仍有隱憂？點睇車仔對熱刺 精選

其實呢，筆者因為身體不適，呢場波訓左無睇，不過，筆者睇法精華，見到球隊反勝固然可喜，不過筆者一睇都有少少問題，就提一提下啦。

上半場唔知係咪簡迪(Kante)未入態，逼搶唔夠，係球隊回防後，禁區外都俾到空間人地遠射，簡尼(H.Kane)、艾歷臣(Eriksen)、雲耶馬(Wanyama)等連番起腳，好彩古圖斯(Courtois)算幾專心，都救左唔少，不過最後都被艾歷臣抽入左先失一球。


不過好彩既係，球隊慢慢上力，而且熱刺都出現同樣既問題，而且佢地既弱點更大。首先佢地都俾左空間柏度起腳射球靚波，之後更係走漏人。




係摩西斯(Moses)反超呢球睇到，佢全程係無人睇過佢點跑，由反擊開始到摩西斯起腳，全程無人睇。當然，隊友明顯集中攻左路，摩西斯拉邊係合理，因為前面右翼位既柏度(Pedro)會拉入中間，佢拉邊後有空位入攝係正路。


再睇埋呢球，馬高斯阿朗素(Marcos Alonso)又係空左，附近既人其實都無人mark過佢、去"拍佢"，不過不幸呢球炒飛機。不過球隊打出呢d攻勢，證明佢地搵弱點能力甚強，係破解防守得好既球隊都更容易。
無了，純粹睇完想分享一下，希望越打越有，同球隊中場應更快入局，否則如果對方有擅遠射既就算守實三閘線，一個逼得唔夠緊都易失波；不過都喜見球隊搵破綻都夠快，但希望韋利安(Willian)等後備兵都快d入隊，可以提供輪換同變化空間，因為呢場打落韋利安好似未入隊咁。


多謝各位不吝賜評，一like一支持，多承指教：
https://www.facebook.com/chelsea.gor.sk