英超球隊 C FOR CRYSTAL PALACE

英足隨行 於 30/05/2015 發表 收藏文章
季初水晶宮主席柏列殊因為同領隊佩利斯就買賣球員問題,導致後者請辭。新上任禾洛克雖然有帶領球隊經驗,但未曾為球隊成功護級。成績自開季不升反跌,曾一度降班區。及後炒掉禾洛克,係紐卡素請柏祖回巢執教,後者執教下從回正軌,終以第10名完成賽季(38場13勝9和6負48分)。主席柏列殊決斷應記一功,另外禾洛克同柏祖執教能力,分別何在?
由禾洛克執教下只取得15分(3勝6和9負),當中只贏利物浦、愛華頓及李斯特城。除左一般英式拼勁外,看不出有何特別之處。雖然曾執教錫菲聯、昆士柏流浪等球隊帶領升班,但保守踢法經常於英超失分。加上踢法同球員錯配,令球隊不和上升,有見及始,於負修咸頓後翌日收下聖誕禮物。

1月2日,主席宣佈柏祖回家,隨即簽入艾美奧比。即使唔係正選後備之列,但與柏祖共事多年,協助柏祖管理更衣室內係重要一環。另外,柏祖從球隊打法方面入手改善。除兩翼出波外,球隊地面進攻及防守得以大幅改善。而用人不再受限下,顯出球隊活力及紀律性增強。而紐卡素在柏祖離去,成績明顯一落千丈。下半季柏祖帶領下,主場擊敗曼城及作客擊敗利物浦係代表作。相信主席同球迷滿意柏祖呢個半季收購。

總結:來季柏祖帶領下,寄望有驚喜之作及進步。前提係,主席柏列殊別再同領隊鬧不和,不竟一個好領隊,實在難求。


筆者以個人觀點,不代表其他人意見

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→