屬於全能中場既佢既特點在於身材高大(188/190cm)但相當靈活, 傳波護波既能力都相當高, 唔少得既就係佢既遠射能力. 有人將佢比喻為 韋拉, 而 韋拉本人就話普巴比自己更有攻擊力, 球技亦更加好. 而我自己就覺得. 如果唔計國藉既話, 佢同現役曼城球員 耶耶托利既風格都相當似. 你地又覺得呢?
普巴係法乙勒哈費爾球隊既青訓球員, 08年起成為法國U16既隊長, 當時已經吸引好多豪門既關注, 曼聯最終係09年夏天同當時只有16歲既普巴簽約.係起初既兩個球季普巴並無大多既上陣機會.
直至11/12球季. 一直係法國青年隊既核心球員既普巴終於成為曼聯U21聯賽既重要隊員, 係16場比賽當中全部以正選上陣取得3入球6助攻. 不過, 係U21聯賽既上佳表現並無為佢爭取到更多一隊既比賽機會. 係整個賽季普巴只為曼聯一隊上陣7場. 全部以後備身份落場. 合計出場時間只有202分鐘. 曼聯既對待亦引起普巴既強烈不滿. 最終拒絕同曼聯續約. 轉投祖雲達斯.
請按此登錄後留言。未成為會員? 立即註冊