《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
本身唔預期哩場波可以拎到分，最多都係坐輸望和，是因傷兵實在太多，前線同防線都各有正選球員傷停，都成為日唔睇好車路士既原因，最終以2-0擊敗對手，亦令哩場勝仗顯得格外珍貴。
積遜同古斯度停賽，捷維爾亦再一次加入傷兵之列，普捷天奴嘗試繼續保留上場盃賽對白禮頓時古古尼亞打右閘哩個安排，防線由左至右繼續係高維、施華以及迪沙斯，三中場亦都沿用加拉加、安素同卡些度，而左右翼就有梅迪歷以及取代史達寧既龐馬，箭頭位就有波查頂替積遜出任正選。
車路士搶佔主動反客為主，保持一貫踢法投入大量兵源做壓迫，前場亦多次成功搶截到富咸球員既傳送再進行反擊，三位中場球員定必係今場勝仗既關鍵，加拉加、安素以及卡些度三個愈見默契，後者為防線前屏障，而安素游走於攻守兩端以及保留適當自由度，加拉加就繼續擔任一個偏向playmaker既角色，三者之間既分工都睇到一條界線喺度。
與此同時龐馬亦成為球隊前場既解鎖者，擔任右翼既佢唔單純於邊路發展，佢會適時回後為後場提供接應點解困，更可以自己喺中路推進為隊友作關鍵傳送，你會發現龐馬好識得為自己製造空間，每當背向對手時佢會保持一個身位既距離再做盤扭，而對手亦好容易比佢兩下轉身動作玩弄，暫時睇到龐馬所擁有既特質都係球隊獨有，佢既發揮都會成為車路士今季成績既關鍵。
至於梅迪歷同波查既表現都漸見上力，兩者都各自有一個入球加強信心，前者既速度同推進都係邊線既利刃，但亦都好似早兩場咁講喺無論有球還是無球既走位都仲要落多啲苦功，好多時有球在腳明明條邊線任佢爆佢都傾向走入密側側既中路，反擊緊時又係走向中路同安素撞位都唔走番左邊既遠柱分散攻擊點，而波查老實說以長傷咁耐首場聯賽打正選既表現黎睇就點都合格有突，亦明顯地睇到佢同積遜喺打法上偏向一剛一柔，唔好忘記前者同時可以勝任右翼位置，未來同場既機會係的確存在。
下半場車路士亦顯然地收住黎踢，雖然防線受壓不過都能夠保持清白之身，山齊士同時交出一球傳送失誤及關鍵撲救，哩幾場佢啲個人失誤都係有運至唔洗失，而佢亦都有好幾下撲救至令球隊唔洗失，穩定性方面的確要加強；最後就講到古古尼亞，老實講如果唔係兩閘傷停球員咁多的話普捷天奴都未必用得著佢，始終古古尼亞喺標波方面實在難以給予球迷信心，標得中就英雄標唔中就成罪人，踢法加上一束頭無疑令人聯想起大衛雷斯，希望佢都能夠把握得到少有機會去表現出自己既價值改變球迷以及領隊觀感。
賽後普捷天奴講到波查並非受傷，而梅迪歷半場被換走亦問題不大，只係卡些度就仲要檢查先知傷勢如何，不過睇佢完場時可以自己行到希望無乜大礙，而下場將會同樣以作客身份迎戰般尼。
文章發表時間 : 3/10/2023 21:00
文章發表時間 : 3/10/2023 21:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
本身唔預期哩場波可以拎到分，最多都係坐輸望和，是因傷兵實在太多，前線同防線都各有正選球員傷停，都成為日唔睇好車路士既原因，最終以2-0擊敗對手，亦令哩場勝仗顯得格外珍貴。
積遜同古斯度停賽，捷維爾亦再一次加入傷兵之列，普捷天奴嘗試繼續保留上場盃賽對白禮頓時古古尼亞打右閘哩個安排，防線由左至右繼續係高維、施華以及迪沙斯，三中場亦都沿用加拉加、安素同卡些度，而左右翼就有梅迪歷以及取代史達寧既龐馬，箭頭位就有波查頂替積遜出任正選。
車路士搶佔主動反客為主，保持一貫踢法投入大量兵源做壓迫，前場亦多次成功搶截到富咸球員既傳送再進行反擊，三位中場球員定必係今場勝仗既關鍵，加拉加、安素以及卡些度三個愈見默契，後者為防線前屏障，而安素游走於攻守兩端以及保留適當自由度，加拉加就繼續擔任一個偏向playmaker既角色，三者之間既分工都睇到一條界線喺度。
與此同時龐馬亦成為球隊前場既解鎖者，擔任右翼既佢唔單純於邊路發展，佢會適時回後為後場提供接應點解困，更可以自己喺中路推進為隊友作關鍵傳送，你會發現龐馬好識得為自己製造空間，每當背向對手時佢會保持一個身位既距離再做盤扭，而對手亦好容易比佢兩下轉身動作玩弄，暫時睇到龐馬所擁有既特質都係球隊獨有，佢既發揮都會成為車路士今季成績既關鍵。
至於梅迪歷同波查既表現都漸見上力，兩者都各自有一個入球加強信心，前者既速度同推進都係邊線既利刃，但亦都好似早兩場咁講喺無論有球還是無球既走位都仲要落多啲苦功，好多時有球在腳明明條邊線任佢爆佢都傾向走入密側側既中路，反擊緊時又係走向中路同安素撞位都唔走番左邊既遠柱分散攻擊點，而波查老實說以長傷咁耐首場聯賽打正選既表現黎睇就點都合格有突，亦明顯地睇到佢同積遜喺打法上偏向一剛一柔，唔好忘記前者同時可以勝任右翼位置，未來同場既機會係的確存在。
下半場車路士亦顯然地收住黎踢，雖然防線受壓不過都能夠保持清白之身，山齊士同時交出一球傳送失誤及關鍵撲救，哩幾場佢啲個人失誤都係有運至唔洗失，而佢亦都有好幾下撲救至令球隊唔洗失，穩定性方面的確要加強；最後就講到古古尼亞，老實講如果唔係兩閘傷停球員咁多的話普捷天奴都未必用得著佢，始終古古尼亞喺標波方面實在難以給予球迷信心，標得中就英雄標唔中就成罪人，踢法加上一束頭無疑令人聯想起大衛雷斯，希望佢都能夠把握得到少有機會去表現出自己既價值改變球迷以及領隊觀感。
賽後普捷天奴講到波查並非受傷，而梅迪歷半場被換走亦問題不大，只係卡些度就仲要檢查先知傷勢如何，不過睇佢完場時可以自己行到希望無乜大礙，而下場將會同樣以作客身份迎戰般尼。
文章發表時間 : 3/10/2023 21:00
文章發表時間 : 3/10/2023 21:00
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊