當你以為前路一片灰暗,只有裝備好自己,機會來到想擋也擋不住 - 人生就好像高基連

英超球迷頻道 於 20/01/2015 發表 收藏文章
年輕時誰沒有夢想?再平凡的都市人在16歲偶爾都會發夢自己將來高人一等名成利就,高基連2008年就簽咗俾阿仙奴,相信佢一定認為自己能夠係雲加手下一凡風順,好像禾確特張伯倫等成為人人階知的球星……
但世事又豈能盡如人意,就好似一般打工仔一樣,初畢業入到大公司還以為能夠大展身手出人頭地,誰不知只是痛苦的開始……上司欺壓每天發生,有功就上司領,有“獲“當然係你頂,空有志氣但欠缺機會,伯樂係現實社會仲少過善長人翁!
高基連係2011代表阿仙奴處子戰作客曼聯,作為一名防守中場,以8-2大敗於死敵,係62分鐘早早被雲加換出,相信就算不是當時人都會明白那份心情,佢未必係當場最差的球員,但首次出戰就要作客曼聯,對一名小伙子壓力之大可想而知,只能怪命運作弄!
正所謂東家唔打西家,係商業社會魚唔過塘唔肥,當係同一工作地方做得耐,上面位賤格中年上司又唔會走,想上位只有跳槽,尋找一個機會一個伯樂!高基連係阿仙奴幾年後苦無上位機會,正選有阿迪達、藍斯甚至乎還有老將法明尼,打後備都無資格,但似乎雲加和球迷都忘記咗佢,不斷的外借只是為咗球會節省人工吧,最後可能不了了之在次級聯賽完成球員生涯,呢種情況在大球會比比皆是……
當日畢業出來的小伙子,由志氣遠大到意志消沉,不經不覺已在社會打滾了一段日子,係職場見盡牛鬼蛇神,工作能力亦已成熟,欠的只是一個機會,機會來臨前不會預早通知你,只有裝備好自己隨時把握機會!係阿仙奴大量的傷兵潮來臨時,由原來的最強中場線變化為傷病中場線,係轉會窗來臨前雲加不得不重新找尋一個防守性高的後備球員作準備,高基連結果突然被重新召回阿仙奴一隊候命!
機會來到可一不可再,正選上陣的高基連由當日横衝直撞的小伙子,到現在懂得收放自如,成為阿仙奴第一度最可靠的防線,幾場正選累積信心後,係作客曼城大放異彩,一眾球評家及網站紛紛打出8分以上的評級讚揚其穩健的防守能力,即使面對大衛施華等世界級球員的攻勢亦能一一化解,今季即將約滿阿仙奴的他相信會很快得到一紙高薪合約。如果係三個月前相信高基連仍然為季尾前途而苦惱吧……

或許大家沒有高基連的幸運,苦等多年仍然係被上司老闆欺壓的一群,但希望年輕人不要放棄當天的夢想和志氣,總有一天機會來臨時好好把握吧!

快槍手@英超球迷頻道

------------------------------------------------------------------------------------------------------------------------------------------
凡購英超球會水杯一隻, 即能以半價$20換購Soccerstaz公仔一隻, 數量有限, 換完即止! 歡迎Whatsapp 91712353查詢

留言


請按此登錄後留言。未成為會員? 立即註冊
    快捷鍵:←
    快捷鍵:→