利物浦vsAC米蘭，淺談轉會收購 精選

近排發現總有d位可以做下對比，可能近來可以做個vs系列。今次到利物浦同AC米蘭(以下或簡稱AC)，要知道英超之中，除左阿仙奴既"雲加險簽陣"同"傳曼聯"既陣容左，最出名既就數到利記既"被截糊陣"。例如我地車截到既韋利安(Willian)、沙拿(Salah)，同其他如米希達恩(Mkhitaryan)、施古臣(Sigurdsson)、甚至遠至占士米拿(James Milner)同巴利(Barry)。


不過，今次轉會窗利記似乎有所進步，簽入上次miss左既占士米拿外，仲有法明奴(Firmino)同執筆時尚未正式落實的佳尼(Clyne)，後兩者甚至是"傳曼聯"既主力。姑勿論利記來季對呢d球員既排陣同戰術上發揮好唔好，至少呢d球員有非常不俗既實力，米拿體能充沛而有一定腳下功夫同傳送能力，同法明奴都分別有效分擔軒達臣(Henderson)同古天奴(Coutinho)既工作，而佳尼都係針對無發揮穩定既右閘人選。


反之，AC米蘭據指已有充足資金，如傳聞屬實，其財政能力應在去季發霍過既利記之上。然而佢地補充既只係險簽陣容既厚度，干度比亞(Kondogbia)、J.馬天尼斯(J.Martinez)都得個講字，前者去左死敵國際米蘭、後者就去馬體會，稍稍提過既文素基治(Mandzukic)又去左祖雲達斯，免簽能力奇高既加利亞尼(Galliani)被指用返錢就唔識買人。

原因何在？

依在下愚見，問題係因為球會尤其係穩定既問題。AC米蘭同利物浦都係沒落豪門，兩者係傳統勁旅，係頂級聯賽都曾叱吒一時。利記既財政其實一直未算差，至少好過AC米蘭。而成績方面，大家都唔好，利記都叫前季亞軍，AC米蘭近兩季就根本係中游浮浮沉沉。雖然計再前幾季，AC米蘭既成績其實比利記為佳，但我地車路士前幾季打得唔算好，都唔好係咁講我地2009-10係冠軍。球員無意理會過去係點，不過睇上季都係利記明顯好d，有歐霸，AC就無得打歐洲賽。再睇陣容，AC既球員牌面同利記唔算相差太遠，但發揮起黎其實睇返平均就利記似乎好d，兼之AC米蘭自施多夫(Seedorf)後一定無定人選，利記表現都唔算穩但羅渣士(Rodgers)個位似乎坐得好穩。
呢d都係球員轉會時多數會睇既野，無論得唔得，利記至少表現到有野心，而AC米蘭似乎…恐怕有都有心無力，兼之前途未明，球員唔想博一舖都正常。一隊球隊就算差，就算唔得都至少俾人睇到有撥亂反正既方向，否則只可以用極多錢去吸引球員，但公平條例下又可能無呢支歌仔唱，且睇AC米蘭今後如何發展，但至少，搵個可以長期教既領隊，執返起隊波先再進一步簽d具名氣既球員打返起…而利記，恐怕如何再無法利用好今季轉會窗執好個陣(esp防中位後防…)同踢出水準，羅渣士就炒得，之後就有機會好似AC米蘭咁既了…




一like一支持，多承指教：
https://www.facebook.com/chelsea.gor.sk