《原創文章 歡迎轉載 請列明出處 謝謝》
-請支持藍獅 Facebook專頁-
有唔少曾經效力過車路士既球員輾轉都喺各支英超球隊立足，盧卡古、沙拿、迪布尼、馬達等，而今日要講哩一位相信係比較不受注目既那一位，但佢正正係對上一個能夠立足喺藍軍前線既英格蘭人，應屆歐洲冠軍成員，將會離開利物浦既史杜列治。
出生於球員世家，史杜列治既父親同舅父都係司職前鋒既職業足球員，喺哩個環境成長下既佢亦立定決心將來亦要成為一位出色正中鋒，先後加入過吉百利體育會、阿士東維拉及高雲地利成為青年軍，由於當時表現出色以及擁有發展潛力，最終被英超球會曼城以三萬鎊培養費買斷，喺曼徹斯特市渡過左佢成長當中既六年時光，可以話獲益良多。
對於當時既史杜列治黎講，曼城可以話成為咗佢另一個既家，但佢最終亦選擇離家出走，加盟另一支英超列強車路士，當中主要原因係因為當時既曼城經已成為富豪球會之一，而陣中能夠擔任前鋒既人數高達八人，仲係年青既史杜列治清楚自己實力係去到邊，即使以其他攻擊位置上陣既機會亦唔會多，哩個時候車路士開出合約，加上藍軍經已答應會有一定上陣機會，以一個年青球員嚟講冇嘢會比上陣機會更重要，史杜列治當時選擇離開亦屬情有可原。
喺史丹福橋哩四年間，史杜列治上共為藍軍喺各項賽事上陣九十六場，攻入廿四球，得到嘅奬盃包括英超冠軍、足總盃冠軍以至歐冠盃冠軍，更令佢晉身成為英格蘭國家隊，一嘗大國腳滋味，實現咗母親嘅夢想。但喺背後史杜列治似乎過得並唔開心，藍軍主要安排佢以翼鋒位置上陣，由於當時車路士有傳奇杜奧巴同浪子安歷卡坐擁正中鋒位置，加上後來費蘭度托利斯由利物浦轉投加入競爭，史杜列治並唔能夠如願以償擔任前鋒，佢亦選擇離開加盟另一支勁旅利物浦。
今日，佢再一次榮登歐洲冠軍成員之一，再度一嘗捧起「大耳朵盃」既滋味，成為兩奪歐冠既英格蘭人。由當日既黃毛小子，到今年都經已二十有九，史杜列治亦再一次為佢既職業生涯作出選擇，官方宣佈離開利物浦，下一站會繼續英超之旅？還是離開熟悉既英國球壇尋求新挑戰？相信結果好快會揭盅。
文章發表時間 : 06/06/2019 15:45
文章最後更新時間 : 06/06/2019 15:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
有唔少曾經效力過車路士既球員輾轉都喺各支英超球隊立足，盧卡古、沙拿、迪布尼、馬達等，而今日要講哩一位相信係比較不受注目既那一位，但佢正正係對上一個能夠立足喺藍軍前線既英格蘭人，應屆歐洲冠軍成員，將會離開利物浦既史杜列治。
出生於球員世家，史杜列治既父親同舅父都係司職前鋒既職業足球員，喺哩個環境成長下既佢亦立定決心將來亦要成為一位出色正中鋒，先後加入過吉百利體育會、阿士東維拉及高雲地利成為青年軍，由於當時表現出色以及擁有發展潛力，最終被英超球會曼城以三萬鎊培養費買斷，喺曼徹斯特市渡過左佢成長當中既六年時光，可以話獲益良多。
對於當時既史杜列治黎講，曼城可以話成為咗佢另一個既家，但佢最終亦選擇離家出走，加盟另一支英超列強車路士，當中主要原因係因為當時既曼城經已成為富豪球會之一，而陣中能夠擔任前鋒既人數高達八人，仲係年青既史杜列治清楚自己實力係去到邊，即使以其他攻擊位置上陣既機會亦唔會多，哩個時候車路士開出合約，加上藍軍經已答應會有一定上陣機會，以一個年青球員嚟講冇嘢會比上陣機會更重要，史杜列治當時選擇離開亦屬情有可原。
喺史丹福橋哩四年間，史杜列治上共為藍軍喺各項賽事上陣九十六場，攻入廿四球，得到嘅奬盃包括英超冠軍、足總盃冠軍以至歐冠盃冠軍，更令佢晉身成為英格蘭國家隊，一嘗大國腳滋味，實現咗母親嘅夢想。但喺背後史杜列治似乎過得並唔開心，藍軍主要安排佢以翼鋒位置上陣，由於當時車路士有傳奇杜奧巴同浪子安歷卡坐擁正中鋒位置，加上後來費蘭度托利斯由利物浦轉投加入競爭，史杜列治並唔能夠如願以償擔任前鋒，佢亦選擇離開加盟另一支勁旅利物浦。
今日，佢再一次榮登歐洲冠軍成員之一，再度一嘗捧起「大耳朵盃」既滋味，成為兩奪歐冠既英格蘭人。由當日既黃毛小子，到今年都經已二十有九，史杜列治亦再一次為佢既職業生涯作出選擇，官方宣佈離開利物浦，下一站會繼續英超之旅？還是離開熟悉既英國球壇尋求新挑戰？相信結果好快會揭盅。
文章發表時間 : 06/06/2019 15:45
文章最後更新時間 : 06/06/2019 15:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊