雖然四年一度，但筆者都係唔小心遲左起身，缺席左上半場，以下意見就由第48分鐘起黎睇既，上半場只知美斯(Messi)右路既努力無功而還，希古恩(Higuain)單刀食詐糊。
今場(以在下有睇既個度)黎睇，德國其實都幾ok，不過進攻判斷上幾差，雖然好多次既傳送頗為精妙，配合幾靚，不過有d位硬係差d，最後一腳永遠都唔好。然而就好彩防守上幾落力，下半場既防守功夫做得好好，紐亞(Neuer)繼續令防線打多個，加上無基迪拉(Khderia)下舒韋恩史迪加(Schweinsteiger)多番"逗後"，俾拿姆(Lahm)上前助攻，防守都算唔錯，謝洛美保定(Jerome Boateng)今次防守上都發揮幾好，只係以佢既視野而言比場佢今場既拍檔都係差d，有時拖慢左少少反擊節奏。
兩隊都打得比較穩陣下，阿根廷既堵截差d，防守表現其實係唔錯，但前場既進攻上一係勤力有餘但效用欠佳，一係就懶懶散散咁，美斯係好勁，但好似係世界盃真係唔多見佢勤奮跑動組織，加上阿古路(Aguero)無甚表現，又急急地多左抽人水下，進攻乏力，雖然整體發揮唔錯又鬥志幾好，但總係差d，比較可惜。
不過今場打到加時入左波，阿根廷固之然唔放棄，德國都無係入波後死守，雖然梅迪薩卡(Mertesacker)入替奧斯爾(Ozil)加強防守，但並無龜縮，有機會仍然進攻，雖然應該係博下入多球穩陣d，但都算叫幾有體育精神，係幾少有。
恭喜德國，另外雖然個人唔太中意美斯，但都希望佢黎緊再接再厲，下屆努力。
今場(以在下有睇既個度)黎睇，德國其實都幾ok，不過進攻判斷上幾差，雖然好多次既傳送頗為精妙，配合幾靚，不過有d位硬係差d，最後一腳永遠都唔好。然而就好彩防守上幾落力，下半場既防守功夫做得好好，紐亞(Neuer)繼續令防線打多個，加上無基迪拉(Khderia)下舒韋恩史迪加(Schweinsteiger)多番"逗後"，俾拿姆(Lahm)上前助攻，防守都算唔錯，謝洛美保定(Jerome Boateng)今次防守上都發揮幾好，只係以佢既視野而言比場佢今場既拍檔都係差d，有時拖慢左少少反擊節奏。
兩隊都打得比較穩陣下，阿根廷既堵截差d，防守表現其實係唔錯，但前場既進攻上一係勤力有餘但效用欠佳，一係就懶懶散散咁，美斯係好勁，但好似係世界盃真係唔多見佢勤奮跑動組織，加上阿古路(Aguero)無甚表現，又急急地多左抽人水下，進攻乏力，雖然整體發揮唔錯又鬥志幾好，但總係差d，比較可惜。
不過今場打到加時入左波，阿根廷固之然唔放棄，德國都無係入波後死守，雖然梅迪薩卡(Mertesacker)入替奧斯爾(Ozil)加強防守，但並無龜縮，有機會仍然進攻，雖然應該係博下入多球穩陣d，但都算叫幾有體育精神，係幾少有。
恭喜德國，另外雖然個人唔太中意美斯，但都希望佢黎緊再接再厲，下屆努力。
請按此登錄後留言。未成為會員? 立即註冊