《原創文章 歡迎轉載 請列明出處 謝謝》
-請支持藍獅 Facebook專頁-
歐國盃延後一年，對於一眾今季受重創既球員當然係好消息，而對尚係二字頭既球員亦無乜太大影響，但對於一班老將黎講就唔係咁睇，喺年紀再大一年之下下季要再保持狀態就只會更難，而大前題係仲要球會繼續比到出場機會佢先得，而基奧特就係當中最處於兩難局面既例子。
貴為應屆世界盃冠軍成員，「銀河唯一」喺法國國家隊既地位可以話舉足輕重，雖然論星味不及麥巴比、基沙文以及普巴等人，但基奧特喺主帥迪甘斯為法國隊所打造既戰術體系下既地位可以話非常重要，一個唔識入波既前鋒，擁有強大既戰術效益，雖然跑動覆蓋面同速度不足，不過基奧特善於對抗以及二傳，哩兩點足以令身邊既麥巴比同基沙文踢得更為輕鬆，只需要專注於接應二傳，完成後續工作。
基奧特既職能看似簡單，但當今球壇能夠做得到既球員並唔多，所以「銀河唯一」既戰術地位一直被唔少球迷看輕，只睇重於佢入球數字就當作結果，而如果迪甘斯繼續依照奪取世界盃既戰術藍圖的話，基奧特既狀態足以影響到法國國家隊既成績，亦係迪甘斯今季多次開腔希望基奧特離開車路士既主因，後者自林伯特上任後經歷喺史丹福橋遇過最壞既情況，上陣時間比起上季沙利所執教時更為惡劣。
林伯特明顯側重於選用艾巴咸為球隊首席前鋒，而基奧特就只能同巴舒亞伊在後備席上輪換，無疑令到法國人希望能夠喺冬季轉會窗離開藍橋，奈何球會未能如期搵到合適替代人選，引致基奧特轉投到國際米蘭既轉會告吹而終，不過自踏入二月後，艾巴咸等年輕主力相繼受傷，基奧特同柏度兩位老將臨危受命以正選出戰，亦明顯地睇到老將們依然能夠保持一定競爭力，表現絕不比後生果輩差，亦無疑能夠改變林伯特對於老將們既使用頻率。
歐國盃延後已成事實，以基奧特依加既能力相信延期並無阻到佢能夠繼續為國效力既決心，始終歐國盃會係佢職業生涯中最後一個為法國競逐既國家級賽事，但同今季既處境一樣需要確保喺球會有穩定既上陣機會至可以保持狀態爭取入選機會，而基奧特同車路士既合約亦將於本賽季結束後到期，近日既表現的確能增加法國人獲得新合約既籌碼，但即使下季留隊林伯特喺艾巴咸無傷無病既情況下能唔能夠仲保持到一定上陣時間比基奧特亦係未知之數，而同樣地如果選擇轉會球員亦要面對重新適應等問題，「銀河唯一」可以話處於兩難處境當中。
球員有一度開腔指留喺史丹福橋依然會係佢自己既首選，而車路士既球迷們當然希望基奧特能夠繼續留隊，始終喺現今球壇要搵到一個具實力而又係做Plan B既球員亦唔係咁容易，難得地法國人會係其中一個罕有既選擇，如果咁都唔續而比佢離開的話，只能夠講車路士實在...生在福中...不知福...
文章發表時間 : 18/03/2019 14:15
文章最後更新時間 :18/03/2019 14:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
歐國盃延後一年，對於一眾今季受重創既球員當然係好消息，而對尚係二字頭既球員亦無乜太大影響，但對於一班老將黎講就唔係咁睇，喺年紀再大一年之下下季要再保持狀態就只會更難，而大前題係仲要球會繼續比到出場機會佢先得，而基奧特就係當中最處於兩難局面既例子。
貴為應屆世界盃冠軍成員，「銀河唯一」喺法國國家隊既地位可以話舉足輕重，雖然論星味不及麥巴比、基沙文以及普巴等人，但基奧特喺主帥迪甘斯為法國隊所打造既戰術體系下既地位可以話非常重要，一個唔識入波既前鋒，擁有強大既戰術效益，雖然跑動覆蓋面同速度不足，不過基奧特善於對抗以及二傳，哩兩點足以令身邊既麥巴比同基沙文踢得更為輕鬆，只需要專注於接應二傳，完成後續工作。
基奧特既職能看似簡單，但當今球壇能夠做得到既球員並唔多，所以「銀河唯一」既戰術地位一直被唔少球迷看輕，只睇重於佢入球數字就當作結果，而如果迪甘斯繼續依照奪取世界盃既戰術藍圖的話，基奧特既狀態足以影響到法國國家隊既成績，亦係迪甘斯今季多次開腔希望基奧特離開車路士既主因，後者自林伯特上任後經歷喺史丹福橋遇過最壞既情況，上陣時間比起上季沙利所執教時更為惡劣。
林伯特明顯側重於選用艾巴咸為球隊首席前鋒，而基奧特就只能同巴舒亞伊在後備席上輪換，無疑令到法國人希望能夠喺冬季轉會窗離開藍橋，奈何球會未能如期搵到合適替代人選，引致基奧特轉投到國際米蘭既轉會告吹而終，不過自踏入二月後，艾巴咸等年輕主力相繼受傷，基奧特同柏度兩位老將臨危受命以正選出戰，亦明顯地睇到老將們依然能夠保持一定競爭力，表現絕不比後生果輩差，亦無疑能夠改變林伯特對於老將們既使用頻率。
歐國盃延後已成事實，以基奧特依加既能力相信延期並無阻到佢能夠繼續為國效力既決心，始終歐國盃會係佢職業生涯中最後一個為法國競逐既國家級賽事，但同今季既處境一樣需要確保喺球會有穩定既上陣機會至可以保持狀態爭取入選機會，而基奧特同車路士既合約亦將於本賽季結束後到期，近日既表現的確能增加法國人獲得新合約既籌碼，但即使下季留隊林伯特喺艾巴咸無傷無病既情況下能唔能夠仲保持到一定上陣時間比基奧特亦係未知之數，而同樣地如果選擇轉會球員亦要面對重新適應等問題，「銀河唯一」可以話處於兩難處境當中。
球員有一度開腔指留喺史丹福橋依然會係佢自己既首選，而車路士既球迷們當然希望基奧特能夠繼續留隊，始終喺現今球壇要搵到一個具實力而又係做Plan B既球員亦唔係咁容易，難得地法國人會係其中一個罕有既選擇，如果咁都唔續而比佢離開的話，只能夠講車路士實在...生在福中...不知福...
文章發表時間 : 18/03/2019 14:15
文章最後更新時間 :18/03/2019 14:15
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊