又出又入，車路士冬窗應點買點賣 精選

奧斯卡(Oscar)無啦啦一野去左中超，除左又引起一陣對中超做壞市既批評之外，車路士由於一路高歌猛進，但快車期都開始有段時間靠1:0小勝，顯然3-4-3雖強，對人員配置同體能都頗有要求，要現時人腳要保持優勢到季尾，或者保持良好發揮，可能係某d位置需要補強或者加強板凳深度。


就最顯眼既問題，就係奧斯卡既離隊，雖然佢打到翼or輔鋒位，但顯然靈氣漸失既佢不被干地(Conte)重視，打中場位又嫌單薄，賣固然問題不大，但中前場人腳就少咁個。加上現時人腳，前場三子基本係得韋利安(Willian)一人，有潛質既又借哂(我知啦，我都想佢下年留，但借左啦嘛)，咁就買返一兩個翼鋒，不過而家傳得好行既，係占士洛迪古斯(James Rodriguez)，相信佢應該攻中位會發揮得好d，而打翼佢當然都得，但佢既能力會有所局限，因為都可能同夏薩特(Hazard)要互相讓路。如果買，應該買返個同柏度(Pedro)類近既，技術平均，可以協助隊友發揮，至於中鋒，真心，我想睇亞衣呀…sor，I mean巴舒亞伊(Batshuayi)。


而中場唔使講，中場中問題雖然法比加斯(Fabregas)都打到，但若然強強對壘，顯然好似而家咁兩個硬淨既防中會更好，但而家如果必須咁出而馬迪(Matic)、簡迪(Kante)任何一人出唔到，係惟有將雷斯(David Luiz)推上去，但咁樣基本就削趾就履，將中堅位既人手拉去補防中位，無乜實際幫助。而家既目標有傳華拉堤(Verratti)同尼恩高蘭(Nainggolan)兩個，但筆者傾向後者，因為前者雖然防守性應該較高，但作用同法比相似，如果買後者，以佢既拼勁先係可以分擔到雙迪既防守工作。


不過最大問題，都係防線。翼衛既人手真係唔係好夠，除左筆者之前講過將艾斯派古達(Azpilicueta)推返去邊路外，無乜替補人選。容我再提一次，古亞達度(Cuadardo)去祖雲達斯真係唔知做乜，有佢已經搞掂一條邊，而且佢而家都要同丹尼爾艾維斯(Daniel Alves)爭，而且都係打翼衛。(不過btw車仔做乜又唔簽艾維斯…) 不過筆者認為其實阿朗素(Marcos Alonso)就真係打得幾好，咁耐無踢英超，融入得算好快，表現真心係好。當然，中堅，如果唔想出咁多卡希爾(Cahill)，都要買返個補充人手先得，不過傳足咁多個，都唔知邊個先係，而且好既又年青d既中堅買少見少，要買既可否唔好嫌貴…而且說好的基斯甸臣(Christensen)應該要等下季，到時賣埋卡希就完整了。(sor對卡希真心無乜好感)


其實買人應該就買硬，但車路士d轉會有時水準真係有少少飄忽，希望干地干下交涉下，以佢成績應該有d本錢拗數，否則唔夠決斷，又嫌貴又亂買，干地幾勁都無用。


多謝各位不吝賜評，一like一支持，多承指教：
https://www.facebook.com/chelsea.gor.sk