英超季前淺論：曼聯

筆者其實比較少做季前既分析，今次都嘗試下分享個人既睇法，曼聯轉會活躍度較高，今次先黎講下曼聯，試下水溫，亦讓筆者熟習分析手法。


今夏曼聯轉會窗一如去年咁比較積極，前中後甚至龍門均有一定補強，主要針對中場位置。其實曼聯現時既陣容情況有少少似去年既利物浦既咁，比較側重前場，而比較需要既後防方面反而沒有太大動作。當然唔可以話一概而論，因為曼聯既防線對比當時利物浦既完整度較高，不過中堅方面都係缺乏足夠引援同清洗。曼聯既中路防守自維迪(Vidic)離隊後，多數俾人既感覺都係無咁穩定，洛河/盧祖(Rojo)上陣較少(筆者自問亦較少睇佢比賽)，故筆者就唔講太多佢，伊雲斯(Evans)發揮只係麻麻，可賣黎騰位，菲爾鍾斯(Phil Jones)同史摩寧(Smalling)具潛力及一定能力，但前者感覺較魯莽而易傷，後者側不夠壓場感，二人合作頗有火花，但作為一線球隊，我諗唔少人都會認同佢地需要一個成名既中堅帶住。一個"師父"級既球員可以帶住年輕球員成長，適時指揮，現時無論鋼門迪基亞(de Gea)及一眾後防及新兵如達美安(Darmian)都貌似無呢個能力，且睇下會再買個具領導力既中堅，定好似筆者上次所言，運用舒韋恩史迪加(Schweinsteiger)既指揮能力。
中場係紅魔重點補強既位置，似係針對上年既厚度不足同變陣能力不足而作出部署。不過睇到比較明顯既一點，係由4-1-4-1改為4-4-1-1。咁樣似返一d當年費格遜(Sir Alex Ferguson)離任前既排陣，咁樣無左個單防中位，前線就多個人支援前鋒攻堅。


其實咁樣有兩個好處，第一，上年既進攻好多時因為俾唔到上去，令進攻不力，前鋒無援，用朗尼又因佢會回後，前線缺乏支點，而家多返個人，令進攻既人手多返，有效進攻，而係美國既賽事睇黎，迪比(Depay)既表現都不俗。
第二，咁樣可以淡化上年卡域克(Carrick)個角色既問題，上年佢既單防中位因為無人打到佢既作用，令球隊有d時候發揮唔好，雖然已經收購左兩名防中，但雲高爾(van Gaal)似乎有意淡化卡域克既角色，改以雙中場中加強控制力，而陣中既防中都係前東家慣於打雙中中戰術，相信會有效發揮其能。

而前鋒中迪比、小豆查維靴蘭迪斯(Javier Hernandez)都擅於走位，尤以後者為最，若小豆留隊，或更加發揮到中場既組織力同球隊進攻能力。而門將除左域陀華迪斯(Victor Vales)或連特加特(Lingaard)應該是但一個會走之外，暫時黎睇應該無甚變動。


筆者自問估算唔叻，所以如果講排名既，筆者大概估個range，曼聯大約排…第2~3位左右。


歡迎各位繼續不吝賜評，一like一支持，多承指教：
https://www.facebook.com/chelsea.gor.sk下