亨利大帝愛回家!

英超球迷頻道 於 18/12/2014 發表 收藏文章
亨利大帝正式宣佈退役,係佢職業生涯共轟入411入球,其中不伐有高難度窩利抽射,千里走單騎力壓皇馬眾星,亦有致勝奪冠入球。


但佢個人最難忘的入球係12年1月9日回歸阿仙奴的一腳招牌式趟遠住射門,相信好多球迷仲好記得當日入球後亨利興奮的表情。事實上亨利對阿仙奴的忠心和感情絕對令球迷動容,當年阿仙奴鬧前鋒荒,多年無冠成績一蹶不振令雲加飽受壓力。係呢個時候球皇出現係阿仙奴練習基地,二話不說答應回歸協助,呢一份情義的確令不少阿迷感動,焦點重新落係亨利身上從而令到雲加抒緩不少壓力。

相信大部份球迷都覺得亨利回歸其實係一種意義,一份熱血的精神,很少人會真心相信亨利會為阿仙奴帶來很巨大和實際的幫助,畢竟亨利活力已不復當年,短期的回歸亦很難為阿仙奴成就什麼成績,但偏偏奇跡出現.....

球迷一直無預期亨利一定有機會上陣,更加無想過係救世主的身份回來! 當日阿仙奴久攻不大無計可施之際,佢再一次穿起火紅戰衣出戰,簡單的一個走位接應桑治的傳送,一控一射一比零,倫敦的天空響起了歡呼聲,呢一刻世界上所有阿仙奴球迷接近失控的狂呼慶祝,香港時間早上5點鐘我見證了呢一刻.....

到了今日除左亨利,相信亦係好多阿迷最難忘的一個入球!

留言


請按此登錄後留言。未成為會員? 立即註冊
    快捷鍵:←
    快捷鍵:→