其實睇過一d講到車仔既評論，大多都係認為車路士會繼續係英超冠軍既熱門，而觀乎阿仙奴有不俗既陣容、磨合度又會提高，加上曼聯近期收購顯示既野心，就有人諗應該會係三者之爭。認真筆者係同意，不過前提係阿記唔多傷患而曼聯有返套穩定既戰術。咁講法，閣下應該會問：咁睇車仔應該最掂啦？應該係，睇返曼城要換血、利物浦雖然組軍迅速，但二者問題都在領隊，未必有力爭冠。不過，筆者就覺得車仔都有自己既缺點，要提升表現，尤其係歐聯，需要買下人提升實力，或者厚度。
首先，係前鋒。迪亞高哥斯達(Diego Costa)首季表現無疑係唔錯，融合亦唔見得有咩大問題，不過似乎就比較易傷。容許筆者提一提Football Manager，筆者玩車仔時係好明白，遊戲中哥斯達甚至上陣五場便收咧，拉米(Remy)都不過係比佢上多左四場，若然無強鋒可用，夏薩特(Hazard)再強亦難保持成績，即使無大量入球，但作為前鋒既牽制力都好重要。現時車仔仲有拉米同借入既法卡奧(Falcao)，不過…實說筆者對法卡奧唔算有信心，不過摩連奴(Mourinho)簽得，應對領隊有信心，而佢都應該做得到上述提及既牽制作用，但可以既個人會寧願買個第個勁d既前鋒。
中場方面，其實奧斯卡(Oscar)似乎上陣機會係進一步減少緊，而個人就覺得韋利安(Willian)應該打佢個攻中位，右路佢既發揮唔係唔好，但硬係覺得唔岩佢，係中路似乎佢會發揮更好，而右路可以收購一個側擊力強、傳中好既翼鋒，古亞達度(Cuadardo)似乎仲未適應英超，雖然佢既身體條件應該有力克服，但如果上陣機會有限應該都未必掂，咁就要買多個平衡左右路既攻力，亦都可以分擔夏神既工作。
但曾經傳過既禾確特(Walcott)又似乎未必好過陣中打到右翼既人，如果真係買，應該係收購馬體會既基沙文(Griezmann)打右，此子既能力尤其後上攻門強勁，應有力平衡邊路，韋利安就係中路組織，雙翼上前攻門。不過最新傳又似係韋利安打返右，而中路收購伊斯高(Isco)，以佢既傳送同後上能力，對前場組織應該都有所提升，加上佢踢法多左跑動，應該都岩使，且睇下係買邊個先。
中後場方面，拉美利斯(Ramires)既機動力強，米基爾(Mikel)硬淨而戰術紀律好，都適合做後備，馬迪(Matic)既全能亦令佢穩打正選，但我就認為可以放棄前兩者其中一人，買多個更年輕更全面既防中，尤其係轉換攻守既能力，可以分擔到法比加斯(Fabregas)既中場工作就更好，但受限財政條例下，相信只可以係買右翼同買呢個位二擇其一，除非賣到人。
而中堅就其實可以買可以唔買，因為長遠應該都係蘇馬(Zouma)搭卡希爾(Cahill)都無甚問題，如果艾基(Ake)全力培訓打左閘，而又未有信心覺得基斯甸臣(Christensen)趕得切成長到接班卡希爾，咁就要買個有潛力而有一定實力既年輕中堅，呢個位講下廢話，華拉尼(Varane)係first choice…再唔係，恩尼高馬天尼斯(Inigo Martinez)據聞都唔錯，可惜係熱刺已經簽左艾達韋列特(Alderweireld)。
而雙閘如果唔要菲臘比(Filipe Luis)，就要買返個左閘，唔係既可以繼續用艾斯比列古達(Azpelicueta)打左，買返個右閘。當中瑞士國腳R.洛迪古斯(R.Rodriguez)打左閘會係好選擇，右閘要接班伊雲奴域(Ivanovic)有d難度，要睇想專注返防守，定要有埋佢既後上能力了。如果係後者，既然曼聯簽左達美安(Darmian)，都可以考慮下高文(Coleman)，雖然唔覺唔覺佢其實都27，但至少應該都有三四年打。
龍門買左就唔講了。
多謝各位不吝賜評，一like一支持，多承指教：
https://www.facebook.com/chelsea.gor.sk下
首先，係前鋒。迪亞高哥斯達(Diego Costa)首季表現無疑係唔錯，融合亦唔見得有咩大問題，不過似乎就比較易傷。容許筆者提一提Football Manager，筆者玩車仔時係好明白，遊戲中哥斯達甚至上陣五場便收咧，拉米(Remy)都不過係比佢上多左四場，若然無強鋒可用，夏薩特(Hazard)再強亦難保持成績，即使無大量入球，但作為前鋒既牽制力都好重要。現時車仔仲有拉米同借入既法卡奧(Falcao)，不過…實說筆者對法卡奧唔算有信心，不過摩連奴(Mourinho)簽得，應對領隊有信心，而佢都應該做得到上述提及既牽制作用，但可以既個人會寧願買個第個勁d既前鋒。
中場方面，其實奧斯卡(Oscar)似乎上陣機會係進一步減少緊，而個人就覺得韋利安(Willian)應該打佢個攻中位，右路佢既發揮唔係唔好，但硬係覺得唔岩佢，係中路似乎佢會發揮更好，而右路可以收購一個側擊力強、傳中好既翼鋒，古亞達度(Cuadardo)似乎仲未適應英超，雖然佢既身體條件應該有力克服，但如果上陣機會有限應該都未必掂，咁就要買多個平衡左右路既攻力，亦都可以分擔夏神既工作。
但曾經傳過既禾確特(Walcott)又似乎未必好過陣中打到右翼既人，如果真係買，應該係收購馬體會既基沙文(Griezmann)打右，此子既能力尤其後上攻門強勁，應有力平衡邊路，韋利安就係中路組織，雙翼上前攻門。不過最新傳又似係韋利安打返右，而中路收購伊斯高(Isco)，以佢既傳送同後上能力，對前場組織應該都有所提升，加上佢踢法多左跑動，應該都岩使，且睇下係買邊個先。
中後場方面，拉美利斯(Ramires)既機動力強，米基爾(Mikel)硬淨而戰術紀律好，都適合做後備，馬迪(Matic)既全能亦令佢穩打正選，但我就認為可以放棄前兩者其中一人，買多個更年輕更全面既防中，尤其係轉換攻守既能力，可以分擔到法比加斯(Fabregas)既中場工作就更好，但受限財政條例下，相信只可以係買右翼同買呢個位二擇其一，除非賣到人。
而中堅就其實可以買可以唔買，因為長遠應該都係蘇馬(Zouma)搭卡希爾(Cahill)都無甚問題，如果艾基(Ake)全力培訓打左閘，而又未有信心覺得基斯甸臣(Christensen)趕得切成長到接班卡希爾，咁就要買個有潛力而有一定實力既年輕中堅，呢個位講下廢話，華拉尼(Varane)係first choice…再唔係，恩尼高馬天尼斯(Inigo Martinez)據聞都唔錯，可惜係熱刺已經簽左艾達韋列特(Alderweireld)。
而雙閘如果唔要菲臘比(Filipe Luis)，就要買返個左閘，唔係既可以繼續用艾斯比列古達(Azpelicueta)打左，買返個右閘。當中瑞士國腳R.洛迪古斯(R.Rodriguez)打左閘會係好選擇，右閘要接班伊雲奴域(Ivanovic)有d難度，要睇想專注返防守，定要有埋佢既後上能力了。如果係後者，既然曼聯簽左達美安(Darmian)，都可以考慮下高文(Coleman)，雖然唔覺唔覺佢其實都27，但至少應該都有三四年打。
龍門買左就唔講了。
多謝各位不吝賜評，一like一支持，多承指教：
https://www.facebook.com/chelsea.gor.sk下
請按此登錄後留言。未成為會員? 立即註冊