港甲神射手禾達收區隊聘約 或有望重返超聯

「仲有禾達 無限個勞工」相信有睇開港超聯嘅球迷都會對禾達印象深刻！效力過南區同流浪嘅佢，喺超聯各種單刀射出界、離門五碼炒飛機嘅畫面真係令人難忘，不過最經典都離唔開香港C朗卓耀國忍唔住親自教佢走位！
不過近年重返香港效力甲組嘅佢，今季喺港甲終於大爆發，成為港甲神射手之餘，又成功幫實力中下嘅南華爆冷拎到港甲殿軍！根據接近禾達嘅消息人士，成功自我救贖嘅佢，近日仲未同南華續約，事關獲得來季一支征戰港超嘅區隊青睞，有機會會重新征戰港超證明自己唔係三流前鋒！不過禾達已經開咗自己嘅足球學校，有自己生意要打理嘅情況下，決定再次征戰港超之前仍然要再三思，唔排除會續戰甲組~