《值得擁有一次大國腳正選 - 馬高斯阿朗素》

BluexLion車迷手記 於 10/09/2018 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-

.圖片來源 : Goal.com

馬高斯阿朗素加盟車路士都經已渡過兩季多既時間,相信球迷們對於佢既打法都唔陌生,哩位西班牙球員近日亦入選「鬥牛國」新帥安歷基上任後第一張國腳名單,更首次以正選身份出戰對陣英格蘭既歐洲國家聯賽賽事。出生自足球世家既佢,出道至今都二十有七,終於都一嘗為國效力以正選身份出戰既一日。

三代都係職業球員,祖父為皇馬名宿,父親亦係當年巴塞及馬體會既重要一員,但阿朗素既職業生涯開始時並無因而順風順水,反而要經歷過高低起跌,好唔容易至得到加盟車路士既機會,初到史丹福橋並接上3號波衫。然而最初球迷們對這單收購不敢抱太大期望,畢竟自車路士傳奇左閘艾殊利高爾離開後,除了艾斯派古達兼任左閘位較為合適外,收購番黎擁有各自聯賽名涵既菲臘比路易斯以及巴巴拉文都係敗走收場,更何況馬高斯阿朗素喺加盟藍軍前可以話藉藉無名。

加盟初期,時任主帥干地的確未有即時確立馬高斯阿朗素喺正選左閘既位置,繼續對兼任既艾斯派古達委以重任,而球隊在場上整體表現亦未見得十分理想。在新加盟的球員當中,就只有簡迪當上正選位置,其餘大多數都是後備上陣或留待在冷板凳上,亦令球迷開始擔心馬高斯阿朗素是否不適合干地既戰術體系,會否同樣得到水貨之名敗走藍橋。

正喺哩個時候,球隊經歷輸比利物浦以及大敗比阿仙奴兩場賽事後,干地亦隨即選擇轉陣應戰,而備戰以久既馬高斯阿朗素終於以正選左翼衛身份登場,球員對於此位置似乎無需任何實戰時間已經能以駕馭。身後擁有專注防守既卡希爾,令佢可以配合夏薩特等球員組織進攻。擁有精準長傳既左腳,同時並非底線傳底強行出波既球員,對陣曼聯助攻柏度的那一球也成為上季既焦點,而球員在進攻時偏好走入禁區,使他偶有斬獲,處理罰球既質素亦是賣點之一。

即使上季車路士喺季中由羅馬收購左艾馬臣,但並未有因此動搖到阿朗素既正選席位,而言更在31場聯賽賽事中攻入6個入球,數字以一個防守球員黎講絕對係相當驚人,亦被外界評為係車路士繼泰利、伊雲奴域後另一位帶刀侍衛,球隊右路近禁區既罰球基本上由佢一手包辦,而且無論質素以及觀賞性都十分之高,最終更令到佢入選PFA17-18球季既年度最佳陣容十一人之一。

由皇馬青年軍出身,因素質天賦不及其它球員而離開,到次一級球隊開始職業生涯,再一步一步打起登上豪門証明自己,近日更有傳西甲三支列強都有意將佢帶返西班牙...

馬高斯阿朗素,你絕對有能力成為大國腳一員...

文章最後更新時間 : 10/09/2018 11:00


《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

留言


請按此登錄後留言。未成為會員? 立即註冊
    快捷鍵:←
    快捷鍵:→