最後一篇，講到筆者愛隊車路士。其實對愛隊表現，筆者覺得唔錯既了，干地(Conte)對球隊既防守同戰術紀律都有好好既調整，不過問題都出係人腳度。
其實車路士比較大既問題就係，隊中其實有極多小將，有潛質既又不在少數，但係球隊現時經歷緊一個低潮，正係回穩緊，而之前既領隊摩連奴(Mourinho)並非擅用小將之人，雖然佢提拔既小將頗有成功既例子，但為數有限，而且為左成績，佢會放棄小將上陣既機會，盡量用球星既質素去支持。而現時人腳較大問題在於後防，尤其左閘同中堅比較缺人，雖然球會係呢兩個位置均有潛質小將，例如艾基(Ake)及基斯甸臣(Christensen)，但基於球隊急需重回前列，加上後防要穩健往往需要經驗既累積，因此買人會係一個更好既方案，始終泰利(Terry)續約，並非係為打主力，只係係更衣室作精神領袖及對小將傳授經驗，但小將未上，佢又將退，球隊如無更好人選，有機會再現上季既後防問題。
中前場球隊買人不錯，巴舒阿伊(Batsuayi)、簡迪(Kante)都係針對性收購，而如果夏薩特(Hazard)、馬迪(Matic)等打返態，而迪亞高哥斯達(Diego Costa)再少一d小動作同火氣，專心打好前線既職責，加上摩西斯(Moses)、卓克(Loftus-Cheek)等如果大打爭氣波，中前場係干地麾下問題不大。
不過奇怪既係，球隊對後防既轉會並唔上心，係中堅老去，而艾度巴巴(Abdul Baba Rahman)又證明要小將霎時上力打強隊主力並唔理想之下，買人買得好慢，猶豫要不決咁，要知如果買有一定戰力既中堅，係買少見少下，價錢一定較高，但為成績係無計。最大問題就係，需要買人並非突然急需，而係上季已經睇到要買，而到現時開季先急急出價，一黎各隊已組軍完成，好難茂茂然放走主力，二黎人地見你急要，實會吊你價，價錢好易上天價，呢度負責轉會既人如總監應記一過。而家陣中中堅老化，未必等得切小將上位，如果買唔到，惟有真係用小將賭舖，都好過無，如果小將成功上位，更係最理想既結果。
總括而言，如果買到人，車路士同曼聯爭冠都得，三線完整下，應該有機會；但買唔到既，係後防問題較難解決下，目標應該都不過保前四only。
多謝各位不吝賜評，一like一支持，多承指教：https://www.facebook.com/chelsea.gor.sk
其實車路士比較大既問題就係，隊中其實有極多小將，有潛質既又不在少數，但係球隊現時經歷緊一個低潮，正係回穩緊，而之前既領隊摩連奴(Mourinho)並非擅用小將之人，雖然佢提拔既小將頗有成功既例子，但為數有限，而且為左成績，佢會放棄小將上陣既機會，盡量用球星既質素去支持。而現時人腳較大問題在於後防，尤其左閘同中堅比較缺人，雖然球會係呢兩個位置均有潛質小將，例如艾基(Ake)及基斯甸臣(Christensen)，但基於球隊急需重回前列，加上後防要穩健往往需要經驗既累積，因此買人會係一個更好既方案，始終泰利(Terry)續約，並非係為打主力，只係係更衣室作精神領袖及對小將傳授經驗，但小將未上，佢又將退，球隊如無更好人選，有機會再現上季既後防問題。
中前場球隊買人不錯，巴舒阿伊(Batsuayi)、簡迪(Kante)都係針對性收購，而如果夏薩特(Hazard)、馬迪(Matic)等打返態，而迪亞高哥斯達(Diego Costa)再少一d小動作同火氣，專心打好前線既職責，加上摩西斯(Moses)、卓克(Loftus-Cheek)等如果大打爭氣波，中前場係干地麾下問題不大。
不過奇怪既係，球隊對後防既轉會並唔上心，係中堅老去，而艾度巴巴(Abdul Baba Rahman)又證明要小將霎時上力打強隊主力並唔理想之下，買人買得好慢，猶豫要不決咁，要知如果買有一定戰力既中堅，係買少見少下，價錢一定較高，但為成績係無計。最大問題就係，需要買人並非突然急需，而係上季已經睇到要買，而到現時開季先急急出價，一黎各隊已組軍完成，好難茂茂然放走主力，二黎人地見你急要，實會吊你價，價錢好易上天價，呢度負責轉會既人如總監應記一過。而家陣中中堅老化，未必等得切小將上位，如果買唔到，惟有真係用小將賭舖，都好過無，如果小將成功上位，更係最理想既結果。
總括而言，如果買到人，車路士同曼聯爭冠都得，三線完整下，應該有機會；但買唔到既，係後防問題較難解決下，目標應該都不過保前四only。
多謝各位不吝賜評，一like一支持，多承指教：https://www.facebook.com/chelsea.gor.sk
請按此登錄後留言。未成為會員? 立即註冊