令人費解，曼聯2:0車路士 精選

由 車路士淺論 於 17/04/2017 發表 收藏文章
顯示分享連結
呢個結果都令好多人費解，正常而言，車路士贏面略大，曼聯周中仲有對安德烈治既歐霸盃賽事，點知無啦啦賽前兩個受傷，車路士就兵敗如山倒。


好老實，筆者覺得球證係有幾大既問題。我唔係個啲輸波賴球證，車路士完全係表現差，輸係正常戰果，但球證表現亦實在唔好。摩連奴(Mourinho)賽前固然有針對車路士核心球員既部署，而且摩佬風格係比較多小動作，尺度較寬鬆，但呢類動作雖然多數不致犯規甚或俾牌，但太多球證亦會出言警告，再犯便出示黃牌警告。但今場球證一直無視或只有口頭警告，阻嚇力唔夠，尤其靴里拉(Herrera)及費蘭尼(Fellaini)主力攔截掃蕩既球員。基本上凡是五五波既吹罰，全部都係傾向對曼聯有利既判罰黎。


當然，摩佬既部署係做得好，同當年佢初黎英超一樣，利用三中場壓制雙中場，加上搵人全力看守核心夏薩特(Hazard)，凍結佢做波能力，同時挑釁下哥斯達(Diego Costa)(係真係work)或者壓迫佢同大衛雷斯(David Luiz)，令各路傳控難以順利進行，係解決車路士一直打順左既踢法既法門。

除左對方，自己都有問題，古圖斯(Courtois)傷其實問題不大，比高域(Begovic)亦具質素，但阿朗素(Marcos Alonso)就傷得唔及時，令球隊踢法唔順，更加兵敗如山倒。翼衛方面一時有兩名擅打右翼衛既人，但無左翼衛，其實筆者覺得艾斯派古達(Azpilicueta)至少熟悉左路，直接打左翼衛係可以，相反摩西斯(Moses)打翼衛已非正宗，仲要轉邊發揮實在打硬折扣。另外今仗雷斯漏甩甚多，好似第一球，完全唔明佢想點，點解唔食拉舒福特(Rashford)位？撞下壓下佢個位都好呀！跳舞咩！馬迪(Matic)、哥斯達、柏度都受制於費蘭尼、盧祖(Rojo)等人，表現得好差。


最後，雖然及後變回四後衛，加強中場人數回復中場力度，但不得不講既係干地(Conte)臨場變陣換兵唔及摩佬果斷大膽，對打得幾差既幾名球員都遲遲未換，而且對點抗衡摩佬既針對性部署太過慢俾反應同調整，呢樣較為輸蝕，而換人都唔夠大膽，俾著筆者會收起雷斯出艾基(Ake)打左閘，Azp打右閘，出四後衛，前場收哥斯達出韋利安(Willian)或卓克(Loftus-Cheek)，博一舖又如何？雖然可能又太大膽，但艾基遲早都要出，對曼聯練下又無妨，人地都收伊巴謙莫域(Ibrahimovic)出拉仔啦。


車仔首要係及時調整返狀態，解決翼衛同人腳問題，套路實在不足，打返好自己d波先，換帥第一季其實成績已有交待，唔好好似某隊咁眈住人地多多口水咒人輸乜乜乜，專心做好自己，打返出個狀態好過。


多謝各位不吝賜評，一like一支持，多承指教：
https://www.facebook.com/chelsea.gor.sk

標籤: chelsea  man utd  referee  

留言


請按此登錄後留言。未成為會員? 立即註冊
  • Jason514 於 17/04/2017 評論 NO. 1

    雷斯點壓同撞呀 轉完身已經唔夠跑 直追都係望住被入 佢想移去守空龍都正常 反而覺得比高域太遲出黎封位

  • Jason514 於 17/04/2017 評論 NO. 2

    同埋福仔已經拎哂身位 從後接觸唔通想申請全餐咩😂

  • b9 於 17/04/2017 評論 NO. 3

    點解咁多作者個口吻成日都要懶係看破世事?講到好似自己執教能力勁過干地咁。又成日以叔父輩級嘅語氣訓斥班英超球員。

    賽後討論同分析唔係問題，但坦白講，呢種語氣真係好肉酸。

  • Akakak 於 17/04/2017 評論 NO. 4

    其實呢位筆者識唔識睇波？咁既質素都出文，唉！

  • 勒邦占士 於 17/04/2017 評論 NO. 5

    好肉酸呀真係 睇左幾多年波呀 主場55波大多數都吹客隊嫁啦 喂 你去教啦 降班都似啦 講到咁簡單

  • Cole788 於 17/04/2017 評論 NO. 6

    成場車仔勁多向腳攔截，作者屎眼睇波？如果唔係球證，車仔一早打少DC啦，懶球證，On9

  • Ksbon 於 17/04/2017 評論 NO. 7

    筆者既意見 更令人費解

  • k421 於 17/04/2017 評論 NO. 8

    有幾廢解 哥斯達都冇出塲 你呢啲質素似專頁留言

  • chango 於 17/04/2017 評論 NO. 9

    筆者應該是隱世高人，以佢嘅口氣

  • Tsang Jimmy 於 17/04/2017 評論 NO. 10

    壓同撞，好笑。起步慢，被人食位，夾硬去會絆倒對手。紅牌。兼且雷斯有機會受傷。輸一球同輸一個人，結果可能唔止二比零

  • Tsang Jimmy 於 17/04/2017 評論 NO. 11

    不如話寫文章個位以氣用事，輸打贏要

  • 數據就是事實 於 17/04/2017 評論 NO. 12

    簡單而言,這是本季車仔最差表現之一,0中龍!!0中龍!!!!0中龍,已經說明一切,就算比球證屈,比摩佬如神一樣的部署迫壓,比曼球員能力+主場氣焰影響,要中一次龍唔係難掛???簡單而言,明顯就是最後直路的自身壓力影響,+上熱刺火熱的追近,壓力更大,最後打唔出本季保持大半季的良佳水準!暗湧!!

  • princemuimui 於 17/04/2017 評論 NO. 13

    垃圾分析

  • TommyTsang 於 17/04/2017 評論 NO. 14

    看了廢文

  • ryankwok 於 17/04/2017 評論 NO. 15

    作者的確係C眼通，乜都睇你睇通，用c眼睇通睇透

  • 魯風 於 17/04/2017 評論 NO. 16

    好認同車仔係輸比球證，因今季首次欠缺球證全力支持！！！

  • 魯風 於 17/04/2017 評論 NO. 17

    大衛雷斯根本就是如此貨式，如果唔係當年唔會賣去PSG啦，並且上屆世界盃也印証佢嘅實力嘞！！！

  • danielkit 於 17/04/2017 評論 NO. 18

    點解你甘on9都可以學人做筆者？出文章？尋晚場波曼聯係有入球幸運成份，但摩佬既戰術安排真係技術性擊倒干地，如果賴球證，不如諗下車仔踢成點啦on9

  • cozozubof 於 17/04/2017 評論 NO. 19

    垃圾分析 笑死朕

  • Estyip 於 17/04/2017 評論 NO. 20

    曼聯上半場前場壓迫做得好好，後防一換邊就插前施壓，依D野好似唔見你有講

  • eago 於 17/04/2017 評論 NO. 21

    就係打四後衛打得唔好先轉打三後衛，而家又話三後衛打得唔好要轉打四後衛，無限loop🤔🤔

  • Daniel061310 於 17/04/2017 評論 NO. 22

    筆者不如收筆啦，懶係立場好中立，分析又垃圾

  • alles88 於 17/04/2017 評論 NO. 23

    a@laqqq

  • asay 於 17/04/2017 評論 NO. 24

    筆記好慘，第一場4:0，第二場1:0，今場点知输2:0，吹咩

  • 潘思銳 於 17/04/2017 評論 NO. 25

    筆者係咪以為成個世界圍住車路士黎轉?

    '正常而言，車路士贏面略大'呢d垃圾都講得出

  • Lawrence Mok 於 18/04/2017 評論 NO. 26

    真係第一次睇文有咁多負皮，筆者好心你咁既分析就早d返火星啦，貽笑大方

專欄簡介

車路士淺論 車迷角度淺論球壇迭事消息，車路士、英超、轉會~ 風格上係本區第一個用口語既專欄~ 唔引太多數據，傾向表達個人睇法~ 譯名會加返英文譯名以供識別~

編輯簡介

Gor SK 車路士球迷，希望做到作為理性球迷既態度，客觀d睇波同討論球壇近況，致力持平討論同避免罵戰。球齡約14年，但開始有所研究後只有5年，較年輕識淺，對轉會及排陣較有己見，認為所有球隊都有值得尊重既地方
快捷鍵：←
快捷鍵：→