《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
車路士喺今個轉會窗黎既人多走既人就更多，早已傳出波利上任後會大刀闊斧咁清人，當中巴克利、巴舒亞伊等都已經成功甩手，對比起以前管理層即使無人要都情願續留，什至硬塞比現任主帥用，波利既處理手法更合程理得多，至少唔會囤積過多人手只係練波用，倒比機會青訓球員仲好。
當中都想抽幾單離隊交易出黎同大家分享下，魯迪加同基斯甸臣既離開可以話係今個轉會窗最傷既地方，前者即時令後防缺少即戰力，後者令球會缺少左入帳收入，亦令車路士投放相當大資源於收購新後防球員身上，同時反映出舊有管理層操作上既不善，無疑令球隊招惹不必要損失；再者到馬高斯阿朗素既轉會，相當感激西班牙人過去哩六年為球隊所負出既功勞，干地令佢得到晉身豪門既機會，而佢亦把握得到時代變遷三中堅陣式既回歸，喺左翼衛哩個位置發光發亮，衝擊英超、歐冠、歐盃等一個個奬盃，最終因家族緣故選擇轉投巴塞是可以理解的，你永遠係車迷們心目中既「帶刀侍衞」。
而添姆雲拿既離隊亦係令筆者感到意外，初時預測會係佩利錫或薛耶治二選一離隊，奈何兩者都無法與潛在球會達成協議，而雲拿一心希望回歸德甲賽場為年尾世界盃作最好既準備，不惜願意減薪離隊轉投RB萊比錫，哩一點都係值得尊重，雖然佢喺史丹福橋既表現未必稱得上好亮眼，不過雲拿喺賽事中所投入既百二份努力係車迷們有眼見的，祝願你未來發展一切順利。
至於幾單外借離隊交易，盧卡古都唔會望可以再有機會返黎，即使點再學有所成都好佢都難以同史丹福橋一眾球迷交待；至於其餘幾單外借包括沙亞、巴巴拉文、安柏度等相信回歸機會都較細，偏向等完約或待價而沽居多，反而下季比較有機會見番既係奧岱，佢選擇外借到利華古遜一個球季操練狀態，而藍軍亦可選擇於一月啟動回收條款，希望佢可以喺德甲重拾未大傷之前既風彩。
艾馬臣成功得到韋斯咸以轉會費收留，巴克利最終成功解約，佢既同鄉真禾特亦完成合約以自由身離隊，巴舒亞伊喺轉投諾定咸森林失敗後都成功離隊加盟土超既費倫巴治，而堅尼地喺早前都確定轉會至西甲華拉度列，相反只餘下巴卡約高未有去向仍然待著於AC米蘭，但至少球會都清左絕大部份一直囤積於陣中而每季都經歷外借出走既球員，總算減低左唔少支出。
最後想講基摩亞，係大部份車迷們喺哩個轉會窗最為不解既交易，佢以€11.6M轉投白禮頓，最令大眾氣憤既係當中並無任何回購條款，而其實球員喺英超既發共並唔順利，上季外借到降班熱門諾域治打唔上主力位置，當然亦受到換帥加上球隊以搶分為先未必比到好多容錯空間基摩亞發揮，不過都睇到佢始終身形細小喺英超賽場上較為輸蝕，而杜曹喺季前熱身賽亦實在難以比到太多機會佢上陣，喺球員拒絕外借下只好比出售離開，相信喺白禮頓既流暢體系加上隊友有足夠既硬度保護下會有更好既成長機會，而車路士喺早前收購古古尼亞既交易中都將中堅新星高威爾（Levi Colwill）外借到「海鷗」當中。
下篇將會重點講車路士喺今個轉會窗既收購...
文章發表時間 : 3/9/2022 11:05
文章最後更新時間 : 3/9/2022 11:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
車路士喺今個轉會窗黎既人多走既人就更多，早已傳出波利上任後會大刀闊斧咁清人，當中巴克利、巴舒亞伊等都已經成功甩手，對比起以前管理層即使無人要都情願續留，什至硬塞比現任主帥用，波利既處理手法更合程理得多，至少唔會囤積過多人手只係練波用，倒比機會青訓球員仲好。
當中都想抽幾單離隊交易出黎同大家分享下，魯迪加同基斯甸臣既離開可以話係今個轉會窗最傷既地方，前者即時令後防缺少即戰力，後者令球會缺少左入帳收入，亦令車路士投放相當大資源於收購新後防球員身上，同時反映出舊有管理層操作上既不善，無疑令球隊招惹不必要損失；再者到馬高斯阿朗素既轉會，相當感激西班牙人過去哩六年為球隊所負出既功勞，干地令佢得到晉身豪門既機會，而佢亦把握得到時代變遷三中堅陣式既回歸，喺左翼衛哩個位置發光發亮，衝擊英超、歐冠、歐盃等一個個奬盃，最終因家族緣故選擇轉投巴塞是可以理解的，你永遠係車迷們心目中既「帶刀侍衞」。
而添姆雲拿既離隊亦係令筆者感到意外，初時預測會係佩利錫或薛耶治二選一離隊，奈何兩者都無法與潛在球會達成協議，而雲拿一心希望回歸德甲賽場為年尾世界盃作最好既準備，不惜願意減薪離隊轉投RB萊比錫，哩一點都係值得尊重，雖然佢喺史丹福橋既表現未必稱得上好亮眼，不過雲拿喺賽事中所投入既百二份努力係車迷們有眼見的，祝願你未來發展一切順利。
至於幾單外借離隊交易，盧卡古都唔會望可以再有機會返黎，即使點再學有所成都好佢都難以同史丹福橋一眾球迷交待；至於其餘幾單外借包括沙亞、巴巴拉文、安柏度等相信回歸機會都較細，偏向等完約或待價而沽居多，反而下季比較有機會見番既係奧岱，佢選擇外借到利華古遜一個球季操練狀態，而藍軍亦可選擇於一月啟動回收條款，希望佢可以喺德甲重拾未大傷之前既風彩。
艾馬臣成功得到韋斯咸以轉會費收留，巴克利最終成功解約，佢既同鄉真禾特亦完成合約以自由身離隊，巴舒亞伊喺轉投諾定咸森林失敗後都成功離隊加盟土超既費倫巴治，而堅尼地喺早前都確定轉會至西甲華拉度列，相反只餘下巴卡約高未有去向仍然待著於AC米蘭，但至少球會都清左絕大部份一直囤積於陣中而每季都經歷外借出走既球員，總算減低左唔少支出。
最後想講基摩亞，係大部份車迷們喺哩個轉會窗最為不解既交易，佢以€11.6M轉投白禮頓，最令大眾氣憤既係當中並無任何回購條款，而其實球員喺英超既發共並唔順利，上季外借到降班熱門諾域治打唔上主力位置，當然亦受到換帥加上球隊以搶分為先未必比到好多容錯空間基摩亞發揮，不過都睇到佢始終身形細小喺英超賽場上較為輸蝕，而杜曹喺季前熱身賽亦實在難以比到太多機會佢上陣，喺球員拒絕外借下只好比出售離開，相信喺白禮頓既流暢體系加上隊友有足夠既硬度保護下會有更好既成長機會，而車路士喺早前收購古古尼亞既交易中都將中堅新星高威爾（Levi Colwill）外借到「海鷗」當中。
下篇將會重點講車路士喺今個轉會窗既收購...
文章發表時間 : 3/9/2022 11:05
文章最後更新時間 : 3/9/2022 11:05
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊