《原創文章 歡迎轉載 請列明出處 謝謝》
-請支持藍獅 Facebook專頁-
車路士尋求新左閘球員一直都係公開既秘密，現於陣中既馬高斯阿朗素同艾馬臣都有一啲自身缺點無法切合得到林伯特既戰術需要，不過即使有新球員加盟，車路士亦唔可能同時間放走佢兩個，定必有一人能夠保留於陣中，而自復賽後林伯特既用人方向，相信留隊人選經已呼之欲出...
馬高斯阿朗素同艾馬臣都係干地時期所收購既球員，前者以左翼位角色於英超尋回一片天，更助車路士重奪英超冠軍，球員特性偏向攻強守弱，經常走到對手禁區位置尋找破門機會，再加上擁有左腳罰球既能力，而且身材高大，可於角球時爭頂破網，令佢即使以後防球員角色亦能獲得唔少入球機會，但與此同時正正由於佢經常壓上前線支援，回防速度緩慢既阿朗素所遺漏落黎既後防空間就需要其他隊友填補，亦令對手得到唔少反擊機會。
至於艾馬臣既加盟係干地執教第二季既收購黎，當時哩位意大利主帥力追阿歷士辛度（Alex Sandro），但由於車路士未能負擔昂貴既轉會費而放棄，退而求其次收購左同為巴西血統亦係喺意甲效力既艾馬臣返黎，不過就真係一分錢一分貨，艾馬臣並未獲歷任領隊重用，係叫做上季沙利用得算比較多，不過球員都因為傷患缺席左上半季既賽事；艾巴臣喺速度方面的確比起阿朗素優勝，不過喺攻守兩端既處理就始終都仲係相當一般，面對住啲較為纏繞既對手時就只能橫傳回後，而喺防守方面就主要以上身動作居多，但好多時都會被球証吹罰，感覺上即時過左三季時間亦未係好適應到英超咁。
而自復賽後阿朗素喺林伯特手中得到既機會比起艾馬臣為多，後者只係喺足總盃對李斯特城既賽事中上陣，其餘大部份場次連後備都無，而阿朗素比佢既上陣機會為多，仲要講緊球隊並唔係以三後衛陣式應戰，哩位擅於打左翼衛既球員係以左閘身份出場，比較之下經已高下立見。
對比下艾馬臣喺攻守兩端較為進退失據，而阿朗素雖然回防效率低但勝左喺進攻方面能夠為球隊殺出血路，再加上能夠以翼衛身份上場可容立即時陣式上既變化，佢的確比起艾馬臣更值得保留於陣中，而近日亦傳出舊帥干地所執教既國際米蘭有意將哩位巴藉意人再次帶到意甲賽場，如果車路士方面並唔執著於轉會費上既討價還價的話，相信艾馬臣既離開並唔難達成。
文章發表時間 : 21/07/2020 12:45
文章最後更新時間 : 21/07/2020 19:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
車路士尋求新左閘球員一直都係公開既秘密，現於陣中既馬高斯阿朗素同艾馬臣都有一啲自身缺點無法切合得到林伯特既戰術需要，不過即使有新球員加盟，車路士亦唔可能同時間放走佢兩個，定必有一人能夠保留於陣中，而自復賽後林伯特既用人方向，相信留隊人選經已呼之欲出...
馬高斯阿朗素同艾馬臣都係干地時期所收購既球員，前者以左翼位角色於英超尋回一片天，更助車路士重奪英超冠軍，球員特性偏向攻強守弱，經常走到對手禁區位置尋找破門機會，再加上擁有左腳罰球既能力，而且身材高大，可於角球時爭頂破網，令佢即使以後防球員角色亦能獲得唔少入球機會，但與此同時正正由於佢經常壓上前線支援，回防速度緩慢既阿朗素所遺漏落黎既後防空間就需要其他隊友填補，亦令對手得到唔少反擊機會。
至於艾馬臣既加盟係干地執教第二季既收購黎，當時哩位意大利主帥力追阿歷士辛度（Alex Sandro），但由於車路士未能負擔昂貴既轉會費而放棄，退而求其次收購左同為巴西血統亦係喺意甲效力既艾馬臣返黎，不過就真係一分錢一分貨，艾馬臣並未獲歷任領隊重用，係叫做上季沙利用得算比較多，不過球員都因為傷患缺席左上半季既賽事；艾巴臣喺速度方面的確比起阿朗素優勝，不過喺攻守兩端既處理就始終都仲係相當一般，面對住啲較為纏繞既對手時就只能橫傳回後，而喺防守方面就主要以上身動作居多，但好多時都會被球証吹罰，感覺上即時過左三季時間亦未係好適應到英超咁。
而自復賽後阿朗素喺林伯特手中得到既機會比起艾馬臣為多，後者只係喺足總盃對李斯特城既賽事中上陣，其餘大部份場次連後備都無，而阿朗素比佢既上陣機會為多，仲要講緊球隊並唔係以三後衛陣式應戰，哩位擅於打左翼衛既球員係以左閘身份出場，比較之下經已高下立見。
對比下艾馬臣喺攻守兩端較為進退失據，而阿朗素雖然回防效率低但勝左喺進攻方面能夠為球隊殺出血路，再加上能夠以翼衛身份上場可容立即時陣式上既變化，佢的確比起艾馬臣更值得保留於陣中，而近日亦傳出舊帥干地所執教既國際米蘭有意將哩位巴藉意人再次帶到意甲賽場，如果車路士方面並唔執著於轉會費上既討價還價的話，相信艾馬臣既離開並唔難達成。
文章發表時間 : 21/07/2020 12:45
文章最後更新時間 : 21/07/2020 19:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊