今日清晨歐洲國家聯賽，西班牙主場2-3不敵英格蘭，討論焦點固然喺英格蘭如何見血封喉、把握力欠奉嘅史達寧打破三年入球荒兼梅開二度，睇返外國球迷網上嘅討論，今場仲有一幕可能大家都睇漏眼，有球迷影到懷疑係西班牙隊長沙治奧拉莫斯故意踩史達寧嘅片段，十分有爭議性。
沙治奧拉莫斯本來就係一個充滿爭議性嘅球員，總有人認為佢經常喺球場上使出陰濕招數整傷對手，或者有意喺球證睇唔到嘅角度用超技術阻截對手，同時又總有人為佢辯護，呢點遠遠早於沙拿事件之前已經係咁。今次佢再被影到疑似「抽水」傷害對手，不如大家先睇睇事發片段。
當時，英格蘭翼鋒史達寧本身已經喺禁區內倒地，但表情睇落未有太痛苦，呢個時候拉莫斯行向史達寧所在之處，兩人有輕鬆接觸，然後史達寧好痛咁喺地上碌。有球迷就直指拉莫斯係故意上前抽水，踩落史達寧度，但亦有球迷表示完全睇唔到拉莫斯有動作。先利申，本人絕非西班牙、英格蘭、皇家馬德里、曼城，甚至利物浦或巴塞隆拿球迷，完全對兩位涉事球員並冇任何喜惡，希望可以盡量客觀去睇。
姑且提出幾點俾大家參詳一下：首先，史達寧本身屬於十分喜歡倒地及誇大接觸嘅球員。第二，暫時未見有影片清晰影到拉莫斯的確有踩落史達寧度。以上兩點都係對拉莫斯有利嘅論點。
不過，小弟覺得唯一有一點對拉莫斯十分不利，甚至個人認為係足以超越上述兩點，就係拉莫斯點解會走向史達寧倒地之處？由影片可見，史達寧倒地之後，拉莫斯並唔係向前方離開禁區，而係向橫移動，直至去到史達寧個位，然後彈彈下咁再90度轉向走出禁區，同時可以留意佢頭部動作，一開始拉莫斯頭部微微向下，疑似望向史達寧，然後喺行過去嘅過程中頭部回復水平並且慢慢望向前方，照計已經睇到史達寧嘅位置，又有足夠時間轉向，點解仲會行咗埋去呢？難怪有球迷認為佢係故意上前抽水，小弟就覺得幾有說服力。
不過，為拉莫斯辯護嘅球迷一定會話，覺得佢呢個角度咁樣轉彎行出禁區係自然動作，我只能夠話佢呢個時機十分微妙，反正我對兩位球員冇任何喜惡，更唔會覺得忿忿不平或者興奮，見仁見智啦。
另外，除咗呢一球之外，亦有一幕成為熱話，就係艾歷迪亞飛剷拉莫斯。老實講，如果唔係擔心球員受傷嘅話，呢一種「熱血飛剷」飛沙劈石嘅感覺係好多球迷睇到都覺得爽快嘅。喺比賽10分鐘，拉莫斯喺己方控球，英格蘭中場艾歷迪亞前場壓迫，跑到入禁區，一個飛剷炒到拉莫斯飛起。
睇返截圖同重播，呢一球應該係完全剷中波，先中波後中人，但中波還中波，根據球例，球證有權因為攔截過勇或危險動作而俾牌，結果艾歷迪亞被黃牌警告。不過，網上一班球迷就睇到好興奮，唔知佢哋係純粹欣賞「熱血飛剷」，定好討厭拉莫斯，竟然講笑咁話，淨係呢下飛剷，已經值得直接頒獎俾英格蘭……
Source: Sportbible、Sportbible、DailyMail
沙治奧拉莫斯本來就係一個充滿爭議性嘅球員，總有人認為佢經常喺球場上使出陰濕招數整傷對手，或者有意喺球證睇唔到嘅角度用超技術阻截對手，同時又總有人為佢辯護，呢點遠遠早於沙拿事件之前已經係咁。今次佢再被影到疑似「抽水」傷害對手，不如大家先睇睇事發片段。
當時，英格蘭翼鋒史達寧本身已經喺禁區內倒地，但表情睇落未有太痛苦，呢個時候拉莫斯行向史達寧所在之處，兩人有輕鬆接觸，然後史達寧好痛咁喺地上碌。有球迷就直指拉莫斯係故意上前抽水，踩落史達寧度，但亦有球迷表示完全睇唔到拉莫斯有動作。先利申，本人絕非西班牙、英格蘭、皇家馬德里、曼城，甚至利物浦或巴塞隆拿球迷，完全對兩位涉事球員並冇任何喜惡，希望可以盡量客觀去睇。
姑且提出幾點俾大家參詳一下：首先，史達寧本身屬於十分喜歡倒地及誇大接觸嘅球員。第二，暫時未見有影片清晰影到拉莫斯的確有踩落史達寧度。以上兩點都係對拉莫斯有利嘅論點。
不過，小弟覺得唯一有一點對拉莫斯十分不利，甚至個人認為係足以超越上述兩點，就係拉莫斯點解會走向史達寧倒地之處？由影片可見，史達寧倒地之後，拉莫斯並唔係向前方離開禁區，而係向橫移動，直至去到史達寧個位，然後彈彈下咁再90度轉向走出禁區，同時可以留意佢頭部動作，一開始拉莫斯頭部微微向下，疑似望向史達寧，然後喺行過去嘅過程中頭部回復水平並且慢慢望向前方，照計已經睇到史達寧嘅位置，又有足夠時間轉向，點解仲會行咗埋去呢？難怪有球迷認為佢係故意上前抽水，小弟就覺得幾有說服力。
不過，為拉莫斯辯護嘅球迷一定會話，覺得佢呢個角度咁樣轉彎行出禁區係自然動作，我只能夠話佢呢個時機十分微妙，反正我對兩位球員冇任何喜惡，更唔會覺得忿忿不平或者興奮，見仁見智啦。
另外，除咗呢一球之外，亦有一幕成為熱話，就係艾歷迪亞飛剷拉莫斯。老實講，如果唔係擔心球員受傷嘅話，呢一種「熱血飛剷」飛沙劈石嘅感覺係好多球迷睇到都覺得爽快嘅。喺比賽10分鐘，拉莫斯喺己方控球，英格蘭中場艾歷迪亞前場壓迫，跑到入禁區，一個飛剷炒到拉莫斯飛起。
睇返截圖同重播，呢一球應該係完全剷中波，先中波後中人，但中波還中波，根據球例，球證有權因為攔截過勇或危險動作而俾牌，結果艾歷迪亞被黃牌警告。不過，網上一班球迷就睇到好興奮，唔知佢哋係純粹欣賞「熱血飛剷」，定好討厭拉莫斯，竟然講笑咁話，淨係呢下飛剷，已經值得直接頒獎俾英格蘭……
Source: Sportbible、Sportbible、DailyMail
請按此登錄後留言。未成為會員? 立即註冊