《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
開季初嚐勝仗，而對手只是升班馬盧頓，值得一讚既係對手並無因為實力差距而只作死守一戰，反而敢於向前做壓迫，相反車路士雖則喺數據上取得優勢，不過並無因為比數而反映出場面其實偏向悶局居多，只係迎來史達寧既小爆發至令入球出現。
陣容上黎睇並無話太多變動，始終球隊只有傷員數字上既增加，而普捷天奴亦只係安排左新加盟既卡些度入正選名單，抽起左上場受傷擔任左翼鋒既卓古美卡，本身會以為會將加拉加推上前場，結果反而係佢拍加些度同安素打三中場，而望到後備席上既名單就真係唔知講咩好，外界成日話車路士洗左幾多錢買人都依然咁多人傷，就咁數都已經有五位青年軍球員需要做應急支援，都只能苦笑。
如文章開頭所講，盧頓並無因為佢係升班馬而作出主守安排，反而知你車路士每次龍門球都開短而投入大量人手做前場壓迫，藍軍需要更有耐性地做傳送以及利用個別球員既個人技巧去將個波運轉到前場，而車路士雖然有場之利，不過今場波既節奏明顯比起早兩場波慢左落黎，未知係咪體力有所影響還是傷員過多大家都避免操之過急，同時引致大半場波車路士只係空有傳控，但實際打到入對手禁區製造黃金機會並唔多，亦形成左所謂既悶局。
而三位中場球員亦係首次搭檔，企位上睇到卡些度會係三人之中傾向墮後既一位，主力做防線前屏障、將皮球轉換分邊以及執第二點既角色，而安素同加拉加就偏向較前居多，暫時睇黎佢地都需要時間磨合，分工上後兩者有啲位置重疊左要睇下再點樣安排，同時普捷天奴亦似乎會繼續以哩套攻守轉換陣式作為主打，如果咁的話其實好多位置既人腳都定左落黎。
史達寧既小爆發的確為球隊帶黎入球，即使後面無左占士支援換成古斯度，不過佢都能透過自身能力作為藍軍右邊既「爆點」，亦多次與積遜做多次互傳配合，早喺第一球出現前已經有球禁區頂勁射可惜太過正中被門將接實，而入果球都係一啲小技術控球再施射網側盡顯功架，之後入果球同積遜埋齋都一樣，由右邊傳中只要捕啱果點就接近任射，基本上你唔射高炒飛機都好大機會入到，不過唔知係場地還是球員問題，佢地啲First touch始終都係差啲咁，第一下接個波都好離身或者推大力左，都令到修正完之後減低左入球機會。
普捷天奴亦喺83分鐘先開始換入第一個後備球員，可見得佢都真係拖到最後一刻先敢郁，而個人認為馬特森其實可以早啲換入黎投入更多上陣時間，未知係因為球會想賣還是教練試為球員仲未準備好要一步步黎，相反古古尼亞開季三場波連一分鐘陣時間都無，如果有人接的話相信都好大機會會放。
文章發表時間 : 26/8/2023 11:00
文章發表時間 : 26/8/2023 11:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
開季初嚐勝仗，而對手只是升班馬盧頓，值得一讚既係對手並無因為實力差距而只作死守一戰，反而敢於向前做壓迫，相反車路士雖則喺數據上取得優勢，不過並無因為比數而反映出場面其實偏向悶局居多，只係迎來史達寧既小爆發至令入球出現。
陣容上黎睇並無話太多變動，始終球隊只有傷員數字上既增加，而普捷天奴亦只係安排左新加盟既卡些度入正選名單，抽起左上場受傷擔任左翼鋒既卓古美卡，本身會以為會將加拉加推上前場，結果反而係佢拍加些度同安素打三中場，而望到後備席上既名單就真係唔知講咩好，外界成日話車路士洗左幾多錢買人都依然咁多人傷，就咁數都已經有五位青年軍球員需要做應急支援，都只能苦笑。
如文章開頭所講，盧頓並無因為佢係升班馬而作出主守安排，反而知你車路士每次龍門球都開短而投入大量人手做前場壓迫，藍軍需要更有耐性地做傳送以及利用個別球員既個人技巧去將個波運轉到前場，而車路士雖然有場之利，不過今場波既節奏明顯比起早兩場波慢左落黎，未知係咪體力有所影響還是傷員過多大家都避免操之過急，同時引致大半場波車路士只係空有傳控，但實際打到入對手禁區製造黃金機會並唔多，亦形成左所謂既悶局。
而三位中場球員亦係首次搭檔，企位上睇到卡些度會係三人之中傾向墮後既一位，主力做防線前屏障、將皮球轉換分邊以及執第二點既角色，而安素同加拉加就偏向較前居多，暫時睇黎佢地都需要時間磨合，分工上後兩者有啲位置重疊左要睇下再點樣安排，同時普捷天奴亦似乎會繼續以哩套攻守轉換陣式作為主打，如果咁的話其實好多位置既人腳都定左落黎。
史達寧既小爆發的確為球隊帶黎入球，即使後面無左占士支援換成古斯度，不過佢都能透過自身能力作為藍軍右邊既「爆點」，亦多次與積遜做多次互傳配合，早喺第一球出現前已經有球禁區頂勁射可惜太過正中被門將接實，而入果球都係一啲小技術控球再施射網側盡顯功架，之後入果球同積遜埋齋都一樣，由右邊傳中只要捕啱果點就接近任射，基本上你唔射高炒飛機都好大機會入到，不過唔知係場地還是球員問題，佢地啲First touch始終都係差啲咁，第一下接個波都好離身或者推大力左，都令到修正完之後減低左入球機會。
普捷天奴亦喺83分鐘先開始換入第一個後備球員，可見得佢都真係拖到最後一刻先敢郁，而個人認為馬特森其實可以早啲換入黎投入更多上陣時間，未知係因為球會想賣還是教練試為球員仲未準備好要一步步黎，相反古古尼亞開季三場波連一分鐘陣時間都無，如果有人接的話相信都好大機會會放。
文章發表時間 : 26/8/2023 11:00
文章發表時間 : 26/8/2023 11:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊