又到賽季尾段直路，個人睇車路士能否奪冠？ 精選

5月收工既英超賽季已經黎到3月中，車路士而家比主要對手曼城打少三場，領先9分；而另外兩支強隊利物浦同阿仙奴就打少一場落後7分。論最大威脅，都係數曼城。實力上大家可能相去不遠，但數字上，曼城打少三場，而呢三場基本已視作九分，換言之保守黎講其實應該係曼城係榜首，因為曼城同有SAS既利記火力可謂並駕齊驅，車仔好在係摩連奴(Mourinho)返黎執執後，防守上升到英超第一位。

黎緊既日子，恐防都係車仔同曼城之爭，除非二者同時大幅失準，但以兩者既班底實力實在機會極微，利記同阿記不如專心爭第三更好。不過阿記仲可以爭足總盃，班底比起利記恐怕仲要薄d既阿記恐怕都會第四機會更大，但有返隻盃揸下手破左八年無冠、振下士氣都無拘。

所以，都係唔好太搏命同車仔爭啦。如果曼城既，歐聯對巴塞亦已宣告左出局，但車仔以摩氏防反係歐聯尚有一戰之力，仲係英格蘭(幾乎係惟一)係歐聯賽場既希望(除非曼聯既紅魔精神突然回歸、莫帥終於開竅)，相比之下雙線作戰既車仔係聯賽會比曼城佔左優勢，而且本身都唔係領先得好穩陣之下，要爭英超其實都係難既。相反學摩佬話是齋，練下d球員對摩佬戰術既融合性，成績當係強心針，歐聯當經驗，下年再強化增厚返個別位置，先黎爭冠更為實際。
所以車迷們，我地都係唔好睇得今季咁重啦，王朝先岩岩起步。