《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
熱身賽大敗，論結果當然不好受，畢竟輸成四球咁多，不過另一邊箱都可以及早發現問題，至少哩一刻睇到藍軍上下都仲未準備好開季，無論轉會處理、更衣室氣氛以至球員體能狀態等...
睇正選名單時都推測杜曹以一個433陣式應戰，的確開賽後都見到藍衫球員既企位如推測一樣，不過有啲好奇既係前面三個既位置，杜曹先將史達寧放到左邊，雲拿置中以及夏維斯為右翼，但哩個擺位基本上未打已經自廢雙臂，夏維斯一早已經証明自己唔能夠打邊路，而雲拿亦無乜擔任陣地戰中鋒既特質，幾下set波都唔到位，而杜曹亦喺上半場中段將三人位置重新調配，由左至右分別係雲拿、夏維斯以及史達寧，咁究竟一開波果個排位係咩原因？
由三中堅變433，球隊明顯存在不適應，三線距離太遠，球員互相疊位，防線一拎波就要迎戰對手，而上半場車路士無論攻與守都偏向左路發展，但艾馬臣每次有球在腳都無人埋黎幫波，當加拉加回後幫手既時候前者就會選擇自己推上前長距離交波比中鋒，但都係失敗而回居多直接交出球權，哩個畫面基本上重複左好多次，係溝通問題未夾熟還是個別球員問題？定係有指示要佢地咁做？
同時睇到艾馬臣以及查路巴都仲未上得大枱，阿仙奴前場只要搵兩個球員夾埋去佢地其中一個度就已經輕易搶到皮球，都唔洗講啲咩技巧遮線同走位，只要一齊夾一齊迫就有，亦見得到車路士球員既體格上都未係最fit，五五波同人鬥撞鬥爭基本上都輸，相反阿仙奴就好似個個紅色箭咀向上咁，無論鬥心抑或身體狀態上經已高下立見，而藍軍後場抗壓不成，就更加唔洗止意前面果幾個會有供應，因為個波根本都運唔到上前場。
下半場杜曹嘗試喺433與442之間作出變換，不過效果並唔奏效，以藍軍角度場波少有亮點相信會係高列巴尼，變下落腳都相當準繩同果斷，左右腳用波都非常成熟，按推斷同觀察會係一個幾合適頂替魯迪加既人選；至於433哩個陣式喺哩一刻係一個新嘗試，但如果根據哩個藍圖為未來方向的話，藍軍就要加把勁喺餘下既轉會出再作針對性補充，至少即使喺中場仍然欠缺支撐起中軸線的一人。
文章發表時間 : 25/7/2022 13:10
文章最後更新時間 : 25/7/2022 13:10
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
熱身賽大敗，論結果當然不好受，畢竟輸成四球咁多，不過另一邊箱都可以及早發現問題，至少哩一刻睇到藍軍上下都仲未準備好開季，無論轉會處理、更衣室氣氛以至球員體能狀態等...
睇正選名單時都推測杜曹以一個433陣式應戰，的確開賽後都見到藍衫球員既企位如推測一樣，不過有啲好奇既係前面三個既位置，杜曹先將史達寧放到左邊，雲拿置中以及夏維斯為右翼，但哩個擺位基本上未打已經自廢雙臂，夏維斯一早已經証明自己唔能夠打邊路，而雲拿亦無乜擔任陣地戰中鋒既特質，幾下set波都唔到位，而杜曹亦喺上半場中段將三人位置重新調配，由左至右分別係雲拿、夏維斯以及史達寧，咁究竟一開波果個排位係咩原因？
由三中堅變433，球隊明顯存在不適應，三線距離太遠，球員互相疊位，防線一拎波就要迎戰對手，而上半場車路士無論攻與守都偏向左路發展，但艾馬臣每次有球在腳都無人埋黎幫波，當加拉加回後幫手既時候前者就會選擇自己推上前長距離交波比中鋒，但都係失敗而回居多直接交出球權，哩個畫面基本上重複左好多次，係溝通問題未夾熟還是個別球員問題？定係有指示要佢地咁做？
同時睇到艾馬臣以及查路巴都仲未上得大枱，阿仙奴前場只要搵兩個球員夾埋去佢地其中一個度就已經輕易搶到皮球，都唔洗講啲咩技巧遮線同走位，只要一齊夾一齊迫就有，亦見得到車路士球員既體格上都未係最fit，五五波同人鬥撞鬥爭基本上都輸，相反阿仙奴就好似個個紅色箭咀向上咁，無論鬥心抑或身體狀態上經已高下立見，而藍軍後場抗壓不成，就更加唔洗止意前面果幾個會有供應，因為個波根本都運唔到上前場。
下半場杜曹嘗試喺433與442之間作出變換，不過效果並唔奏效，以藍軍角度場波少有亮點相信會係高列巴尼，變下落腳都相當準繩同果斷，左右腳用波都非常成熟，按推斷同觀察會係一個幾合適頂替魯迪加既人選；至於433哩個陣式喺哩一刻係一個新嘗試，但如果根據哩個藍圖為未來方向的話，藍軍就要加把勁喺餘下既轉會出再作針對性補充，至少即使喺中場仍然欠缺支撐起中軸線的一人。
文章發表時間 : 25/7/2022 13:10
文章最後更新時間 : 25/7/2022 13:10
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊