《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
一早起身就有Good News，隊長艾斯比利古達終於同球會達成協議續約兩年，並親自回覆沙維拒絕巴塞隆拿既邀請選擇留隊，總算喺今個轉會窗被巴塞巧合地「狙擊」之下成功挽留陣中重要一員，對於哩一刻既車路士黎講可以話係一單比新收購更為高興既消息。
.
隊長哩單續約可以話拖足成個轉會窗咁制，唔單止阻礙到球員既備戰心態更影響到球隊更衣室既氣氛，但其實喺舊有管理層在任期間經已開始傾續約，早於上個賽季中段時間外界已傳出消息指藍軍提出1+1續約年期，當時一直都認為艾斯比利古達既續約情況會較樂觀，事關傳媒指隊長要求新約為期兩年，而過去車路士都有為大衛雷斯同韋利安開出兩年合約，二人同樣都係年過三十，同艾斯比利古達既情況相為類近，而後者既效力時間什至仲比起兩位巴西人更長。
在於球員角度無論係對自己職業生涯還是家庭而言，都希望可以喺黃昏之年得到較長遠而穩定既保証，兩年合約絕對會係優先選擇，而家鄉球會巴塞隆拿亦向其招手願意提供兩年合約年期，但當時藍軍舊有管理層一直無意喺續約事宜上作出妥協讓步，只堅持1+1續約條款，對於哩位西班牙「萬金油」黎講比較之下巴塞所提出既offer的確係一個相當吸引既選項，可以返回家鄉加上適應完全唔係問題。
相反喺新班主波利上任後願意為隊長提出兩年合約期，你可能會話球隊其實喺搵唔到代替人選之下唯有同艾斯比利古達續約，而同時巴塞亦要為註冊新球員一事需要得到更多時間，但波利都要排序處理收購、續約同出售球員等事宜，無論點都好球隊都願意為留低隊長而作出改變，相比於舊時管理層只能為年過三十球員開出1+1續約年期更為人性化。隊長已經喺車路長達十年係效力時間最長既球員，成功留隊能夠達到穩軍心作用，與施華等人為年輕球員分享經驗，亦能為右翼衛以右中堅提供多一個選擇。
.
艾斯比利古達總算無好似基斯甸臣咁離開得咁不快，最終選擇成為藍橋下一個傳奇，實在無言感激。
文章發表時間 : 5/8/2022 12:30文章最後更新時間 : 5/8/2022 12:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
一早起身就有Good News，隊長艾斯比利古達終於同球會達成協議續約兩年，並親自回覆沙維拒絕巴塞隆拿既邀請選擇留隊，總算喺今個轉會窗被巴塞巧合地「狙擊」之下成功挽留陣中重要一員，對於哩一刻既車路士黎講可以話係一單比新收購更為高興既消息。
.
隊長哩單續約可以話拖足成個轉會窗咁制，唔單止阻礙到球員既備戰心態更影響到球隊更衣室既氣氛，但其實喺舊有管理層在任期間經已開始傾續約，早於上個賽季中段時間外界已傳出消息指藍軍提出1+1續約年期，當時一直都認為艾斯比利古達既續約情況會較樂觀，事關傳媒指隊長要求新約為期兩年，而過去車路士都有為大衛雷斯同韋利安開出兩年合約，二人同樣都係年過三十，同艾斯比利古達既情況相為類近，而後者既效力時間什至仲比起兩位巴西人更長。
在於球員角度無論係對自己職業生涯還是家庭而言，都希望可以喺黃昏之年得到較長遠而穩定既保証，兩年合約絕對會係優先選擇，而家鄉球會巴塞隆拿亦向其招手願意提供兩年合約年期，但當時藍軍舊有管理層一直無意喺續約事宜上作出妥協讓步，只堅持1+1續約條款，對於哩位西班牙「萬金油」黎講比較之下巴塞所提出既offer的確係一個相當吸引既選項，可以返回家鄉加上適應完全唔係問題。
相反喺新班主波利上任後願意為隊長提出兩年合約期，你可能會話球隊其實喺搵唔到代替人選之下唯有同艾斯比利古達續約，而同時巴塞亦要為註冊新球員一事需要得到更多時間，但波利都要排序處理收購、續約同出售球員等事宜，無論點都好球隊都願意為留低隊長而作出改變，相比於舊時管理層只能為年過三十球員開出1+1續約年期更為人性化。隊長已經喺車路長達十年係效力時間最長既球員，成功留隊能夠達到穩軍心作用，與施華等人為年輕球員分享經驗，亦能為右翼衛以右中堅提供多一個選擇。
.
艾斯比利古達總算無好似基斯甸臣咁離開得咁不快，最終選擇成為藍橋下一個傳奇，實在無言感激。
文章發表時間 : 5/8/2022 12:30文章最後更新時間 : 5/8/2022 12:30
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊