-請支持藍獅 Facebook專頁-
《原創文章 歡迎轉載 請列明出處 謝謝》
．圖片來源 : Sky Sport
重拾射門觸角，再次張開雙手割草式慶祝，舒爾尼相隔三年後再一次喺英超賽場上取得入球，相信唔少車路士或者德國球迷都會為佢而感到高興。當日被摩連奴棄用，背上失敗之名離開史丹福橋，被迫離開英超，輾轉地依加再一次返到黎，莫非想好似沙拿咁再一次返黎英超喺球迷同摩連奴面前重新証明自己？
舒爾尼成名於利華古遜，司職左右翼鋒，同時亦能喺攻擊線最前點擔任影子前鋒，可以話係一個前線多面手，德國人踢法以機動、效率見稱，即使無球在腳下仍會透過不斷跑動走位，去牽引對手為隊友製造更多空間，而舒爾尼喺現位方面亦顯得相當聰明，一上場就好似總能夠喺適當既時間喺適當既地方出現，令到隊內一啲負責派牌發板球員能夠輕易交出助攻，而球隊既進攻模式更加立體有效。
可惜既係幾好幾有天份既進攻球員，只要唔乎合摩連奴既防守標準都會被放棄，舒爾尼喺英超渡過左一季半既時光後選擇重回德甲加盟禾夫斯堡，自加盟後其實都交出相當之好既表現，不單止好快融入到新既戰術體系，更加睇到喺各項能力都有所提升，一共為禾堡喺單季各項賽事上陣超過四十場，更射入十二球交出七個助攻。而亮眼既數據亦吸引到一眾潛力買家，最終多蒙特亦成功將佢收歸旗下。
但可惜既係，加盟「蜜蜂兵團」並沒有將佢既事業更上一層樓，接踵而來既傷患更影響到舒爾尼既發揮，上陣次數由一季四十場大大減至二十多場，當中後備上陣佔左相當大部份，無論速度定係埋門觸角都大不如前，感覺上未踏入三十之年都經已有未老先衰跡象發生，更令佢無被選入岩岩世界盃德國隊既大軍名單當中，職業生涯可以話再一次跌入谷底。
既然都已經到左無野輸唔起既地步，更要珍惜每一個都可能係「最後」既機會，富咸向舒爾尼提出邀請，為期兩季既合約再一次將德國人帶到黎英超，而喺岩岩對陣般尼哩場波都睇得出舒爾尼十分上力，除左一個補射入球之外亦有一次大位左腳射門中眉，可以話帶到比佢一個完美既開局，健康既舒爾尼對每隊球隊黎講都絕對係一個不可多得既好球員。
只寄望佢能夠遠離傷患，就有機會再次振翅高飛。
舒爾尼在車路士生涯之敗走 : 《在對的地方遇上錯的人 - 舒爾尼》
文章最後更新時間 : 28/8/2018 17:45
《原創文章 歡迎轉載 請列明出處 謝謝》藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
．圖片來源 : Sky Sport
重拾射門觸角，再次張開雙手割草式慶祝，舒爾尼相隔三年後再一次喺英超賽場上取得入球，相信唔少車路士或者德國球迷都會為佢而感到高興。當日被摩連奴棄用，背上失敗之名離開史丹福橋，被迫離開英超，輾轉地依加再一次返到黎，莫非想好似沙拿咁再一次返黎英超喺球迷同摩連奴面前重新証明自己？
舒爾尼成名於利華古遜，司職左右翼鋒，同時亦能喺攻擊線最前點擔任影子前鋒，可以話係一個前線多面手，德國人踢法以機動、效率見稱，即使無球在腳下仍會透過不斷跑動走位，去牽引對手為隊友製造更多空間，而舒爾尼喺現位方面亦顯得相當聰明，一上場就好似總能夠喺適當既時間喺適當既地方出現，令到隊內一啲負責派牌發板球員能夠輕易交出助攻，而球隊既進攻模式更加立體有效。
可惜既係幾好幾有天份既進攻球員，只要唔乎合摩連奴既防守標準都會被放棄，舒爾尼喺英超渡過左一季半既時光後選擇重回德甲加盟禾夫斯堡，自加盟後其實都交出相當之好既表現，不單止好快融入到新既戰術體系，更加睇到喺各項能力都有所提升，一共為禾堡喺單季各項賽事上陣超過四十場，更射入十二球交出七個助攻。而亮眼既數據亦吸引到一眾潛力買家，最終多蒙特亦成功將佢收歸旗下。
但可惜既係，加盟「蜜蜂兵團」並沒有將佢既事業更上一層樓，接踵而來既傷患更影響到舒爾尼既發揮，上陣次數由一季四十場大大減至二十多場，當中後備上陣佔左相當大部份，無論速度定係埋門觸角都大不如前，感覺上未踏入三十之年都經已有未老先衰跡象發生，更令佢無被選入岩岩世界盃德國隊既大軍名單當中，職業生涯可以話再一次跌入谷底。
既然都已經到左無野輸唔起既地步，更要珍惜每一個都可能係「最後」既機會，富咸向舒爾尼提出邀請，為期兩季既合約再一次將德國人帶到黎英超，而喺岩岩對陣般尼哩場波都睇得出舒爾尼十分上力，除左一個補射入球之外亦有一次大位左腳射門中眉，可以話帶到比佢一個完美既開局，健康既舒爾尼對每隊球隊黎講都絕對係一個不可多得既好球員。
只寄望佢能夠遠離傷患，就有機會再次振翅高飛。
舒爾尼在車路士生涯之敗走 : 《在對的地方遇上錯的人 - 舒爾尼》
文章最後更新時間 : 28/8/2018 17:45
《原創文章 歡迎轉載 請列明出處 謝謝》藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊