由我地既女軍醫，到法乙"著裙既摩連奴" 精選

好多時，一講足球，好多人都覺得係好男性化既野，近年女子足球興起，日本奪得女子世界盃，歐洲足壇都多左美貌與實力並重既女將，足球開始唔係只係男性專利。而最大既關連之一，係我地既女軍醫Eva Carneiro。


Eva來頭唔細，係諾定咸大學畢業，有碩士學位同係澳洲研讀過運動醫療，係英國既一d著名研究所、運動團體甚至英國2008年奧運既代表隊任職過，到當年保亞斯(Villas-Boas)執教車路士時來投，由青年隊慢慢到一隊做軍醫(可能係大家覺得保亞斯除左馬達(Mata)外最好既貢獻)。

女性俾人感覺溫柔細心，做軍醫既可能對受傷球員既安撫作用比較有效，何況佢都有好好既治療能力，好多時或者因為佢既女性身份、或者因為佢既能力不俗，係大戰時受傷既球員都以一個算幾快既速度回歸戰場，例如泰利(Terry)、大衛雷斯(David Luiz)等。

到近期，法乙出左個係歐洲各大聯賽頭兩級別既聯賽之中，史上第一個女教練Helena Costa，擔任克萊蒙既主帥。據報佢來頭都唔弱，教過賓菲加U9兒童隊、U 17少年隊、伊朗女足國家隊、葡萄牙球隊SRD Cheleirense(當時贏過里斯本地區聯賽既冠軍)，又係些路迪做過球探，都曾經係我地車路士既教練組和女隊實習，絕對唔係"花樽"。

就如我講到，女性俾人既感覺係溫柔細心，對戰術上既細節、球員既心理變化都較細心留意到，都未必唔係唔好，加上球隊出於男性心理，可能唔想衰俾個女教練睇，比賽特別落力都唔出奇，隨時有意外效果。不過都有個問題就係作為女性，壓場感可能不足，雖然女性轉數可能唔錯，但對於領隊需要到既強硬性，未必個個女性都可以對廿幾個男性發揮到。
即管睇下呢位"著裙既摩連奴"會教成點，希望佢可以交到好成績，繼續為女性教練創造歷史。