《原創文章 歡迎轉載 請列明出處 謝謝》
-請支持藍獅 Facebook專頁-
延續左兩場「不失球」紀錄，又再一次被打破，喺四球既優勢下尾段被對手連入兩球追近比數，絕對係一件氣憤既事，車路士雖然依然繼續保持不敗之身，但前線總有啞火一日，如果防守依然難以保持穩定水平的話，總有機會全失三分，一齊討論一下依加既車路士防線仲可以提升既空間。
無疑喺缺少左魯迪加、簡迪既前題下，加上季初放走大衛雷斯，令藍軍既防線一下子缺少左三位向來都非常重要之人，唔少球迷當然認為喺傷兵復出後防務就會有所改善，但自季初起魯迪加同簡迪都經常性受傷患困擾，兩者都同樣有一啲舊患難以斷尾，而後者更因為過去幾季既嚴重透支而引致傷患反反覆覆，簡迪黎緊都就黎廿九歲，以佢哩種打法如果仲想打多幾年的話就真係要「錫住用」。
既然唔能夠過份依賴佢地，就開始有補充收購既念頭，早前其實外界都有傳出車路士有意就轉會禁令再次提出上訴，希望減一半禁令期限能夠比到球會喺黎緊哩個冬季轉會窗買到人，而頭號目標就係早幾季放走左去般尼茅夫既自家青訓艾基，雖然上訴機會相信都微乎其微，不過艾基都不失為一個好選擇，據報當年球會喺轉會合同當中加入左一條四千萬鎊既回購條款，而球員經歷過哩幾季都已經用表現証明自己能夠立足於英超，再加上為荷蘭大國腳一員，以哩個價錢作出回購其實絕對唔算貴。
當然，上面所講既野會唔會發生一切都係未知之數，正所謂遠水不能救近火，依加點都要用返哩個班底黎解決燃眉之急，雖然基斯甸臣自國際賽期後依然有傷在身，不過林伯特既四人防線首選相信都已經定左落黎，至少大部份主帥都唔會貿然改變自己既「勝利十一人」，而球迷對於蘇馬同湯姆利兩者既表現都較偏向負評之中，個人認為始終兩者今季都係第一次夾，尤其係湯姆利更加係第一季坐正打英超，如果單係以開季至今只係差唔多兩個月既時間就去作出判定實在係有啲唔公平，至少都應該以一整個賽季去睇，對比番季初同季尾之間既表現差別至可以睇到一個球員有冇得到適量既進步。
而其實今季防線既情況同早幾年干地所接手果季好相近，唔知球迷們仲記唔記得，當季季初既防線亦都係非常容易被對手打穿，對比果對組合大衛雷斯同加利卡希爾，可能喺進攻戰術上既效益係大過依加，但兩者都嚴重欠缺速度，至少我地依加蘇馬同湯姆利都後生追得下人，當年干地就利用三後衛陣式扭轉乾坤，最終車路士更加成為應屆英超冠軍，而睇番林伯特今季其實都有喺歐聯對華倫西亞、里爾以及聯賽對狼隊果陣用過三後衛陣式。
陣式上可以進一步鞏固後防線提升控球率，亦能避免太多大上大落既場面而導致球員過早出現體能消耗過剩既問題，加上喺尼爾斯占士哩位小將既復出之下可以將艾斯派古達收番入中間作右中堅咁用，面對住一啲主攻力較強既對手時都叫做有兩手牌準備，至少後防唔洗輸得咁甘下。當然，陣式上既轉變唔單止係喺訓練中所吸收咁簡單，更重要既係臨場演練，所以就要睇下林伯特自己黎緊點樣取捨。
個人認為喺佢仲有「青春風暴」哩個背景之下，球迷們對於林伯特今季既目標同期望相信都唔係話要衝擊啲咩冠軍同奬盃，喺哩個前題底下其實倒不如繼續嘗試專心一意用盡隊內所有人，與其花時間去搞啲咩上訴倒不如比時間去讓蘇馬同湯姆利果幾個成長，每支球隊既球迷都絕對樂見自家青訓球員既進步，尤其係車路士既球迷都唔想再見到沙拿、迪布尼等事件再次出現。
既然都因禁令而一改作風，不如就讓作風繼續改變下去...
文章發表時間 : 28/10/2019 13:20
文章最後更新時間 : 28/10/2019 13:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
延續左兩場「不失球」紀錄，又再一次被打破，喺四球既優勢下尾段被對手連入兩球追近比數，絕對係一件氣憤既事，車路士雖然依然繼續保持不敗之身，但前線總有啞火一日，如果防守依然難以保持穩定水平的話，總有機會全失三分，一齊討論一下依加既車路士防線仲可以提升既空間。
無疑喺缺少左魯迪加、簡迪既前題下，加上季初放走大衛雷斯，令藍軍既防線一下子缺少左三位向來都非常重要之人，唔少球迷當然認為喺傷兵復出後防務就會有所改善，但自季初起魯迪加同簡迪都經常性受傷患困擾，兩者都同樣有一啲舊患難以斷尾，而後者更因為過去幾季既嚴重透支而引致傷患反反覆覆，簡迪黎緊都就黎廿九歲，以佢哩種打法如果仲想打多幾年的話就真係要「錫住用」。
既然唔能夠過份依賴佢地，就開始有補充收購既念頭，早前其實外界都有傳出車路士有意就轉會禁令再次提出上訴，希望減一半禁令期限能夠比到球會喺黎緊哩個冬季轉會窗買到人，而頭號目標就係早幾季放走左去般尼茅夫既自家青訓艾基，雖然上訴機會相信都微乎其微，不過艾基都不失為一個好選擇，據報當年球會喺轉會合同當中加入左一條四千萬鎊既回購條款，而球員經歷過哩幾季都已經用表現証明自己能夠立足於英超，再加上為荷蘭大國腳一員，以哩個價錢作出回購其實絕對唔算貴。
當然，上面所講既野會唔會發生一切都係未知之數，正所謂遠水不能救近火，依加點都要用返哩個班底黎解決燃眉之急，雖然基斯甸臣自國際賽期後依然有傷在身，不過林伯特既四人防線首選相信都已經定左落黎，至少大部份主帥都唔會貿然改變自己既「勝利十一人」，而球迷對於蘇馬同湯姆利兩者既表現都較偏向負評之中，個人認為始終兩者今季都係第一次夾，尤其係湯姆利更加係第一季坐正打英超，如果單係以開季至今只係差唔多兩個月既時間就去作出判定實在係有啲唔公平，至少都應該以一整個賽季去睇，對比番季初同季尾之間既表現差別至可以睇到一個球員有冇得到適量既進步。
而其實今季防線既情況同早幾年干地所接手果季好相近，唔知球迷們仲記唔記得，當季季初既防線亦都係非常容易被對手打穿，對比果對組合大衛雷斯同加利卡希爾，可能喺進攻戰術上既效益係大過依加，但兩者都嚴重欠缺速度，至少我地依加蘇馬同湯姆利都後生追得下人，當年干地就利用三後衛陣式扭轉乾坤，最終車路士更加成為應屆英超冠軍，而睇番林伯特今季其實都有喺歐聯對華倫西亞、里爾以及聯賽對狼隊果陣用過三後衛陣式。
陣式上可以進一步鞏固後防線提升控球率，亦能避免太多大上大落既場面而導致球員過早出現體能消耗過剩既問題，加上喺尼爾斯占士哩位小將既復出之下可以將艾斯派古達收番入中間作右中堅咁用，面對住一啲主攻力較強既對手時都叫做有兩手牌準備，至少後防唔洗輸得咁甘下。當然，陣式上既轉變唔單止係喺訓練中所吸收咁簡單，更重要既係臨場演練，所以就要睇下林伯特自己黎緊點樣取捨。
個人認為喺佢仲有「青春風暴」哩個背景之下，球迷們對於林伯特今季既目標同期望相信都唔係話要衝擊啲咩冠軍同奬盃，喺哩個前題底下其實倒不如繼續嘗試專心一意用盡隊內所有人，與其花時間去搞啲咩上訴倒不如比時間去讓蘇馬同湯姆利果幾個成長，每支球隊既球迷都絕對樂見自家青訓球員既進步，尤其係車路士既球迷都唔想再見到沙拿、迪布尼等事件再次出現。
既然都因禁令而一改作風，不如就讓作風繼續改變下去...
文章發表時間 : 28/10/2019 13:20
文章最後更新時間 : 28/10/2019 13:20
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊