從迪亞高哥斯達，看球迷心態 精選 推薦

有關迪亞高哥斯達(Diego Costa)係對陣阿仙奴時既行為，大家都睇唔少片，亦各有一番言論，筆者都唔在此多講場波，亦不欲引起罵戰。不過，係車迷們既群組中，筆者睇到兩位ching既言論，大有同感，想撰文分享下，純作討論，唔好嬲~睇下算啦~


其實多數人都會將哥斯達定義為一個己隊中意、敵隊小爆既類型，佢作為前鋒，踢法較硬，身位、射術、速度、體能，雖然都唔係非常標青，但實力亦不俗，不過佢更為人知既係佢擅於"走精面"。據多位或專業或民間既球評既睇法，佢擅於向對方球員用言語或小動作挑釁對方，引對方報復而侵犯自己，令己方得益。由於佢既挑釁行為大多都係球例或球證眼中(英超賽場更甚)未致犯規，往往都唔會被吹罰，多次都成功。如對方球員經驗豐富，會唔理佢、甚至反將一軍，但缺少經驗既往往受激而對佢進行犯規動作報復。

作為佢效力既車路士，當然得益不少，雖然不少球壇名人都表示佢既方式唔可以接受，但相信領隊摩連奴(Mourinho)唔會反對，尤其摩佬係極重視球隊既成績(當然都有包含係重視飯碗既成份)；而我地車路士球迷，雖然亦有部分認為佢都係為球隊，最緊要係贏到，但都有部分認為，就算贏都要有體育精神，咁樣贏都唔方開心。
利申左先，筆者係屬於後者。我個人覺得贏要贏得有說服力，唔係指踢法，踢法難睇d、悶d唔係問題，防守足球、進攻足球、控球戰術、反擊戰術，總有興有衰、有優有劣，但就算係做道德L都係咁話，最緊要有體育精神。筆者睇到曼聯新簽既新星馬迪爾(Matriel)幫抽筋既對手拉筋、韋斯咸隊長盧保(Mark Noble)拉起詐傷拖時間既隊友，呢d就係值得欣賞既地方。可能人地係贏緊波呀當時，點點點，但曼聯都算，韋斯咸對緊今季非常強勢既曼城，而韋斯咸再強都係中型班，都可以做到，我地車路士都一定做到。


筆者唔討論雙方岩唔岩，因為其實雙方各有佢既理據。球迷都係睇波，例如我地香港合法既可能小有賭注，投入d(利申並非鼓勵賭博，小賭冶情大賭亂性)，但比起球員、領隊，對成績同賽果既切身性一定不及，佢地以成績為先屬無可厚非，但以筆者愚見覺得作為球迷，會比較希望見到球隊踢出實力，憑能力擊敗對手，而非用挑釁等方法令己隊得益，才擊敗對手。否則，當對手或敵對球隊發現類近情況時，指謫或諷刺對方時，會唔會諗自己都係咁？車路士其實攞過公平競技獎，何不保持？


其實與其話用唔用佢，不如睇下會唔會要佢改下好過，佢又唔係無實力，摩佬會為左避免"上得山多終於虎"，要佢改進踢法，成為真正既頂級前鋒，佢其實單憑能力同爛打風格都夠做，何必挑釁？


多謝各位不吝賜評，一like一支持，多承指教：
[url=https://www.facebook.com/chelsea.gor.sk]https://www.facebook.com/chelsea.gor.sk[/ur]