呢場焦點除左係倫敦宿敵打比之外，由於兩者都係擅於逼搶，都有唔少人想睇下熱刺有無能力煞停高歌猛進既車路士，始終自變陣後車仔既強勢都持續左好一段時間，而呢種踢法對體力有一定消耗，係快車期一段時間後可以有弱點可足利用。
一開場無耐都有d火藥味，維頓漢(Vertonghon)出腳攔截有d過位，艾斯派古達(Azpilicueta)都有少少還拖feel咁樣，簡尼(Harry Kane)亦係Azp同球證理論時上前同Azp有兩句。之後兩隊係中場互有壓迫，其中一幕幾有印象就係迪亞高哥斯達(Diego Costa)同柏度(Pedro)係進攻上有d誤會，兩人都嘈左一段時間，希望兩人只係心急想踢好，另外都顯示可能輪換上對默契既影響。不過車仔打落確實做波做得比較吃力，俾波時稍為心急，好在後場三中堅都搓得住，避開對方前場壓迫，亦成功打出反擊，去到前場，夏薩特(Hazard)逗後都好好多，始終佢既控球能力強，俾急左既佢多數都攞得到，無咁易失控球權，35分鐘哥斯達都有球機會，可惜心急大躂。
熱刺都打得唔曳，打出自己風格，逼搶熟練，23分鐘艾歷臣(Eriksen)已經有次機會遠射斜出，羅列斯(Lloris)亦係高壓迫下合理傳波，搵岩空位俾返上中場重新組織，路斯(Rose)更落力到鏟人後差d自傷。而到完半場前，馬迪(Matic)走漏一秒，已經俾佢搵到位傳中係阿里(Dele Alli)頂入，當時正好摩西斯(Moses)睇緊應唔應該睇路斯，又係睇漏左阿里一秒，又包越位下被頂入，半場輸一粒。
下半場一開無耐，又係同樣方式又入一粒，摩西無睇實人，加上上黎補既Azp都唔係擅頂之人，正如筆者朋友所言，普捷天奴(Pochettino)應該係有針對此弱點set好套路攻擊。而且面對高強度逼迫既對手，摩西越打越顯得進退失據，進攻上心急傳中，而熱刺早已守實，防守上鏟搶過急，至少輸左三次罰球俾人，不過85分鐘個次簡尼有d似插水，但筆者戴一戴頭盔表示唔太清楚。前場上車仔既配合真係今場係唔順，只有偶爾一兩腳，好似57分鐘有球夏神劏得靚，哥斯達cup幾cup後可惜已被密封；及後韋利安(Willian)入替，前場多d活力，身後多個人補位執漏就好返少少，但左路就似係夏神、柏度同防中輪流補位。而熱刺後段防守好密，好記得開角球係差唔多全部，係全部人入哂禁區，一兩個睇一個，完全攻唔入。
本來筆者以為今場要60分鐘左右先有入球出現，但車仔係快車期後顯示難以維持高光表現，加上可能面對熟練逼搶打法既熱刺，車仔表現顯得唔夠好。好彩同期利物浦、阿仙奴失分，尚有失分空間，但點樣係呢場敗仗改善、利用好一月轉會窗，會係點樣繼續打好既重要一點，尤其二月頭要先後對利物浦及阿仙奴，而面對同類型對手及高空弱點，點樣應對都係需要改善既地方，而翼衛人腳需要加強。雖然筆者唔太喜歡熱刺某些球員既態度，但無可否認熱刺今場打得係好，佢地既逼搶打法熟練有效，車仔輸亦合理，亦有個機會放低連勝壓力同改善，亦非壞事。
多謝各位不吝賜評，一like一支持，多承指教：
https://www.facebook.com/chelsea.gor.sk
一開場無耐都有d火藥味，維頓漢(Vertonghon)出腳攔截有d過位，艾斯派古達(Azpilicueta)都有少少還拖feel咁樣，簡尼(Harry Kane)亦係Azp同球證理論時上前同Azp有兩句。之後兩隊係中場互有壓迫，其中一幕幾有印象就係迪亞高哥斯達(Diego Costa)同柏度(Pedro)係進攻上有d誤會，兩人都嘈左一段時間，希望兩人只係心急想踢好，另外都顯示可能輪換上對默契既影響。不過車仔打落確實做波做得比較吃力，俾波時稍為心急，好在後場三中堅都搓得住，避開對方前場壓迫，亦成功打出反擊，去到前場，夏薩特(Hazard)逗後都好好多，始終佢既控球能力強，俾急左既佢多數都攞得到，無咁易失控球權，35分鐘哥斯達都有球機會，可惜心急大躂。
熱刺都打得唔曳，打出自己風格，逼搶熟練，23分鐘艾歷臣(Eriksen)已經有次機會遠射斜出，羅列斯(Lloris)亦係高壓迫下合理傳波，搵岩空位俾返上中場重新組織，路斯(Rose)更落力到鏟人後差d自傷。而到完半場前，馬迪(Matic)走漏一秒，已經俾佢搵到位傳中係阿里(Dele Alli)頂入，當時正好摩西斯(Moses)睇緊應唔應該睇路斯，又係睇漏左阿里一秒，又包越位下被頂入，半場輸一粒。
下半場一開無耐，又係同樣方式又入一粒，摩西無睇實人，加上上黎補既Azp都唔係擅頂之人，正如筆者朋友所言，普捷天奴(Pochettino)應該係有針對此弱點set好套路攻擊。而且面對高強度逼迫既對手，摩西越打越顯得進退失據，進攻上心急傳中，而熱刺早已守實，防守上鏟搶過急，至少輸左三次罰球俾人，不過85分鐘個次簡尼有d似插水，但筆者戴一戴頭盔表示唔太清楚。前場上車仔既配合真係今場係唔順，只有偶爾一兩腳，好似57分鐘有球夏神劏得靚，哥斯達cup幾cup後可惜已被密封；及後韋利安(Willian)入替，前場多d活力，身後多個人補位執漏就好返少少，但左路就似係夏神、柏度同防中輪流補位。而熱刺後段防守好密，好記得開角球係差唔多全部，係全部人入哂禁區，一兩個睇一個，完全攻唔入。
本來筆者以為今場要60分鐘左右先有入球出現，但車仔係快車期後顯示難以維持高光表現，加上可能面對熟練逼搶打法既熱刺，車仔表現顯得唔夠好。好彩同期利物浦、阿仙奴失分，尚有失分空間，但點樣係呢場敗仗改善、利用好一月轉會窗，會係點樣繼續打好既重要一點，尤其二月頭要先後對利物浦及阿仙奴，而面對同類型對手及高空弱點，點樣應對都係需要改善既地方，而翼衛人腳需要加強。雖然筆者唔太喜歡熱刺某些球員既態度，但無可否認熱刺今場打得係好，佢地既逼搶打法熟練有效，車仔輸亦合理，亦有個機會放低連勝壓力同改善，亦非壞事。
多謝各位不吝賜評，一like一支持，多承指教：
https://www.facebook.com/chelsea.gor.sk
請按此登錄後留言。未成為會員? 立即註冊