下季英超，有咩好睇呢？睇下列強有咩焦點 精選

今季英超已到尾段，咁展望下下季英超，有咩好睇呢？今次黎睇下有咩焦點要留意下。


講下愛隊車路士，當然下季係摩連奴(Mourinho)既第二季，大家都期待摩佬會有d咩既成績。今季既車路士雖然防守上唔錯，同d收購馬迪(Matic)黎同大衛雷斯(David Luiz)組成超強防中組合，艾斯派列古達(Azpilicueta)打左閘既出色表現都係一大發現。不過正如以上三人一樣，車路士既打法防守力好，但進攻乏力，欠缺組織，無論防中位、同攻中位，都欠缺一個派牌型既球員。也許摩佬真係睇漏眼，其實而家睇返唔應該俾馬達(Mata)走，令球隊既死球同破密集既威力都減弱。如此，下季摩佬會點樣去執返好個陣容，係第二季打返好隊波，自然就係焦點所在。


利物浦今季大爆發，幾乎攞硬聯賽冠軍，下一季出戰歐聯，就係考驗領隊羅渣士(Rodgers)既輪換功力了。同時利物浦雖然今季火力驚人，但相比進攻能力，防守既表現可謂完全唔係一隊頂級勁旅應有既表現，羅渣士下季應該針對返如左路同中路防守既問題，加上戰術上補足，唔係打歐聯同衛冕之路都唔會易。另外利記既陣容仲係薄弱同質素不足，點樣買返d好既替補同補強人選，都係進一步考驗羅渣士既買人眼光(雖然佢之前一直都唔錯)。


曼聯今季可謂起伏不定，莫耶斯(Moyes)既風格可謂唔教唔知同曼聯一d都唔夾，曼聯一早開始轉變成技術加快速行軍式既戰術，莫耶斯則用返傳統高空4-4-2球打法同體力化訓練，顯示有d脫節同不適，因為頂級球隊往往係技術既比重同中游分子著重體力係唔同既。另外曼聯既鬥心都係，不過係傑斯(Giggs)執掌後似乎有返個道氣，另外就要睇下下季領隊會注入咩風格、點樣補強返球隊積弱既位置，以及解決左閘等接班及人腳風格既問題。


阿仙奴係一段爆發後又回落，繼續沉淪返去爭第四錦標，佢地足總盃仲有機會破無冠命運，但下季雲加(Wenger)好有機會唔教落去，咁阿記會唔會繼續慳，定會開始沉淪？會唔會有新帥上任，改善戰術無板斧既問題，令球隊更進一步，唔使爭第四？

另外，熱刺都會係下季有新帥上任，佢點樣令熱刺回復穩定、加強後防既實力等都係一個焦點，佢點樣換血去令改善球隊都係一個大眾關注既問題，尤其係艾迪巴約(Adebayor)、拉美拿(Lamela)等既去留。曼城方面雖然攻守表現都唔錯，但有傳佢地會收購美斯，仲會增強防中、中堅甚至收購卡斯拿斯，所以反而對歐洲球隊既公平財政問題先係一個要關注既地方。

下一篇再睇下中游實力分子同埋護級分子、升班新人既焦點。