從部份球迷既「高見」，淺談費托VS空門 精選

(講明先：呢篇文係幫費托講野既，立場自然人人唔同啦，唔中意可以唔睇既，但求唔好有咩罵戰，thz~)

費蘭度托利斯(Fernando Torres)，其代名詞早已由一代金童神鋒，變成5000萬水貨、空門飛機等外號。由於佢係需要敵方防線後既空間同隊友集中傳送黎發揮既類型，佢加盟車路士後得不到發揮空間，因為車路士要杜奧巴(Drogba)呢類拉到位，又入到波既全能前鋒，而且英超控球壓迫打法興起，費托呢d前鋒更得唔到發揮空間，加上眾所週知既信心問題，令佢一直"返唔到生"。

其實佢既觸覺尚在，都入到d波，就算對曼聯個球空門飛機，係射之前都係上佳既發揮。只係拉位、開路等並唔係佢擅長既個瓣，令佢發揮唔到，另外既就係我地球迷既壓力，都係一大問題。
就好似前幾日個場熱身賽，艾基(Ake)左路一推過人，底線前撈到傳中，空門前既費托心口一野撞飛左，成為又一熱門話見題。由於費托一早係"空門飛機"既代名詞，係佢空門射失後，好多人只有一個反應：車，飛機，不過費托係咁架啦。引用子華神既定律，你都無得輸架啦。但筆者就算得罪一堆人，都想問：有咩人係費托立場諗過？有，就係話："俾我都入啦，佢係職業球員喎，咁都入唔到咩？搵個細路踢啦不如"。哇，精闢到…


其實大家睇真d，當時艾基係推過人後，係底線前岩岩好撈到傳中，呢d"傳中"其實往往都係勁大力，認真黎講其實係ban返個波出黎。當時費托個位其實岩，係捕正個位架啦，不過球傳中又好衰唔衰係個中腰波，一野ban落佢心口，就咁飛機。其實個球無論地波、高波，就算係費托都會入硬，但踢過波既人都知道，呢d中腰波好難處理，如果慢d既，頭頂腳踢都得，通常職業球員都可能會插水式頂落去或者勁d既一個半車身都唔出奇，但偏偏呢球係急勁既波，其實就算係職業球員，都好難處理得好，何況要射？可能俾著係身高唔高既球員，或者係C朗拿度(C.Ronaldo)、美斯(Messi)(我指技術水平，唔係身高)、伊巴謙莫域(Ibrahimovic)等之流，就可能處理得好啦。


筆者唔係話呢球係超難處理，非頂級球星不可，但絕非某d球迷講到咁易…不過，費托早就唔係球迷中既球星、好球員，只係個"空門飛機佬"…一見到唔入，就一定係"廢托"，而唔係可惜…

一like一支持，多承指教：
https://www.facebook.com/chelsea.gor.sk