一like一支持，多承指教：
https://www.facebook.com/chelsea.gor.sk
請按此登錄後留言。未成為會員? 立即註冊