《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
有球迷話三中堅陣式已經植入車路士擁有根深蒂固既地位，無論邊任領隊教都好只要一郁走三中堅球隊成績就自然向下走，反之亦然樸達近兩場勝仗都係轉番打三中堅，如果以玄學角度黎睇有時啲野就真係唔到你唔信，而從科學角度分析的話就都可以有跡可尋。
睇番車路士陣中可用既材料，後防其實至少比起往時已經豐富左唔少，試想像近年黎中堅位置就只有施華同魯迪加值得信賴，基斯甸臣、蘇馬等球員表現好壞參半，喺今季同時有科芬拿、巴迪亞舒尼加盟之下，兩者同是年輕而且具備潛力質素既中堅球員，雖然都需要時間累積實戰經驗，不過佢倆到哩一刻所交出黎既表現都已經喺合格線之上，個人黎講預期哩兩位球員會係未來陣中適合打雙中堅既組合人選，但講緊既係未來而唔會係依加發生既事。
主要因為球隊現時既狀態實在過於不穩，無論攻守兩端都各自出現唔少問題，對於兩位同樣新加盟既球員黎講貿然要佢地揹重飛絕對唔會係好事，加上球隊亦依然非常依賴施華哩位後防領袖人物，而如果單從攻守兩方面作選擇的話，二擇其一定必以執好防守止血為先，雖則對於樸達是否維持三中堅作為恆常使用仍需時間觀察，而球隊成績亦同時取決於捷維爾同列斯占士既個人表現，哩兩位英格蘭左右翼衛（閘）近年黎都受到唔少傷患困擾，基本上已經什少見到同場上陣，而喺佢地缺陣之下見到無論係右邊既艾斯派古達還是左邊既古古尼亞，都對球隊喺攻守兩端既輸出，老實講如果岩岩對多蒙特哩場波唔係兩者同時傷癒出得的話，相信歐聯早已提早畢業。
不過即使以三中堅陣式作為折衷方案，仍有唔少攻守轉換問題需要著手處理，再者雙中場應如何組合？包括高華錫與安素費南迪斯喺本質上既不咬弦，而後備席上亦有梅迪歷等年輕球員需要尋找上陣機會，一一都需要時間解決，樸達會做同可以做到幾多？仍有待觀察。
文章發表時間 : 10/3/2023 13:30
文章最後更新時間 : 10/3/2023 13:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
有球迷話三中堅陣式已經植入車路士擁有根深蒂固既地位，無論邊任領隊教都好只要一郁走三中堅球隊成績就自然向下走，反之亦然樸達近兩場勝仗都係轉番打三中堅，如果以玄學角度黎睇有時啲野就真係唔到你唔信，而從科學角度分析的話就都可以有跡可尋。
睇番車路士陣中可用既材料，後防其實至少比起往時已經豐富左唔少，試想像近年黎中堅位置就只有施華同魯迪加值得信賴，基斯甸臣、蘇馬等球員表現好壞參半，喺今季同時有科芬拿、巴迪亞舒尼加盟之下，兩者同是年輕而且具備潛力質素既中堅球員，雖然都需要時間累積實戰經驗，不過佢倆到哩一刻所交出黎既表現都已經喺合格線之上，個人黎講預期哩兩位球員會係未來陣中適合打雙中堅既組合人選，但講緊既係未來而唔會係依加發生既事。
主要因為球隊現時既狀態實在過於不穩，無論攻守兩端都各自出現唔少問題，對於兩位同樣新加盟既球員黎講貿然要佢地揹重飛絕對唔會係好事，加上球隊亦依然非常依賴施華哩位後防領袖人物，而如果單從攻守兩方面作選擇的話，二擇其一定必以執好防守止血為先，雖則對於樸達是否維持三中堅作為恆常使用仍需時間觀察，而球隊成績亦同時取決於捷維爾同列斯占士既個人表現，哩兩位英格蘭左右翼衛（閘）近年黎都受到唔少傷患困擾，基本上已經什少見到同場上陣，而喺佢地缺陣之下見到無論係右邊既艾斯派古達還是左邊既古古尼亞，都對球隊喺攻守兩端既輸出，老實講如果岩岩對多蒙特哩場波唔係兩者同時傷癒出得的話，相信歐聯早已提早畢業。
不過即使以三中堅陣式作為折衷方案，仍有唔少攻守轉換問題需要著手處理，再者雙中場應如何組合？包括高華錫與安素費南迪斯喺本質上既不咬弦，而後備席上亦有梅迪歷等年輕球員需要尋找上陣機會，一一都需要時間解決，樸達會做同可以做到幾多？仍有待觀察。
文章發表時間 : 10/3/2023 13:30
文章最後更新時間 : 10/3/2023 13:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊