《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
杜曹喺毫無先兆下黯然落台，事件可以話相當突發性，最令人傷感定必係一眾車迷，由歐聯冠軍再到制裁事件，杜曹帶領車路士經歷高峰過後亦一同共患難，正當以為成功易主後事件可以告一段落重新出發，誰不知遭受冷酷無情對待，無論點哩個時機都絕對唔係合適時間，連半季都唔比你又想杜曹做到幾多？
過去哩19個月，藍軍既走勢可以話經歷過高山低谷，杜曹接任林伯特主教練一職走馬上任，將車路士防線重新堅固起黎，除左喺聯賽排名開始止跌回升之外，歐聯戰線亦得到唔錯既結果，即使面對皇馬等大賽勁敵依然能踢出好表現，最終更加喺決賽憑住夏維斯既入球成功擊敗曼城，繼12/13賽季後再一次捧起「大耳朵」盃，再一次將車路士推至頂峰，但未有人諗到哩一刻既光輝背後亦係油王艾巴莫域治喺藍橋生捱既最後時光。
雖然車路士隨後亦得到歐洲超級盃以及史上首個世界冠軍球會盃，但隨即因為國際事件令油王遭到英國政府制裁，而藍軍貴為佢既資產一部份亦難逃一劫，艾巴莫域治被迫啟動球會易手程序，由招標再到篩選、洽談雖然整過過程都只係經歷左短短三四個月既時間，不過都相當影響到球隊喺聯賽同歐戰既成績，什至連歐聯作客既交通選項都受到掣肘，而杜曹哩一刻並無選擇離棄球會，更向外界指即使無飛機要駕駛七人車都一定會照去，哩一句話可以話觸動到唔少車迷，可見得藍軍真係比到佢一個家既感覺。
易主過後，新班主波利隨即進行多位高層人仕變動包括球會主席巴克（Bruce Buck）轉任為高級顧問，免除瑪蓮娜（Marina Granovskaia）一職，而同時施治經商議後都選擇離開車路士，杜曹頓時失去左兩位合作開既高層去為轉會窗作出部署，而佢亦需要承擔起一啲超出主教練範圍一職既工作，由以往只係同負責轉會窗工作既瑪蓮娜同施治洽談轉會目標比意見，變成依加需要直接面對球會新班主，而波利當然有自己既一套睇法，佢除左四出同各大名牌經理人交際接洽之外，亦有自己既數據團隊馬上為潛在球員進行分析，為杜曹推薦C朗以及加比爾捷西斯等但都被拒絕，兩者出現磨擦埋下伏線。
除左轉會步伐唔一致之外，新球主亦主動地希望透過會議同主教練多啲溝通，但杜曹認為會影響到佢喺教練範疇既工作，隨後更安排自己既經理人代為出席都令管理層感到不解；當然杜曹喺管理更衣室方面同樣出現問題，比起上任初期都缺少左同球員單對單溝通，導致雙方缺乏信任惹起部份球員不滿，令杜曹失去左更衣室方面既控制，球隊成績亦隨即出現下滑，近期都見到車路士喺一啲場次雖然全取三分，但過程並不順利而且場面打得都幾難睇。
外憂內患影響之下令杜曹最終都難逃落台厄運，當然佢亦有自己未必做得咁好既地方，但時間上係咪真係連半季時間都比唔到佢？而哩一刻選擇解雇杜曹既時機都令人有過橋抽板既感覺，講緊一個星期多啲之前先從巴塞簽入奧巴美揚，究竟波利心目中盤算緊啲咩？係一時之氣還是早有部署實在無從稽考，不過都令車迷們對佢既動作相當反感。
祝願杜曹將來一切順利，他日帶領其他球隊作客史丹福橋時亦定必得到全場掌聲。
文章發表時間 : 12/9/2022 11:05
文章最後更新時間 : 12/9/2022 11:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
杜曹喺毫無先兆下黯然落台，事件可以話相當突發性，最令人傷感定必係一眾車迷，由歐聯冠軍再到制裁事件，杜曹帶領車路士經歷高峰過後亦一同共患難，正當以為成功易主後事件可以告一段落重新出發，誰不知遭受冷酷無情對待，無論點哩個時機都絕對唔係合適時間，連半季都唔比你又想杜曹做到幾多？
過去哩19個月，藍軍既走勢可以話經歷過高山低谷，杜曹接任林伯特主教練一職走馬上任，將車路士防線重新堅固起黎，除左喺聯賽排名開始止跌回升之外，歐聯戰線亦得到唔錯既結果，即使面對皇馬等大賽勁敵依然能踢出好表現，最終更加喺決賽憑住夏維斯既入球成功擊敗曼城，繼12/13賽季後再一次捧起「大耳朵」盃，再一次將車路士推至頂峰，但未有人諗到哩一刻既光輝背後亦係油王艾巴莫域治喺藍橋生捱既最後時光。
雖然車路士隨後亦得到歐洲超級盃以及史上首個世界冠軍球會盃，但隨即因為國際事件令油王遭到英國政府制裁，而藍軍貴為佢既資產一部份亦難逃一劫，艾巴莫域治被迫啟動球會易手程序，由招標再到篩選、洽談雖然整過過程都只係經歷左短短三四個月既時間，不過都相當影響到球隊喺聯賽同歐戰既成績，什至連歐聯作客既交通選項都受到掣肘，而杜曹哩一刻並無選擇離棄球會，更向外界指即使無飛機要駕駛七人車都一定會照去，哩一句話可以話觸動到唔少車迷，可見得藍軍真係比到佢一個家既感覺。
易主過後，新班主波利隨即進行多位高層人仕變動包括球會主席巴克（Bruce Buck）轉任為高級顧問，免除瑪蓮娜（Marina Granovskaia）一職，而同時施治經商議後都選擇離開車路士，杜曹頓時失去左兩位合作開既高層去為轉會窗作出部署，而佢亦需要承擔起一啲超出主教練範圍一職既工作，由以往只係同負責轉會窗工作既瑪蓮娜同施治洽談轉會目標比意見，變成依加需要直接面對球會新班主，而波利當然有自己既一套睇法，佢除左四出同各大名牌經理人交際接洽之外，亦有自己既數據團隊馬上為潛在球員進行分析，為杜曹推薦C朗以及加比爾捷西斯等但都被拒絕，兩者出現磨擦埋下伏線。
除左轉會步伐唔一致之外，新球主亦主動地希望透過會議同主教練多啲溝通，但杜曹認為會影響到佢喺教練範疇既工作，隨後更安排自己既經理人代為出席都令管理層感到不解；當然杜曹喺管理更衣室方面同樣出現問題，比起上任初期都缺少左同球員單對單溝通，導致雙方缺乏信任惹起部份球員不滿，令杜曹失去左更衣室方面既控制，球隊成績亦隨即出現下滑，近期都見到車路士喺一啲場次雖然全取三分，但過程並不順利而且場面打得都幾難睇。
外憂內患影響之下令杜曹最終都難逃落台厄運，當然佢亦有自己未必做得咁好既地方，但時間上係咪真係連半季時間都比唔到佢？而哩一刻選擇解雇杜曹既時機都令人有過橋抽板既感覺，講緊一個星期多啲之前先從巴塞簽入奧巴美揚，究竟波利心目中盤算緊啲咩？係一時之氣還是早有部署實在無從稽考，不過都令車迷們對佢既動作相當反感。
祝願杜曹將來一切順利，他日帶領其他球隊作客史丹福橋時亦定必得到全場掌聲。
文章發表時間 : 12/9/2022 11:05
文章最後更新時間 : 12/9/2022 11:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊