《原創文章 歡迎轉載 請列明出處 謝謝》
-請支持藍獅 Facebook專頁-
兩年前，加利卡希爾以本土英人身份接過「傳奇隊長」泰利既臂章，成為車路士新任隊長，想不到經過兩年時間後卡希爾亦宣告離隊，有唔少藍軍球迷都認為卡希爾並非一個稱職既隊長，論領導能力當然不及泰利，但無功都有勞，佢咁多年為車路士所奪既奬盃都付出左唔少，其實亦絕對值得大家多一分尊重。
今季換帥後，沙利馬上確立左大衛雷斯喺後防嘅領導地位，但同時亦有指出藍軍嘅後防球員質素未係最好，因而要求管理層收購祖雲達斯後衛魯加尼，可惜沙利心中嘅如意算盤並唔能夠打響，車路士一直在收購價上討價還價，最終導致轉會告吹。而睇返今季嘅中堅人腳，先後有蘇馬同卡拉斯外借離隊，淨返喺度嘅人手就只係得卡希爾、大衛雷斯、魯迪加同基斯甸臣四位。
論資歷，卡希爾同大衛雷斯必定係最豐富既兩位，由12年起一齊合作為球隊勇奪歐聯，再到英超等等一個個奬盃，但論場上功能卡希爾的確比「爆炸頭」單調，前者屬英格蘭典型中堅，善於身體對抗以及高空爭頂，不過腳下技術粗糙，而且思路簡單未必能夠配合較複雜既戰術體系，主要以「包波」同「清波」為主。反而大衛雷斯較善於發動攻勢，喺兩者能力上都唔差得遠之下擁有哩項能力可以話成為左沙利選擇巴西人為正選既主要原因。
而卡希爾亦知道自己不受重用，季中的確有消息傳出佢會離隊他投，但在於富咸與球員之間喺週薪上未能達致共識而告吹，同時喺果段時間車路士喺成績上亦有倒退及失利跡象，引致外界傳出沙利帥位出現不穩情況，有消息指卡希爾希望易帥能夠為佢喺藍軍既職業生涯出現轉機。當然，最終依加沙利依然繼續帶領球隊，但經歷哩一季兩人之間既不咬弦相信都經已「畫出腸」。
無論如何卡希爾都總算係球隊功臣之一，見証住當日歐冠陣容又少一人難免令人傷感，希望卡希爾黎緊能夠搵到一間球會繼續享受足球生涯，退役後再回歸車路士擔任一官半職。
文章發表時間 : 06/05/2019 15:25
文章最後更新時間 : 06/05/2019 15:25
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
兩年前，加利卡希爾以本土英人身份接過「傳奇隊長」泰利既臂章，成為車路士新任隊長，想不到經過兩年時間後卡希爾亦宣告離隊，有唔少藍軍球迷都認為卡希爾並非一個稱職既隊長，論領導能力當然不及泰利，但無功都有勞，佢咁多年為車路士所奪既奬盃都付出左唔少，其實亦絕對值得大家多一分尊重。
今季換帥後，沙利馬上確立左大衛雷斯喺後防嘅領導地位，但同時亦有指出藍軍嘅後防球員質素未係最好，因而要求管理層收購祖雲達斯後衛魯加尼，可惜沙利心中嘅如意算盤並唔能夠打響，車路士一直在收購價上討價還價，最終導致轉會告吹。而睇返今季嘅中堅人腳，先後有蘇馬同卡拉斯外借離隊，淨返喺度嘅人手就只係得卡希爾、大衛雷斯、魯迪加同基斯甸臣四位。
論資歷，卡希爾同大衛雷斯必定係最豐富既兩位，由12年起一齊合作為球隊勇奪歐聯，再到英超等等一個個奬盃，但論場上功能卡希爾的確比「爆炸頭」單調，前者屬英格蘭典型中堅，善於身體對抗以及高空爭頂，不過腳下技術粗糙，而且思路簡單未必能夠配合較複雜既戰術體系，主要以「包波」同「清波」為主。反而大衛雷斯較善於發動攻勢，喺兩者能力上都唔差得遠之下擁有哩項能力可以話成為左沙利選擇巴西人為正選既主要原因。
而卡希爾亦知道自己不受重用，季中的確有消息傳出佢會離隊他投，但在於富咸與球員之間喺週薪上未能達致共識而告吹，同時喺果段時間車路士喺成績上亦有倒退及失利跡象，引致外界傳出沙利帥位出現不穩情況，有消息指卡希爾希望易帥能夠為佢喺藍軍既職業生涯出現轉機。當然，最終依加沙利依然繼續帶領球隊，但經歷哩一季兩人之間既不咬弦相信都經已「畫出腸」。
無論如何卡希爾都總算係球隊功臣之一，見証住當日歐冠陣容又少一人難免令人傷感，希望卡希爾黎緊能夠搵到一間球會繼續享受足球生涯，退役後再回歸車路士擔任一官半職。
文章發表時間 : 06/05/2019 15:25
文章最後更新時間 : 06/05/2019 15:25
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊