《原創文章 歡迎轉載 請列明出處 謝謝》
-請支持藍獅 Facebook專頁-
基奧特，一個永遠唔起眼既前鋒，論質素佢唔係一等一，但每次一落場都會比足百二分拼勁你，論能力佢又唔係特別強，做既野睇落好簡單但其實又無乜邊個前鋒肯做或者做到，亦無乜邊個估到今時今日都經已三十有二既基奧特會係法國隊首席前鋒，但同時喺車路士就一直喺後備席上苦等機會，只可以喺歐霸盃獲得上陣時間，實在令人費解。
唔經唔覺經過沉晚法國對冰島既賽事後，基奧特經已以35球壓過查斯古特（David Sergio Trézéguet）晉身法國國家隊射手榜第3位，距離第2位柏天尼（Michel François Platini）既41球就只差6球，而基奧特亦表明完成埋黎緊下年舉行既歐國盃之後就會正式退出國家隊，時間上絕對有機會擠身射手榜第2位。但其實無論國內外都一直有聲音批評基奧特，尤其係喺上年世界盃時上陣超過540分鐘都未能取得一個入球，不過基奧特既作用向來都唔在於所謂既入球數字，相信明白既人就總會明白。
法國國家隊主帥迪甘斯都曾經為「銀河唯一」護航，相信無邊個比起前者更清楚基奧特喺依加法國隊套戰術底下既重要性，支點爭頂做二傳、同隊友one two做配合、透過跑動不斷竄擾、牽制對方後衛，拉出更多空間比隊友突破製造攻門機會，暫時喺依加眾多既法國前鋒當中就只有基奧特一人能夠做到，如果後者退出國家隊，基本上整套戰術體系都要重新規劃，到時法國隊難免有機會需要經歷一段陣痛期。
而喺球會方面，自冬季轉會窗希古恩加盟過後，法國人喺聯賽就只獲得一共55分鐘既後備上陣時間，如果唔係希古恩有咩傷病問題，沙利都唔會考慮比基奧特上陣，而後者就只好喺歐霸盃得到上陣機會，假設車路士黎緊繼續順利晉級，面對更強悍既對手好似賓菲加、拿坡里等隊伍，相信沙利亦會將基奧特調回後備席之中。球員亦表明清楚了解自己身體狀況，同時知道經已進入黃昏之年，唔介意到次一級既聯賽隊伍效力，對回歸法甲抱開放態度，不過一切都要以穩定既上陣時間為先決條件。
其實基奧特絕對係一個好洗好用既後備球員，如果藍軍能夠喺聯賽增加更多上陣機會比佢，基本上基奧特係好大機會願意繼續留隊，相反如果「銀河唯一」真係選擇季尾離隊，相信沙利就必定成為車路士球迷既眾矢之的。
文章最後更新時間 : 26/3/2019 17:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
基奧特，一個永遠唔起眼既前鋒，論質素佢唔係一等一，但每次一落場都會比足百二分拼勁你，論能力佢又唔係特別強，做既野睇落好簡單但其實又無乜邊個前鋒肯做或者做到，亦無乜邊個估到今時今日都經已三十有二既基奧特會係法國隊首席前鋒，但同時喺車路士就一直喺後備席上苦等機會，只可以喺歐霸盃獲得上陣時間，實在令人費解。
唔經唔覺經過沉晚法國對冰島既賽事後，基奧特經已以35球壓過查斯古特（David Sergio Trézéguet）晉身法國國家隊射手榜第3位，距離第2位柏天尼（Michel François Platini）既41球就只差6球，而基奧特亦表明完成埋黎緊下年舉行既歐國盃之後就會正式退出國家隊，時間上絕對有機會擠身射手榜第2位。但其實無論國內外都一直有聲音批評基奧特，尤其係喺上年世界盃時上陣超過540分鐘都未能取得一個入球，不過基奧特既作用向來都唔在於所謂既入球數字，相信明白既人就總會明白。
法國國家隊主帥迪甘斯都曾經為「銀河唯一」護航，相信無邊個比起前者更清楚基奧特喺依加法國隊套戰術底下既重要性，支點爭頂做二傳、同隊友one two做配合、透過跑動不斷竄擾、牽制對方後衛，拉出更多空間比隊友突破製造攻門機會，暫時喺依加眾多既法國前鋒當中就只有基奧特一人能夠做到，如果後者退出國家隊，基本上整套戰術體系都要重新規劃，到時法國隊難免有機會需要經歷一段陣痛期。
而喺球會方面，自冬季轉會窗希古恩加盟過後，法國人喺聯賽就只獲得一共55分鐘既後備上陣時間，如果唔係希古恩有咩傷病問題，沙利都唔會考慮比基奧特上陣，而後者就只好喺歐霸盃得到上陣機會，假設車路士黎緊繼續順利晉級，面對更強悍既對手好似賓菲加、拿坡里等隊伍，相信沙利亦會將基奧特調回後備席之中。球員亦表明清楚了解自己身體狀況，同時知道經已進入黃昏之年，唔介意到次一級既聯賽隊伍效力，對回歸法甲抱開放態度，不過一切都要以穩定既上陣時間為先決條件。
其實基奧特絕對係一個好洗好用既後備球員，如果藍軍能夠喺聯賽增加更多上陣機會比佢，基本上基奧特係好大機會願意繼續留隊，相反如果「銀河唯一」真係選擇季尾離隊，相信沙利就必定成為車路士球迷既眾矢之的。
文章最後更新時間 : 26/3/2019 17:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊