淺談巴神既轉會

曾幾何時係車路士增強鋒力既人選既巴洛迪利(Balotelli)，終於完成轉會去利物浦，除左被認為係巴神想回歸英超外，利記都買返個勁既前鋒頂返蘇亞雷斯(Suarez)既位置同作用。然而，就筆者淺見，呢單轉會既效用，要視乎羅渣士(Rodgers)既排陣能力。


眾所週知，巴神同史杜列治(Sturridge)都係把握力高既前鋒，史杜速度快、巴神技術好，但二人既問題都係相對比較獨食。雖然二人係近年既表現開始更多同隊友配合同交出助攻，但二人風格都算係比較獨食既類型，要視乎羅渣士點樣去用戰術同訓練去幫佢地，唔係既二人同時上陣可能會無乜火花。而且巴神同蘇神都係好好既前鋒(都係有場外等紀律問題)，但二人作用上都頗有分別。巴神既作用其實同史杜相當類近，都係擅長處理最後一腳，偶爾可以交到最後一傳，同組織力較強既蘇亞雷斯唔同，不過巴神認真起黎，突破力、技術、組織力都比史杜係高，不過羅渣士真係要好好安排。


不過，巴神其實打雙箭頭都幾好，之前係曼城都係，咁樣反而發揮上都幾好，係AC米蘭度反而有所回落，可能係利記打返雙箭頭既話，會有返進步都唔定。而且羅渣士對球員既戰術調配同紀律處理上其實都唔錯，蘇亞雷斯本來都係相對獨食同場下紀律唔好既球員，但上季起都有所進步，連紀律問題都好左(世界盃就真係唔知咩料)，相信對巴神都可能有用。


一like一支持，多承指教：
https://www.facebook.com/chelsea.gor.sk