[吹水文]英超前五強既轉會(二)：利物浦 精選

第二隊要講到既係利物浦，上屆利物浦係蘇亞雷斯(Suarez)、史杜列治(Sturridge)等既爆發下，等人驚訝地取得英超亞軍，可謂係佢地準備重返爭冠行列既宣告。


現今蘇亞雷斯以7000萬鎊轉投巴塞羅那，雖然想加入交易中既翼鋒山齊士(Sanchez)比較中意阿仙奴，唔中意有歐聯打既英超亞軍，無法如願直接補充返一個比較水準相近既球員，不過同時域奇林拔(R.Lambert)、拉蘭拿(Lallana)已一早完成收購，之後再針對中場配置上收左安利簡恩(Emre Can)等，加上傳聞中仲有雷米(Remy)、貝蘭特(Bertrand)，甚至伊斯高(Isco)、萊斯(Reus)等球星。


的確，利物浦有需要增強中場位置，蘇亞雷斯走後，雖然現有人腳其實都非常不俗，但少咁個球星壓陣，總係差d，而且都少咁個人帶球進攻，而且陣中既球員都缺乏可以一人單挑防線既突破力同技術功夫，所以其實收購返一個球星都係唔錯，加上資金暫時仲係有盈利係手，係唔怕使錢下自然有力再買，但傳聞既萊斯確係難d，因為多蒙特已經唔希望再賣走自己陣中既球星，得失球迷又削弱實力，而且萊斯都係幾忠心既人，而伊斯高恐怕作用同古天奴(Coutinho)、拉蘭拿相近，其實買雷米呢種前鋒都唔錯，佢可以係邊線殺入中路製造威脅，其實都有幾好既腳下功夫，至於球星，可以再考察下先，就算買都唔好買d唔等使或者疊位既，唔係就唔好啦。

至於中場中有左簡恩後相信後備力量同中場硬度都有所增加，加上本有既人腳都唔錯下其實ok，簡恩都應該會係謝拉特(Gerrard)既接班人，但講做隊長個人反而睇好表現持續回勇既軒達臣(Henderson)。而後防上買貝蘭特都係好既，係阿里斯素高(Aly Sissoko)退回華倫西亞後，係要加強左閘位，但右閘都要買返個具質素既替補會更好。

拭目以待利物浦如果調整返攻擊線同鞏固防線，雖然有d似熱刺前季既情況，但踢法較為整體、調整又更長下，相信利物浦仍能維持戰力，繼續爭取佳績。

一like一支持，多承指教：
https://www.facebook.com/chelsea.gor.sk