伊巴謙莫域(Ibrahimovic)自由身加盟曼聯，相信係次次都要天價先買到既佢，第一次轉會係咁抵(咁俾貴都抵既其實)。佢黎到之後表現強勁，三場攻入四球，不得之了。但係同時，我地車路士兩場都只贏一球，明顯未上力，曼城、利物浦等表現都未算叫得上好，曼聯就贏得比較爽，除左可能摩連奴(Mourinho) set既戰術適合人腳風格外，伊巴有無帶黎d咩刺激到隊波？
當然，比較顯而易見既係，伊巴係戰術上既幫助。伊巴身型高，又夠身位又有技術，動作都因為學過空手道都幾靈活，打前鋒都好全面。係前線上，如果想打簡單d，佢可以做到支點攞波，甚至好似上場一野轟入去又得；而且佢都會逗後做下波又得，腳底功夫幾好，最乞人憎係(sor，我車迷嘛)明明過30都仲fit。現時馬迪爾(Martial)打左路，朗尼(Rooney)又高峰已過咁既樣，拉舒福特(Rashford)又好難一時間要佢擔旗，伊巴睇個勢踢一兩季等佢上位應該都ok，加上一改上季既攻力同把握力既問題，成績應該都唔使點擔心。
當然，如出現返上季搓唔入既情況，伊巴同普巴(Pogba)都有一腳遠射，朗尼唔射之後，都有人試下呢招既。
不過筆者最想講既野，係伊巴既霸氣。當年曼聯強盛時期，都有股勢係度。簡東拿(Cantona)，奧脫福大帝，夠勁啦？之後七小福，有碧咸(Beckham)、傑斯(Giggs)等等，人多都夠勁啦。之後C朗拿度(C.Ronaldo)同初期既朗尼啦，都好有氣勢，C朗仲有個單季入球紀錄。以上，簡東拿、C朗都係有自信既人，七小福亦好有團結精神，兩者都有道氣帶住隊波，之後？費格遜(Sir Alex Ferguson)退休後就無了。呂布黎左之後，其實真係差好遠，因為佢道霸氣比佢既戰術作用更可以啪醒隊波。
前一兩季曼聯真係有d頹，不過有伊巴，今季我諗可以洗一洗。
多謝各位不吝賜評，一like一支持，多承指教：
https://www.facebook.com/chelsea.gor.sk
當然，比較顯而易見既係，伊巴係戰術上既幫助。伊巴身型高，又夠身位又有技術，動作都因為學過空手道都幾靈活，打前鋒都好全面。係前線上，如果想打簡單d，佢可以做到支點攞波，甚至好似上場一野轟入去又得；而且佢都會逗後做下波又得，腳底功夫幾好，最乞人憎係(sor，我車迷嘛)明明過30都仲fit。現時馬迪爾(Martial)打左路，朗尼(Rooney)又高峰已過咁既樣，拉舒福特(Rashford)又好難一時間要佢擔旗，伊巴睇個勢踢一兩季等佢上位應該都ok，加上一改上季既攻力同把握力既問題，成績應該都唔使點擔心。
當然，如出現返上季搓唔入既情況，伊巴同普巴(Pogba)都有一腳遠射，朗尼唔射之後，都有人試下呢招既。
不過筆者最想講既野，係伊巴既霸氣。當年曼聯強盛時期，都有股勢係度。簡東拿(Cantona)，奧脫福大帝，夠勁啦？之後七小福，有碧咸(Beckham)、傑斯(Giggs)等等，人多都夠勁啦。之後C朗拿度(C.Ronaldo)同初期既朗尼啦，都好有氣勢，C朗仲有個單季入球紀錄。以上，簡東拿、C朗都係有自信既人，七小福亦好有團結精神，兩者都有道氣帶住隊波，之後？費格遜(Sir Alex Ferguson)退休後就無了。呂布黎左之後，其實真係差好遠，因為佢道霸氣比佢既戰術作用更可以啪醒隊波。
前一兩季曼聯真係有d頹，不過有伊巴，今季我諗可以洗一洗。
多謝各位不吝賜評，一like一支持，多承指教：
https://www.facebook.com/chelsea.gor.sk
請按此登錄後留言。未成為會員? 立即註冊