《赫臣奧度爾慘被換上換?還是一切有跡可尋?》

BluexLion車迷手記 於 21/02/2021 發表 收藏文章
《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-


就赫臣奧度爾被換上換一事經已成為記者們所針對既話題,杜曹賽後亦解釋到球員上場後既態度並不積極,而就個人而言認為杜曹對赫臣奧度爾既期望係喺一個相當高既位置...

自杜曹上任後赫臣奧度爾參與賽事既次數同頻率都比起前領隊林伯特所帶領時有明顯提升,被安排以邊路攻擊球員什至以全新位置翼位登場,無論正選還是後備落場,其活力及跑動覆蓋的確能夠為注入新動力,亦係佢自前一季大傷以及早前確診武肺過後終於回復到高水平狀態。

今場波令人意外地出現換上換,翻睇重播時亦的確見到赫臣奧度爾喺好幾下接應時並無作出任何追波動作,尤其係位置上稍為遠些少既蒙特都有去追,而你後備落場選擇眼望企定,即使以攰為由亦講唔通,就算攰都理應係蒙特體能消耗比你更大,明顯喺心態上赫臣奧度爾喺今場賽時並不積極,亦合付杜曹所講既理由。

當然,之後被換入既薛耶治亦並無太大作為,但如果集中於赫臣奧度爾被換出一事,個人認為經已做到殺雞警猴既效果,杜曹就此確立鮮明既形象,即使你係後備落場只要唔符合應有標準,亦有必要被換走,而同時驅使赫臣奧度爾喺心態上需要進步,即使能力同天賦有幾咁資優,每場比賽都必需積極面對,以蒙特就係最佳既人版。

杜曹亦有指出今日既事就此完結,明天什至之後會重新開始,應對馬體會既賽事有機會會派赫臣奧度爾以正選上陣,相信杜曹向全隊表達既信息都相當清晰。


文章發表時間 : 21/02/2021 10:55
文章最後更新時間 : 21/02/2021 10:55

《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 車路士  杜曹  

留言


請按此登錄後留言。未成為會員? 立即註冊
    快捷鍵:←
    快捷鍵:→