《原創文章 歡迎轉載 請列明出處 謝謝》
-請支持藍獅 Facebook專頁-
讓四大賽再次展開，喺車路士身後既李斯特城同曼聯相繼失分後，令藍軍經歷對錫菲聯既大敗後仍然福大命大地保持聯賽第三位置，今場面對住篤定降班既諾域治，喺半場領先一球下保持清白之身直到賽事完結全取三分，而進程中亦相當溫水煮蛙，不過總算喺作客晏菲路前先獲勝一場止血。
高華錫傷癒復出，林伯特除左繼續安排佐真奴打正選外亦派上路夫斯捷克為中場一員，先收起蒙特以及巴克利，而前場亦再次換入基奧特取代艾巴咸為正選，佩利錫及韋利安繼續維持左右翼鋒角色，至於後場就復用魯迪加同馬高斯阿朗素取代基斯甸臣及尼爾斯占士，另外右閘同中堅就繼續源用蘇馬同艾斯派古達，相比於上場大敗於錫菲聯既陣容上作出左唔少既人選調動。
場面上車路士為主控既一方，諾域治亦唔似得錫菲聯咁會進行過度迫搶，相反佢地主要將球員囤積於半場內，盡可能以人數優勢扣減比到藍軍進攻空間，不過老實講諾域治向車路士施壓場面就並唔多，喺哩個情況下林伯特就會比球隊相當大既耐性去終結哩場賽事。其實今場波都創造到唔少入球機會，雖然基奧特以一球靚頭槌協助球隊奠勝，不過講到佢浪費可以拋開比數既機會就真係一隻手都數唔哂，亦可以話貫徹左「銀河唯一」把握力偏弱既作風。
由於諾域治比較少利用衝擊力去針對車路士防線，令魯迪加同蘇馬相對受壓既情況亦好少出現，可以話比到藍軍既挑戰並唔多，而喺中場由守轉攻既工作上，由於今場波正選陣容上無左蒙特以及巴克利，令到策動攻勢方面可以全權交由佐真奴負責，雖然佢亦偶爾被好幾名對手夾擊而弄失控球權，不過喺有高華錫同時在場時的確令球隊喺中場區域有壓倒性既處理球權優勢喺度，相對之下路夫斯捷克自早前傷癒後復出表現就較為失色，單單比較狀態以及戰術上既運用依加既巴克利的確係會比佢好。
至於兩翼方面佩利錫同韋利安雖然暫停左入球，而喺上場都睇到兩者開始出現疲態，不過前者都依然維持到好表現，繼續透過跑動走位為球隊製造進攻機會，反觀後者近兩場就開始踢得較為保守，好多時隊友插上可以交個直線比佢地走時韋利安都選擇回後，而今場波喺仲有一個換人名額下林伯特都依然無安排韋利安提早離場休息，老實講以三字頭既佢黎講真係咩都比足你，但你都唔洗真係用到咁盡呀嘩。
黎緊將會到晏菲路作客利物浦，喺啱啱阿仙奴主勝應屆英超冠軍下，藍軍的確存在得分希望，同時寄望林伯特會維持哩條防線組合應戰，相比之下魯迪加拍蘇馬會係陣中較為能夠互補到同穩定既中堅組合，而中場亦相信會保留佐真奴同高華錫兩者，餘下位置就睇下佢會用巴克利還是蒙特打正選，希望最終都能夠力保不失，務求以坐一望三完成哩場硬仗。
文章發表時間 : 16/07/2020 10:55
文章最後更新時間 : 16/07/2020 10:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
讓四大賽再次展開，喺車路士身後既李斯特城同曼聯相繼失分後，令藍軍經歷對錫菲聯既大敗後仍然福大命大地保持聯賽第三位置，今場面對住篤定降班既諾域治，喺半場領先一球下保持清白之身直到賽事完結全取三分，而進程中亦相當溫水煮蛙，不過總算喺作客晏菲路前先獲勝一場止血。
高華錫傷癒復出，林伯特除左繼續安排佐真奴打正選外亦派上路夫斯捷克為中場一員，先收起蒙特以及巴克利，而前場亦再次換入基奧特取代艾巴咸為正選，佩利錫及韋利安繼續維持左右翼鋒角色，至於後場就復用魯迪加同馬高斯阿朗素取代基斯甸臣及尼爾斯占士，另外右閘同中堅就繼續源用蘇馬同艾斯派古達，相比於上場大敗於錫菲聯既陣容上作出左唔少既人選調動。
場面上車路士為主控既一方，諾域治亦唔似得錫菲聯咁會進行過度迫搶，相反佢地主要將球員囤積於半場內，盡可能以人數優勢扣減比到藍軍進攻空間，不過老實講諾域治向車路士施壓場面就並唔多，喺哩個情況下林伯特就會比球隊相當大既耐性去終結哩場賽事。其實今場波都創造到唔少入球機會，雖然基奧特以一球靚頭槌協助球隊奠勝，不過講到佢浪費可以拋開比數既機會就真係一隻手都數唔哂，亦可以話貫徹左「銀河唯一」把握力偏弱既作風。
由於諾域治比較少利用衝擊力去針對車路士防線，令魯迪加同蘇馬相對受壓既情況亦好少出現，可以話比到藍軍既挑戰並唔多，而喺中場由守轉攻既工作上，由於今場波正選陣容上無左蒙特以及巴克利，令到策動攻勢方面可以全權交由佐真奴負責，雖然佢亦偶爾被好幾名對手夾擊而弄失控球權，不過喺有高華錫同時在場時的確令球隊喺中場區域有壓倒性既處理球權優勢喺度，相對之下路夫斯捷克自早前傷癒後復出表現就較為失色，單單比較狀態以及戰術上既運用依加既巴克利的確係會比佢好。
至於兩翼方面佩利錫同韋利安雖然暫停左入球，而喺上場都睇到兩者開始出現疲態，不過前者都依然維持到好表現，繼續透過跑動走位為球隊製造進攻機會，反觀後者近兩場就開始踢得較為保守，好多時隊友插上可以交個直線比佢地走時韋利安都選擇回後，而今場波喺仲有一個換人名額下林伯特都依然無安排韋利安提早離場休息，老實講以三字頭既佢黎講真係咩都比足你，但你都唔洗真係用到咁盡呀嘩。
黎緊將會到晏菲路作客利物浦，喺啱啱阿仙奴主勝應屆英超冠軍下，藍軍的確存在得分希望，同時寄望林伯特會維持哩條防線組合應戰，相比之下魯迪加拍蘇馬會係陣中較為能夠互補到同穩定既中堅組合，而中場亦相信會保留佐真奴同高華錫兩者，餘下位置就睇下佢會用巴克利還是蒙特打正選，希望最終都能夠力保不失，務求以坐一望三完成哩場硬仗。
文章發表時間 : 16/07/2020 10:55
文章最後更新時間 : 16/07/2020 10:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊