「XXX君，試著把思路"逆轉"過來。」 精選

「XXX君，試著把思路"逆轉"過來。」如果大家曾玩過某遊戲，呢句名言應該都聽過。筆者曾經非常著迷於呢個遊戲，所以經常係困局中諗到呢句。今次，我相信摩連奴(Mourinho)都需要呢一句名言。

隨住車路士輸下又一場、輸下又一場，問題已經係人所共見，就算連筆者都提過幾次：轉會不力，令部份位置除主力外無法有足夠質素既人腳輪換；又或者係因為摩連奴屬於短期執教方法，為成績穩定，令主力在第二季時無法有足夠輪換回氣…以上同區有不少前輩有更深入既分析。

就筆者所見，其實有幾點，摩連奴真係要將自己既思路"逆轉"過黎：

首先，由於摩佬教法比較短期，有時對於問題既處理上，有時比較重視於短期既效果，例如球員無態時，摩佬對內可能有親和一面，呢點我地不得而知，但對外摩佬都係表現出用強硬既一面。其實作為球員，咁其實好大壓力，如果長期咁樣，對心理上既壓力可能比較難頂。就算摩佬私下有同佢地傾，關心、鼓勵左佢地，但其於外界收到既訊息係基於摩佬強硬既態度，對球員都會造成壓力。其實摩佬不妨對外都有一定軟化d既言論，令媒體、球迷對球員既期望、壓力放低返d，俾佢地慢慢建立返信心先，都不失為一條出路。

其次，摩佬號稱出青年軍好過出正選繼續輸，但言行不一，伊雲奴域(Ivanovic)依然場場正選，俾我都唔信你真係會出青年軍，最多咪出返卓克(Loftus-Cheek)、堅尼地(Kenedy)等幾個表現突出一d既少數…如果摩佬無意用上述多d溫和性做法，就好似當年費sir費格遜(Sir Alex Ferguson)咁，雪下d主力甚至核心，等佢知無絕對正選、提升積極性又好，等佢抖下、回下氣、培養信心又好，等佢有時間反思不足都好。

最後，摩佬之所以提及青年軍，相信都唔係真係想出佢地，而不過係一種手段、一種方法。然而，又係時候逆轉一下：點解唔真係用佢地？無錯，佢地缺乏經驗同實力，不過經驗係要積聚，萬丈高樓就從地起，千里之行就始於足下，唔出都唔會變d經驗出黎，而且佢地上陣既榮譽感同活力，絕對有助加強球隊既積極性。上年泰利(Terry)都已經唔後生，但打足咁多場，都係因為有火，而青年軍如果俾佢出，佢都會有火，點知唔會發掘出我地自己既哈利簡尼(Kane)、贊奴沙(Januzaj)呢？
而家車迷們有少少開始分成兩邊，就係撐唔撐摩佬，其實大家都係支持車仔者，既然我地點都影響唔到主帥人選，既然摩佬仲執教緊，仲係車仔既一分子，不如繼續支持佢先啦。



多謝各位不吝賜評，一like一支持，多承指教：[url=https://www.facebook.com/chelsea.gor.sk]https://www.facebook.com/chelsea.gor.sk[/ur]