《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
國際賽後作客聖詹姆斯公園，雖知道紐卡素近年都唔易食，今季要數到佢地聯賽喺主場輸波已經係八月對利物浦既事，不過車路士近態叫做有啲起息，連續對熱刺及曼城都有唔錯既表現，正當以為有力放手一搏，誰不知又黎一個出閘脫腳。
普捷天奴需要停賽成為座上客，而正選十一人中亦有新面孔，久病初癒既巴迪亞舒尼伙拍施華為中堅組合，相信好大程度都因為高維同迪沙斯各自有小傷在身需要並列後備，而左右閘方面繼續係古古尼亞以及占士，中場亦有烏高卓古再次以正選身份上陣，主要由於卡些度較遲歸隊體能未十足，而前者就拍於安素同加拉加為三中場，至於前場就依舊係積遜、史達寧以及龐馬為攻堅。
雖然雙方人腳都有唔少變動，紐卡素亦有唔少傷員未能上陣，不過兩隊都未有因而改變踢法，繼續維持高壓迫以及速度輸出，令全場波都出現唔少你一拳我一掌既互有攻守畫面，而論守轉攻的話，車路士今場波既問題並唔大，較大問題反而係出現左喺守果度，烏高卓古同巴迪亞舒尼兩者都成為亮點，前場啲補位、埋身搶截有八成時間都慢半拍，而後者狀態亦都完全未係果回事，由身體動作都見到佢完全跟唔上對手，兩者更加撞晒位引致第一個失波出現。
其實唔單止佢兩個，好多球員甚至係無份參與國際賽既都出現唔少唔集中、五五波爭輸等畫面，你有失誤時對面紐卡素唔係無失誤出現，只係你把握唔到而人地把握到，史達寧既罰球尚算短暫救左車路士一命，印象中佢射罰球既場面真係好少見；下半場紐卡素都唔搞咁多野直接用多啲高波轟你後防，橫掂知你地啲防守企位混亂，佢地亦的確好快收到成效，再加上施華既個人犯錯令比數瞬間變成到3-1，基本上車路士去到哩一刻都已經無力回天，而占士領後就更加可以話將場波放左入雪櫃。
整體來說，雙方喺各自出現傷員之下表現係有受到影響，不過紐卡素既戰意同鬥志都明顯喺車路士之上，球員們都有爭取三分既決心，反觀客隊實在出現太多失誤被對手把握，以哩個大比數敗走聖詹姆斯公園，被紐卡素狠狠地教訓了一課。
文章發表時間 : 26/11/2023 11:45
文章發表時間 : 26/11/2023 11:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
國際賽後作客聖詹姆斯公園，雖知道紐卡素近年都唔易食，今季要數到佢地聯賽喺主場輸波已經係八月對利物浦既事，不過車路士近態叫做有啲起息，連續對熱刺及曼城都有唔錯既表現，正當以為有力放手一搏，誰不知又黎一個出閘脫腳。
普捷天奴需要停賽成為座上客，而正選十一人中亦有新面孔，久病初癒既巴迪亞舒尼伙拍施華為中堅組合，相信好大程度都因為高維同迪沙斯各自有小傷在身需要並列後備，而左右閘方面繼續係古古尼亞以及占士，中場亦有烏高卓古再次以正選身份上陣，主要由於卡些度較遲歸隊體能未十足，而前者就拍於安素同加拉加為三中場，至於前場就依舊係積遜、史達寧以及龐馬為攻堅。
雖然雙方人腳都有唔少變動，紐卡素亦有唔少傷員未能上陣，不過兩隊都未有因而改變踢法，繼續維持高壓迫以及速度輸出，令全場波都出現唔少你一拳我一掌既互有攻守畫面，而論守轉攻的話，車路士今場波既問題並唔大，較大問題反而係出現左喺守果度，烏高卓古同巴迪亞舒尼兩者都成為亮點，前場啲補位、埋身搶截有八成時間都慢半拍，而後者狀態亦都完全未係果回事，由身體動作都見到佢完全跟唔上對手，兩者更加撞晒位引致第一個失波出現。
其實唔單止佢兩個，好多球員甚至係無份參與國際賽既都出現唔少唔集中、五五波爭輸等畫面，你有失誤時對面紐卡素唔係無失誤出現，只係你把握唔到而人地把握到，史達寧既罰球尚算短暫救左車路士一命，印象中佢射罰球既場面真係好少見；下半場紐卡素都唔搞咁多野直接用多啲高波轟你後防，橫掂知你地啲防守企位混亂，佢地亦的確好快收到成效，再加上施華既個人犯錯令比數瞬間變成到3-1，基本上車路士去到哩一刻都已經無力回天，而占士領後就更加可以話將場波放左入雪櫃。
整體來說，雙方喺各自出現傷員之下表現係有受到影響，不過紐卡素既戰意同鬥志都明顯喺車路士之上，球員們都有爭取三分既決心，反觀客隊實在出現太多失誤被對手把握，以哩個大比數敗走聖詹姆斯公園，被紐卡素狠狠地教訓了一課。
文章發表時間 : 26/11/2023 11:45
文章發表時間 : 26/11/2023 11:45
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊